Վարդան Պետրոսյանի գործով դատաքննությունն ավարտվել է. Վիճաբանության փուլը՝ դեկտեմբերի 17-ին 6 դեկտեմբերի 2014 - 13:07 AMT PanARMENIAN.Net - Դերասան Վարդան Պետրոսյանի մասնակցությամբ ավտովթարի գործով դատաքննությունը դեկտեմբերի 5-ին ավարտվել է: Կոտայքի մարզի ընդհանուր իրավասության դատավոր Վաղինակ Մկրտչյանը հայտարարել է, որ դատարանն անցում է դատական վիճաբանությունների փուլին: Քանի որ մեղադրող Արթուր Սարգսյանը ժամանակ է խնդրել ճառին պատրաստվելու համար, դատարանը որոշել է մինչև դեկտեմբերի 17-ը հետաձգել դատական նիստը, գրում է Tert.am-ը: Դեկտեմբերի 17-ին կսկսվի Վարդան Պետրոսյանի գործով դատական վիճաբանությունների փուլը, մեղադրական ճառով հանդես կգա դատախազ Արթուր Սարգսյանը, այնուհետև բոլոր մյուս կողմերը: Ավտովթարի առթիվ հարուցված քրգործի նախաքննությունը պաշտոնապես ավարտվել էր հունվարի 23-ին: Գործով դատաքննությունը մեկնարկել էր 2014-ի մարտի 12-ին: Վարդան Պետրոսյանին մեղադրանք էր առաջադրվել, քանի որ 2013-ի հոկտեմբերի 20-ին՝ ժամը 22:10–ի սահմաններում, Կոտայքի Սարալանջ գյուղից դեպի Երևան վարել է իր անձնական «ԲՄՎ-320» մակնիշի, 04 ավտոմեքենան ու, հասնելով Եղվարդ-Երևան ավտոճանապարհի 2-րդ կմ հատվածին, ոչ պատշաճ, վտանգավոր երթևեկություն իրականացրել: Ավտոմեքենան վարել է բնակավայրում սահմանված թույլատրելի առավելագույնը գերազանցող առնվազն՝ 71 կմ/ժ արագությամբ և երթևեկության ընթացքում օգտվելով հեռախոսակապից, զրկել իրեն ավտոմեքենայի լիարժեք կառավարումն իրականացնելու տեխնիկական հնարավորությունից: Մինչ այդ, վերջին դատական նիստին կողմերը դատաքննությունը լրացնելու միջնորդություն չեն ունեցել: Հայտարարությամբ հանդես է եկավ միայն Վարդան Պետրոսյանի պաշտպան Նիկոլայ Բաղդասարյանը, որը կապված էր նախորդ նիստում դատարանի կայացրած որոշման հետ, համաձայն որի՝ մերժվել էր դատաավտոտեխնիկական լրացուցիչ փորձաքննություն անցկացնելու միջնորդությունը: Վարդեն Պետրոսյանի 2-րդ պաշտպանը՝ Սամվել Ջաղինյանը, նշել է, որ որոշման մեջ դատավորը չի անդրադարձել և քննության չի դրել մեղադրյալի պաշտպանական իրավունքների խախտման, նրան փորձաքննությանը հարցեր առաջադրելու իրավունքները: Մեղադրողն իր հերթին հակադարձել է, թե հոկտեմբերի 31-ին է հրավիրվել նախաքննական մարմին, այն էլ վկայի կարգավիճակով: Իսկ տուժողների ներկայացուցիչ Ռուբեն Բալոյանը հայտնել, որ որևէ մեկի իրավունքները չեն խախտվել և պաշտպանական կողմը երկար ժամանակ է ունեցել՝ հարցեր առաջադրելու համար: Ըստ առաջադրված մեղադրանքի, Պետրոսյանը ճանապարհային երթևեկության կանոնների 65 և 66 կետերի, ինչպես նաև «ճանապարհային երթևեկության անվտանգության ապահովման մասին» օրենքի 23 հոդվածի 3-րդ կետի, 24 հոդվածի 7-րդ կետի «Զ» ենթակետի պահանջներին հակասող գործողություններով վթարային իրադրութուն է ստեղծել, որի արդյունքում ավտոմեքենան դուրս է բերել երթևեկելի մասից դեպի աջ և առջևի մասով ընդհարվել հողածածկ կողնակում կանգնած վիճակում գտնվող «Վազ 21214» մակնիշի ավտոմեքենայի հետևի մասին: Բախման հետևանքով «Վազ 21214»-ի ուղևորներ էդվարդ ու էդգար Հակոբյանները մահացել են, Տաթևիկ Հակոբյանի առողջությանը կյանքին վտագ սպառնացող ծանր վնաս է պատճառվել, Հայկ ու էմմա Հակոբյանների, ինչպես նաև վարորդ Արթուր Հակոբյանի առողջությանը՝ առողջության տևական քայքայումով միջին ծանրության վնաս: Պետրոսյանին մեղադրանքն առաջադրվել է ՀՀ քրեական օրենսգրքի 242-րդ հոդվածի 3-րդ մասի հատկանիշներով՝ «ճանապարհային երթևեկության կանոնները խախտելը, որն անզգուշությամբ առաջացրել է երկու կամ ավելի մարդու մահ»: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |