Հոկտեմբերը` կրծքագեղձի քաղցկեղի դեմ պայքարի միամսյակ. Հայաստանում տարեկան 1000-ից ավելի նոր դեպք է գրանցվում  1 հոկտեմբերի 2014 - 12:58 AMTPanARMENIAN.Net - Հոկտեմբերն ամբողջ աշխարհում նշվում է որպես կրծքագեղձի քաղցկեղի դեմ պայքարի միամսյակ: Այս ամիս աշխարհի գրեթե բոլոր երկրներում կազմակերպվում են զանազան միջոցառումներ, որոնց նպատակը հիվանդության մասին հասարակության իրազեկվածության մակարդակի բարձացումն է, ինչպես նաև` հիվանդության դեմ պայքարի, վաղ հայտնաբերման ու կանխարգելման համար անհրաժեշտ միջոցների հավաքագրումը: Ծրագիրը նաև տեղեկատվություն ու աջակցություն է ցուցաբերում բոլոր նրանց, ովքեր բախվել են խնդրին: Երևանում գործող «Հայ-ամերիկյան առողջության կեն֊տրոնից» (Մամոգրաֆիայի համալսարանական կենտրոն) PanARMENIAN.Net ին հայտնեցին, որ միամսյակի առթիվ կենտրոնում գործում է 50% զեղչ կրծքագեղձի հետազոտության համար: Նախատեսվում են նաև հասարակության իրազեկվածության աստիճանի բարձրացմանն ուղղված մի շարք միջոցառումներ ու դասախոսություններ: Կրծքագեղձի քաղցկեղը չարորակ գոյացություն է: Այն աշխարհում կանանց շրջանում քաղցկեղի ամենատարածված տեսակն է: Շատ հազվադեպ, բայց հանդիպում է նաև տղամարդկանց մոտ (ընդհանուր դեպքերի 1%-ը): ԱՀԿ տվյալներով ամեն տարի աշխարհում 13-90 տարեկան կանանց շրջանում գրանցվում է հիվանդության 800.000-ից 1 մլն նոր դեպք:Հայաստանը նույնպես անմասն չէ այս հիվանդությունից: Տարեցտարի կրծքագեղձի քաղցկեղով հիվանդ կանանց թիվը Հայաստանում ավելանում է: 2013-ին կրծքագեղձի քաղցկեղի ախտորոշման 1086 նոր դեպք է գրանցվել: Կրծքագեղձի քաղցկեղի դեմ պայքարի միամսյակն առաջին անգամ անցկացվել է 1985-ին AstraZeneca միջազգային դեղագործական ընկերության նախաձեռնությամբ: Այս ընկերությունը զբաղվում է տամոկսիֆենի և քաղցկեղի դեմ պայքարի այլ դեղամիջոցների թողարկմամբ: Միջոցառման առաջնային նպատակը մամոգրաֆիայի` որպես վաղ հայտնաբերման արդյունավետ մեթոդի տարածումն էր: Վարդագույն ժապավենը` միջազգային խորհրդանիշ է, որն օգտագործում են կրծքագեղձի քաղցկեղի դեմ պայքարող հասարակական կազմակերպություններն ու հիմնադրամները: Վարդագույնը կանացիություն, կյանք, գեղեցկություն ու առողջություն խորհրդանշող գույն է. այն ամենի, ինչը խլում է քաղցկեղը: Առաջին անգամ վարդագույն ժապավենը կիրառել է «Սյուզան Գ. Կոմենի անվան կրծքագեղձի քաղցկեղի դեմ պայքարի կազմակերպությունը»: 1990-ին նրանք հիվանդությունը հաղթահարած կանանց վարդագույն գլխարկներ էին բաժանում, իսկ մեկ տարի անց Նյու Յորքում «Հանուն ապաքինման վազքի» մասնակիցներին բաժանեցին վարդագույն ժապավենները: Estée Lauder ընկերությունը յուրաքանչյուր տարի կազմակերպում է հանրահայտ շինությունների վարդագույն լուսավորությունը, որպեսզի ուշադրություն հրավիրի վաղ հայտնաբերման ու հիվանդության կանխարգելման խնդիրների վրա: Թողարկվել են նաև վարդագույն ժապավենով նամականիշներ, որոնց վաճառքից ստացված գումարը փոխանցվել է կրծքագեղձի քաղցկեղի դեմ պայքարի հիմնադրամներին:   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Կալյուրանդ․ Եվրախորհրդարանը դեռևս 1987–ին է ճանաչել Հայոց ցեղասպանությունը  «Այսօր մենք հարգանքի տուրք ենք մատուցում Ցեղասպանության զոհերին»,–գրել է նաԱՄՆ Պետդեպի զեկույցը ՀՀ մասին․ Խոշտանգումներ, կամայական ազատազրկումներ, դատարանների անկախության խնդիրներ Զեկույցում նշվում է նաև, որ բանակում մահվան դեպքերը պատշաճ չեն հետաքննվումՄատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ»Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա |
