Իսպանիայի Պետխորհուրդը հակասահմանադրական է համարել կատալոնական հանրաքվեն29 սեպտեմբերի 2014 - 11:33 AMT PanARMENIAN.Net - Իսպանիայի Պետական խորհուրդը, որը երկրի կառավարությանը կից բարձրագույն խորհրդատվական մարմինն է, միաձայն հավանություն է տվել Կատալոնիայի խորհրդարանի ընդունած հանրաքվեի ու անկախության հանդեպ բնակչության վերաբերմունքը պարզող հարցումների մասին օրենքը հակասահմանադրական ճանաչելու մասին եզրակացությանը: Այժմ Պետխորհրդի որոշումը քննակվելու է կառավարության նիստում: Եթե այն հավանության արժանանա, օրենքը կուղարկվի Սահմանադրական դատարան, հայտնում է ՆՏՎ-ն: Սեպտեմբերի 27-ին Կատալոնիայի ղեկավար Արթուր Մասը հրամանագիր է ստորագրել նոյեմբերի 9-ին տարածաշրջանում հանրաքվե անցկացնելու մասին: Այժմ կառավարությունը սկսում է պատրաստվել հանրաքվեին՝ 600 տեղական մարմիններում կբացվեն տեղամասեր, պատրաստվում են քվեաթերթիկներ: Անկախության կողմնակիցները մտադիր են մոտ 100 հազար կամավորի ներգրավել, որոնք կայցելեն 7 մլն բնակչությամբ տարածաշրջանի յուրաքանչյուր տուն՝ համոզելու համար բնակչությանն «այո» ասել անկախությանը, հայտնում է Wall Street Journal-ը: Հենց որ հայցն ընդունվի դիտարկման, Կատալոնիայի խորհրդարանի ընդունած օրենքի գործողությունը կասեցվում է, ինչն անհնար է դարձնում հանրաքվեի անցկացումը: Սակայն կատալոնացի ազգայնականները կարծում են, որ Սահմանադրական դատարանի որոշումը չի կարող վեր լինել սեփական ճակատագիրն որոշելու ժողովրդի իրավունքից: Եթե, այնուամենայնիվ, հանրաքվե անցկացվի, ապա մասնակիցներին հարկ կլինի պատասխանել երկու հարցի՝ «Համաձա՞յն եք, որ Կատալոնիան պետություն դառնա» (ինքնավարության կարգավիճակի բարձրացում) և «Եթե այո, ապա համաձա՞յն եք, որ Կատալոնիան անկախ պետություն դառնա» (անկախանա Մադրիդից): Անկախության գաղափարն արմատավորված է կատալոնացիների շրջանում, որոնք միլիոնանոց հանրահավաքներ են կազմակերպում հօգուտ անկախության:Կատալոնացիները պայքարում են անկախության համար արդեն 200 տարի՝ փաստացի, 1714 թ. Բարսելոնայի ճակատամարտում պարտվելուց հետո Իսպանիայի կազմի մեջ մտնելու պահից: Այդ ժամանակներից ի վեր արդեն 3 դար է պայքար է գնում անկախության համար: 1979 թ. Կատալոնիան ինքնավարություն ստացավ, այն ժամանակ էլ պաշտոնապես ճանաչվեց կատալոնական լեզվի գոյությունը: Տարածաշրջանի տնտեսական հաջողությունները նպաստում են անջատողական տրամադրություններին՝ 203 մլրդ եվրո ՀՆԱ-ն մոտավորապես համարժեք է Դանիայի կամ Ֆինլանդիայի տնտեսություններին, իսկ մեկ շնչի համար ՀՆԱ-ն այստեղ ավելի բարձր է, քան միջինը Իսպանիայում ու ԵՄ-ում: Տարածաշրջանի արտահանումը ընդհանուր իսպանական արտահանման 26 տոկոսն է կազմում, այդ թվում արտահանման 65 տոկոսը բաժին է ընկնում ԵՄ երկրներին: Տարածաշրջանում է գրանցված Իսպանիայում գործող բոլոր օտարերկրյա ընկերությունների 38 տոկոսը: Տարածաշրջանի բնակչությունը մոտ 7,5 միլիոն է, տարածքը՝ մոտ 32 հազար քառակուսի կիլոմետր: Անջատողական տրամադրություններն ուժեղ են նաև Իսպանիայի այլ տարածաշրջաններում՝ Բասկերի Երկրում ու Անդալուսիայում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |