Թուրքիան կկասեցնի ԵՄ հետ մաքսային միությանը մասկանցությունը, եթե իր շահերն անտեսվեն 6 նոյեմբերի 2014 - 15:22 AMT PanARMENIAN.Net - Թուրքիան կկասեցնի մասնակցությունը ԵՄ հետ մաքսային միությանը, եթե նրա տնտեսական շահերը հաշվի չառնվեն ԵՄ և ԱՄՆ միջև Անդրատլանտյան առևտրաներդրումային գործընկերության պայմանագիր ստորագրելիս: Այդ մասին հայտարարել է Թուրքիայի ԵՄ գծով նախարար Վոլկան Բոզկիրը: Ըստ Բոզկիրի, երբ Թուրքիան 1995 թ. մաքսային դաշինք կնքեց ԵՄ հետ, այն դրույթ ուներ առ այն, որ ԵՄ և այլ երկրների միջև համաձայնագրերը չեն տարածվում Թուրքիայի վրա: Հետևաբար, ԵՄ հետ ազատ առևտրի ռեժիմ ստացող երկրները կարող են Թուրքիա ապրանք արտահանել 0 տոկոս մաքսատուրքով: Եթե ամերիկյան ապրանքները զրոյական մաքսատուրքով հայտնվեն թուրքական շուկայում, Թուրքիան կարող է կորցնել 2,5-3 մլրդ դոլար, ասել է նախարարը: «Մենք չենք կարող մաքսային միության առավելությունները տալ բոլոր այն երկրներին, որոնց հետ Եվրամիությունը նման համաձայնագիր կկնքի: Եթե ԵՄ պայմանագիրն ԱՄՆ հետ Անդրատլանտյան առևտրաներդրումային գործընկերության վերաբերյալ ստորագրվի, և Թուրքիան անպաշտպան մնա, մենք ստիպված կլինենք սառեցնել մեր անդամակցությունը ԵՄ հետ մաքսային միությանը»,-ասել է Բոզկիրը լրագրողներին Նորվեգիա այցի ժամանակ: Հոկտեմբերին Եվրամիության երկրների համապատասխան նախարարությունները, որոնք պատասխանատու են առևտրային քաղաքականության համար, կողմ արտահայտվեցին ԱՄՆ հետ վերոնշյալ պայմանագրի շուտափույթ կնքմանը, հայտնում է ՌԻԱ Նովոստին: Հոկտեմբերի 30-ին Վոլկան Բոզկիրը ներկայացրեց Եվրամիությանն անդամակցելու գործողությունների նոր ազգային ծրագիրը, որով նախատեսվում է մի շարք օրենսդիր ակտեր ընդունել թուրքական օրենսդրությունը եվրոպականի հետ ներդաշնակեցնելու ուղղությամբ: «Գործողությունների ազգային պլանը երաշխավորում է, որ Թուրքիան կկատարի ԵՄ-ին անդամակցելու համար անհրաժեշտ բարեփոխումները: Մենք արդեն մոտ 2000 նոր օրենք ենք ընդունել վերջին 12 տարում, և կարող ենք հպարտանալ դրանով»,-հայտարարել է Բոզկիրը Անկարայում մամուլի ասուլիսում՝ հավելելով, որ առաջին փուլում՝ 2014-ի նոյեմբերից մինչև 2015-ի հունիսը Թուրքիան պետք է 36 նոր օրենք ու 142 ենթաօրենսդրական ակտ ընդունի: Նախարարը նշել է ծրագրի երեք հիմնական բաղադրիչները՝ «քաղաքական բարեփոխումների հիմնավորվածություն, սոցիալ-տնտեսական բարեփոխումների անկասելիություն, հաղորդակցման արդյունավետություն»: Ըստ Բոզկիրի, անդամակցությունը ԵՄ-ին ոչ թե տեխնիկական, այլ քաղաքական գործընթաց է, հայտնում է ՌԻԱ Նովոստին: Սեպտեմբերին Թուրքիայի վարչապետ Ահմեդ Դավութօղլուն ներկայացրեց երկրի 62-րդ կառավարության ծրագիրը: «Մենք կիրականացնենք ԵՄ հետ բանակցություններին վերաբերող գործողությունների ծրագիր: Այն նախատեսված է 2014-2015 թթ. համար: Նախորդ կառավարությունն այդ ոլորում բազմաթիվ բարեփոխումներ է իրականացրել, սակայն այժմ գործընթացը դանդաղել է: Նոր խթան է հարկավոր: Լիարժեք անդամակցությունը ԵՄ-ին կառավարության գլխավոր նպատակներից մեկն է»,-ասաց նա: Դավութօղլուն նշեց նաև, որ նախարարների կաբինետը մտադիր է «կայուն ու անվտանգ քաղաքականություն» վարել եվրաինտեգրման հարցում: Մասնավորապես, կառավարությունը կպայքարի բանակցային ծրագրի սառեցված կետերը բացելու համար: Թուրքիան ԵՄ-ին անդամակցելու հայտ է ներկայացրել դեռ 1987-ին, իսկ 1999 թ. ստացել է թեկնածու երկրի կարգավիճակ: Միությանն անդամակցելու մասին բանակցությունները սկսվել են 2005-ին: Սակայն 35 անհրաժեշտ պայմաններից Թուրքիան մինչ օրս բավարարել է միայն 13-ին, ընդ որում ամենամեծ առարկություններն առաջացնում է տարածքային վեճը Կիպրոսի հետ ու ժողովրդավարացման խնդիրները երկրի ներսում: Նախորդ տարվա հոկտեմբերի 16-ին եվրահանձնաժողովը հրապարակեց նոր ամենամյա զեկույցը ԵՄ-ին Թուրքիայի անդամակցության գործընթացի մասին՝ առաջարկելով վերսկսել բանակցություններն ու շտապեցնել Թուրքիային ժողովրդավարացման հարցում: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կկրճատի այն հիվանդությունների ցանկը, որով զորակոչի ենթակա անձինք ոչ պիտանի են ճանաչվում Գիշերամիզությունը, թեթև մտավոր հետամնացությունը, կիստաները այլև բանակից ազատվելու հիմք չեն լինի Team-ը` CaseKey կրթական ակադեմիայի գործընկեր Վերապատրաստման ծրագրի ավարտին թիմերին կներկայացվի իրական բիզնես խնդիր, որը պետք է լուծել Մարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նա Վարչապետ․ Տավուշի համայնքներից մարդիկ կներգրավվեն սահմանազատման աշխատանքային խմբում Փաշինյանի խոսքով` այժմ մեր լարվածությունն ավելի շատ Կիրանց և Բերքաբեր համայնքների հետ է կապված |