Հայ մասնագետները մասնակցել են Ամենհոտեպ III արձանի վերականգնմանը15 դեկտեմբերի 2014 - 17:17 AMT PanARMENIAN.Net - Եգիպտական Լուքսորում նշել են Ամենհոտեպ III փարավոնի հսկայական 14-մետրանոց արձանի վերականգնումը: Այն հայտնաբերվել էր Նեղոսի արևմտյան ափին երկրաշարժից հետո: Հնագետները վերականգնել են այն 88 բեկորից: «Քիչ էր մնում կորցնեինք արձանը: Այդ բեկորները դաշտերում էին գտնվում, և մենք պահպանեցինք դրանք: Երկրորդը՝ դա կանգնած փարավոնի ամենաբարձր արձանն է»,-ասել է հնագետ Հուրիկ Սուրուզյանը: 3000 տարեկան քարակերտ արձանի վերականգնումը բավականին բարդ գործ էր: «Արձանի մի մասը շատ վատ վիճակում էր, քանի որ գտնվել է ջրի տակ: Դա առաջին բարդությունն էր, մյուսն այն էր, որ այն քանդվել է նաև մարդկանց մասնակցությամբ: Արձանը բազմաթիվ ճագեր ուներ, որոշ հատվածներ բացակայում էին, հատկապես սակավ էին ոտքերի մասի բեկորները»,-պատմում է հնագետ Միգել Անխել Լոպեսը: Վերականգնված արձանը տեղադրվել է Ամենհոտեպ III մեկ այլ արձանի հարևանությամբ, որը կես մետրով ցածր է: Այդ արձանը նույնպես փլուզվել էր երկրաշարժի ժամանակ, այն նույնպես վերականգնվել էր ընթացիկ տարում, հայտնում է Ntdtv.ru-ն: Հայտնի «Մեմնոնի կոլոս» կոթողի երկու արձանները ևս պատկերում են Ամենհոտեպ III փարավոնին, սակայն այնտեղ փարավոնը ներկայացված է նստած դիրքով: Ըստ Միգել Անխել Լոպեսի, «նրանց արվեստը կատարյալ է, այն զուգընթաց է տեխնիկական նվաճումներին: Նրանք կառուցել են այս հսկայական արձանները, դեմքն են քանդակել: Նրանք հիանալի դամբարաններ ունեն գեղեցիկ պատկերներով: Դա իրոք բարձր գեղարվեստական վարպետություն էր պահանջում»: Եգիպտոսի իշխանությունները հուսով են, որ վերականգնված քարե արձանները հերթական գրավիչ խայծը կդառնան զբոսաշրջիկների համար:«Այդ աշխատանքները կյանքի են կոչում տաճարը, ուստի այստեղ կարող է թանգարան հայտնվել: Դրանք համալրում են եգիպտական հնություններն ու տնտեսական խթան են զբոսաշրջության համար»,-հայտարարել է Եգիպտոսի հնությունների նախարար Մամդուհ ալ Դամատին: Լուքսորի հնագիտական պեղումներն արդեն 16 տարի շարունակ իրականացնում է մասնագետների բազմազգ թիմը՝ բաղկացած իսպանացիներից, գերմանացիներից, հայերից և ճապոնացիներից: Ամենհոտեպ III Հին Եգիպտոսի փարավոններից է, նա իշխել է 1388-1351 տարիներին մեր թվարկությունից առաջ, պատկանում է XVIII տոհմին: Նա Թութմոս IV և Մուտեմույեի որդին էր: Ամենհոտեպ III համարվում է Եգիպտոսի լավագույն շինարար փարավոններից մեկը: Հզորացման և ծաղկման ժամանակաշրջանը Եգիպտոսի համար շարունակվեց Ամենհոտեպ III-ի երեսուներկուամյա կառավարման ընթացքում պահպանելով Թութմոս III կատարած նվաճումները: Չնայած նրա կառավարման տարիների մասին բավականին հարուստ տեղեկություններին, նրա անձը դեռ խորհրդավոր ու հակասական է մնում: Մի կողմից նա եռանդով հարգում էր ավանդական եգիպտական աստվածներին և ճոխ դամբարաններ էր կառուցում նրանց համար, մյուս կողմից հենց նրա դարաշրջանում, երբ արքայական ինքնաաստվածացումը հսկայական չափերի հասավ, սկիզբ առավ Ամառնայի բարեփոխումը: Photo: AFP Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Օվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ին Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը |