 Ռուսաստանն առաջարկել է Եվրամիությանը նոր երկխոսություն սկսել ԵՏՄ հետ տնտեսության ոլորտում 26 նոյեմբերի 2014 - 11:33 AMT PanARMENIAN.Net - ՌԴ տնտեսական զարգացման նախարարությունը նամակ է հղել Եվրահանձնաժողովին, առաջարկելով նոր երկխոսություն սկսել Եվրասիական տնտեսական միության (ԵՏՄ) և Եվրամիության միջև էկոնոմիկայի և գործարար գործակցության վերաբերյալ, լրագրողներին է հայտնել նախարար Ալեքսեյ Ուլյուկաևը: «Մենք պետք է ինտեգրացիոն ապագա որոնենք Եվրասիական տնտեսական միության ու Եվրամիության միջև: Ահա հիմա ձևովորվել է Եվրոպական ընկերակցության նոր հանձնաժողովը, մենք հուսով ենք, որ մեր երկխոսությունը կակտիվանա, մենք մեր եվրոպացի գործընկերների համար կազմել ենք օրակարգի մեր տեսլականը: Ես համապատասխան նամակ եմ հղել Եվրահանձնաժողովին»,-ասել է նախարարը: Նա պարզաբանել է, որ խոսքը գնում է միասնական տարածքի ձևավորման մասին առանց բաժանարար գծերի, ձեռներեցության զարգացման մասին, Ռուսաստան-ԵՄ երկխոսության վերսկսման, ինչպես նաև «Գործընկերություն արդիականացման համար» նախագծի շրջանակում գործակցությունը շարունակելու վերաբերյալ: Ըստ Ուլյուկաևի, անհրաժեշտ է գտնել նաև Ուկրաինայում խնդիրների լուծումը ինչպես քաղաքական, այնպես էլ տնտեսական ոլորտներում՝ ապահովելով այդ երկրի վճարունակությունն ու առևտրային հարաբերությունները: «Մենք առավելագույնս բաց ենք Եվրամիության հետ կոոպերացիայի համար, մենք չենք հավատում հովանավորչությանը… Մենք չենք նահանջի, մենք ցանկանում ենք տեխնիկական կանոնակարգման ընդհանուր պայմաններ ստեղծել, որոնք ընդունելի կլինեն ռուս և եվրոպացի արտադրողների համար, որպեսզի ընդհանուր սանիտարական և ֆիտոսանիտարական հսկողություն լինի, մաքսային վարչարարություն…»,-ասել է նախարարը: Ավելի վաղ ՌԴ ԱԳ նախարար Սերգեյ Լավրովը հայտարարեց, որ Ռուսաստանը մտադիր է առաջ տանել առևտրի ազատ գոտու ստեղծման գաղափարը Եվրամիության և Մաքսային միության միջև: Նախարարի խոսքով՝ ԵՄ-ի և Մաքսային միության միջև ազատ առևտրի գոտու ստեղծման վերաբերյալ բանակցությունների մեկնարկի մասին Ռուսաստանի նախագահ Վլադիմիր Պուտինի գաղափարն «արդեն չի դիտվում որպես էկզոտիկա»: «Այդ ամենը դարձել է դիվանագիտության և իրական քաղաքականության մաս: Դեռևս քննարկման մակարդակով, բայց ես համոզված եմ, որ մենք կհասնենք նրան, ինչն արդեն այժմ սկսել են կոչել «ինտեգրումների ինտեգրում» և դա կլինի այն թեմաներից մեկը, որը մենք մատդիր ենք առաջ տանել ԵԱՀԿ շրջանակում Բազելում կայանալիք ԱԳ նախարարների խորհրդի նիստում»,-ասել է Լավրովը: Photo: Rbc    Եվրասիական տնտեսական միությանը Հայաստանի անդամակցման գործընթացը Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվել է Եվրասիական տնտեսական միության մասին պայմանագրին Հայաստանի միանալու մասին պայմանագիրը:  Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Պատգամավոր. Ապօրինի միգրանտները գալու են, լցվեն Հայաստան  «Պակիստանից, Բանգլադեշից կամ այլ երկրից 50 կամ 100 հազար մարդ գա, հասկանո՞ւմ եք, թե ինչ է լինելու Հայաստանի հետ մի քանի տարուց»,- ասել է նաԱռաջին կանադացի փորձագետը միացել է ՀՀ–ում ԵՄ առաքելությանը Կանադան ԵՄ անդամ չհանդիսացող առաջին պետությունն է, որն աջակցում է առաքելությանըՔՊ պատգամավոր. Freedom House-ը չի որոշում՝ ՀՀ-ն ժողովրդավար է, թե՝ ոչ «Համաշխարահային երկրների շարքում ՀՀ-ն ամենաժողովդավար երկրներից մեկն է»,-ասել է նա |
