ՀՀ գյուղոլորտի զարգացմանը 15 մլն եվրոյի վարկ է տրամադրվել10 դեկտեմբերի 2014 - 13:19 AMT PanARMENIAN.Net - Գերմանիայի KfW զարգացման բանկը 15 մլն եվրոյի վարկ է տրամադրել Հայաստանին՝ բանկերի և վարկային կազմակերպությունների միջոցով ՀՀ գյուղատնտեսության ոլորտի փոքր և միջին ձեռնարկությունները վարկավորելու համար: Սա արդեն «ՀՀ գյուղատնտեսության ոլորտի աջակցման» վարկային ծրագրի 2-րդ փուլն է: Վարկային և դրամաշնորհի համապատասխան պայմանագրերը ստորագրվել են այսօր՝ դեկտեմբերի 9-ին: Հայաստանի կողմից դրանք ստորագրել է ՀՀ կենտրոնական բանկի նախագահ Արթուր Ջավադյանը: Միջոցների մի մասը կուղղվի «ՀՀ գյուղատնտեսության ոլորտի աջակցման» ներկայումս գործող ծրագրի շարունակությանը, մյուսը` ոլորտի արժեշղթաների պիլոտային ենթածրագրի ֆինանսավորմանը: KfW բանկի հատկացրած դրամաշնորհի գումարը 750 հազար եվրո է: Դրամաշնորհի միջոցները նախատեսված են տեխնիկական աջակցության` ծրագրի շահառուներին մատուցվող խորհրդատվական ծառայությունների ֆինանսավորման համար: Տեխնիկական աջակցությունն իրականացնելու է KfW կողմից մրցութային կարգով ընտրված խորհրդատվական ընկերությունը: Գերմանական բանկը Հայաստանում ոռոգման, ջրամատակարարման և ջրահեռացման ծրագրեր է իրականացնում, մասնավորապես՝ Շիրակի մարզում: Այդ ծրագրերից հիմնականը Կապսի ջրամբարի վերակառուցումն է, որը հնարավորություն կտա ավելացնել Շիրակի հողօգտագործողների ոռոգման ջրի պահանջարկի բավարարման ծավալները: Դեռ հունիսի սկզբին բանկի ներկայացուցիչների հետ հանդիպմանը գյուղնախարար Սերգո Կարապետյանը ներկայացրել էր ոլորտի ներկա վիճակը, զարգացման միտումներն ու ռազմավարական ծրագրերը: Առաջնահերթությունների շարքում կարևորվել էր գյուղատնտեսական կոոպերատիվների ստեղծման, պետական աջակցության ծրագրերի իրականացման, սննդամթերքի անվտանգության կարողությունների ուժեղացման, վերամշակման ոլորտում նոր տեխնոլոգիաների ներդրման հարցերը: Նախարարը նշել էր նաև, որ Հայաստանում գյուղատնտեսության զարգացման իրատեսական հնարավորություններ կան գրեթե բոլոր ուղղություններով և առաջարկել գերմանական կողմին քննարկել տեխնիկական օգնության հարցը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |