«Նավթադոլարներից կուրացած բռնապետություն». ՀՀ նախագահն Ադրբեջանի գործողությունների մասին24 հոկտեմբերի 2014 - 15:15 AMT PanARMENIAN.Net - 20 տարի շարունակվող ադրբեջանական հայատյաց քաղաքականությունը, սադրանքները սահմանին ու ռազմատենչ հռետորաբանությունը դարձել են Հայաստանի առօրյայի մի մասը: Այդ մասին The New York Times-ի հավելվածին տված հարցազրույցում հայտարարել է Հայաստանի նախագահ Սերժ Սարգսյանը: Նա նշել է, որ փխրուն խաղաղության պահպանումը Լեռնային Ղարաբաղում տարածաշրջանում խաղաղության պահպանման անկյունաքարն է: «Մենք պաշտպանում ենք տարածաշրջանային խաղաղությունը նավթադոլարներից կուրացած հարևան բռնապետության հանցավոր գործողություններից»,-ասել է նա: Ըստ նախագահի, առաջնահերթ խնդիր է մնում ՀՀ և ԼՂՀ անվտանգության ապահովումը: «Փխրուն պատերազմը հաղթական պատերազմից լավ է: Խաղաղության պահպանումը մեր ամենալուրջ նվաճումն է, և առաջիկա տարիներին ժողովրդավարացման, կրթության, առողջապահության հետ մեկտեղ անվտանգությունը լինելու է մեր գերակայությունը»,-ասել է Սարգսյանը: Անդրադառնալով Հայոց ցեղասպանության 100-ամյա մոտալուտ տարելիցին՝ նախագահ Սարգսյանը հայտարարել է, որ մարդու իրավունքները բացարձակ արժեքի են վերածվում համաշխարհային հանրության համար, և Հայոց ցեղասպանության ճանաչման ստորադասումը քաղաքական շահերին հակասում է ժամանակակից աշխարհի իրավական ու բարոյական նորմերին»,-ասել է նա: Սարգսյանը հիշեցրել է, որ ԱՄՆ Կոնգրեսը Հայոց ցեղասպանությունը ճանաչող 8 բանաձև է ընդունել, ցեղասպանության փաստը ճանաչել է 40 նահանգ, նախագահ Ռեյգանի վարչակազմը ճանաչել և դատապարտել է Ցեղասպանությունը նախորդ դարի 80-ականներին: «Վաղ թե ուշ Թուրքիան էլ կառերեսվի սեփական անցյալին և կազատվի՝ արդարության վերականգնմամբ»,-ասել է նախագահը: Անդրադառնալով հայ-ամերիկյան հարաբերություններին՝ Սերժ Սարգսյանը մասնավորապես ասել է, որ ԱՄՆ-ն Հայաստանի խոշորագույն դոնոր երկիրն է, նա ՀՀ անկախացումից ի վեր մոտ 2 մլրդ դոլարի տեխնիկական ու հումանիտար օգնություն է ցուցաբերել Հայաստանին: «Մեր երկրները համագործակցում են գլոբալ անվտանգությանը մարտահրավերների դեմ պայքարում, ինչպես, օրինակ, ահաբեկչության կամ զանգվածային ոչնչացման զենքի տարածման դեմ պայքարն է»,-ասել է նախագահը: Անդրադառնալով ԵՄ հետ հարաբերություններին Եվրասիական տնտեսական միությանը Հայաստանի անդամակցության լույսի ներքո՝ Սարգսյանը նշել է, որ Հայաստանը կշարունակի ԵՄ հետ արդյունավետ փոխգործակցության ուղիների որոնումը: «ԵՄ և Արևմուտքի օգնությամբ մեր երկիրը մի շարք կարևոր բարեփոխումներ է կատարել մարդու իրավունքների, ժողովրդավարության, օրենքի գերակայության և տնտեսւթյան ազատականացման ոլորտներում: Մենք հիանալի հասկանում ենք, որ այդ բարեփոխումները միտված չեն այս կամ այն կազմակերպությանն ինտեգրվելուն: Առաջին հերթին, դրանք կյանքի են կոչվում հանուն մեր ժողովրդի ու պետության բարգավաճման»,-նշել է նախագահը: Հղումներ թեմայով. Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |