Թուրք նախարար. Հայը, հույնը, թուրքը միասին են կերտել Անատոլիայի մշակույթը26 նոյեմբերի 2014 - 12:51 AMT PanARMENIAN.Net - Թուրքիայի մշակույթի և զբոսաշրջության նախարար Օմեր Չելիքը Բրյուսելում լրագրողների հետ զրույցում հավաստիացրել է, որ 2015-ի ամռանը կայանալիք Europalia փառատոնին հյուրի կարգավիճակով մասնակցող իր երկիրը եվրոպական արվեստասեր հասարակությանը կծանոթացնի Թուրքիայի մշակութային ժառանգության հետ: Europalia-ն Եվրոպայում ամենահայտնի արվեստի միջազգային մշակութային փառատոներից է և անցկացվում է 1969 թվականից: Բելգիացի լրագրողներից մեկը դիմել է Չելիքին` հարցնելով, թե արդյոք իրենք պատրաստվում են ներկայացնել հայ արվեստագետների գործերը, ինչին թուրք նախարարը պատասխանել է` ներակայցնելու են ինչպես թուրքերի, այնպես էլ հայերի, քրդերի, հրեաների և այլ ազգային փոքրամասնությունների կերտած մշակույթը: «Հայկական մշակույթը օտար չէ մեր մշակույթին: Անատոլիայի մշակույթին ծանոթացնելիս` մենք չենք փորձելու մասնատել այն: Հայը, հույնը, թուրքը, բոլորը միասին են կերտել Անատոլիայի մշակույթը: Նրանց բոլորին ներկայացնելու ենք որպես մեկ օրգանական միասնություն»: Ըստ Չելիքի` փառատոնին ցուցադրվելու են վերականգնված եկեղեցիների լուսանկարները, մասնակցելու են թուրքահայ արվեստագետներ, գրականագետներ, գրողներ, կինոգետներ, ճարտարապետներ, որոնք հանրությանը ներակայացնելու են հայկական մշակութային արվեստը: Նախարարը թվարկել է նրանց անունները, որոնց մասնակցությունն արդեն ստույգ ծրագրված է` Թաթյոս Էֆենդի, Նիկողող աղա, Քեմանի Սարգիս Էֆենդի, Բիմեն Շեն, Մարգար Եսայան, Ժակլին Չելիք, Կարին Քարաքաշլը:Ermenihaber_ի հաղորդմամբ, կայանալու է նաև է օսմանյան շրջանի պալատական լուսանկարների ցուցահանդես, որոնց մեծ մասի հեղինակները հայ լուսանկարիչներ են եղել: Անատոլիան Փոքր Ասիա թերակղզու արևմտյան մասն է: Օսմանյան կայսրությունում Անատոլիա (Անադոլու) էր կոչվում Փոքր Ասիայի հյուսիս արևելյան մասն ընդգրկող վիլայեթը՝ Քյոթահյա կենտրոնով: 1923 թվականից թուրքական գրականության մեջ Անատոլիա են անվանում ամբողջ Ասիական Թուրքիան՝ ներառյալ Արևմտյան Հայաստանը, որով և խեղաթյուրվել է այդ տերմինի աշխարհագրական բովանդակությունը: Կարդացեք նաև` Հայերն ու հայ լուսանկարիչներն Օսմանյան կայսրությունում Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | ԱԳՆ. ՀՀ-ԵՄ-ԱՄՆ հանդիպումը որևէ երրորդ կողմի դեմ ուղղված չէ և չէր կարող լինել Նա նշել է, որ բարձր մակարդակի հանդիպումը միտված է առկա հարաբերությունների զարգացմանը և խորացմանը ՀՀ ԱԺ պատվիրակությունը չի միացել ՀԱՊԿ ԽՎ-ի՝ «Կրոկուսում» ահաբեկչությունը դատապարտող հայտարարությանը «Առաջարկ եղել է հայկական կողմին, մենք մերժել ենք»,- նշել է Ղուլյանը Ոստիկանության բաժին ներխուժելու փորձի համար 3 ձերբակալվածից 2-ը կալանավորվել է Ա.Մ.-ն շարունակում է ստացիոնար բուժումը բուժհաստատությունում ՌԴ-ում պետընկերություն կստեղծվի, որը կհավաքագրի աշխատանքային միգրանտներին Դա կլինի «Աշխատանք Ռուսաստանում» ընկերությունը |