Նավթի արտահանումն Ադրբեջանից նվազել է գրեթե 4%-ով17 դեկտեմբերի 2014 - 15:21 AMT PanARMENIAN.Net - 2014 հունվար-նոյեմբերին Ադրբեջանն արտահանել է 30.2 մլն տոննա նավթ, ինչը 3,6 տոկոսով պակաս է անցյալ տարվա ցուցանիշից: Այդ մասին գրում է «Ինտերֆաքս-Ադրբեջանը» Ադրբեջանի պետական մաքսային կոմիտեի վրա հղումով: Ըստ հաշվիչների տվյալների, հունվար-նոյեմբերին Բաքու-Թբիլիսի-Ջեյհան նավթամուղով արտահանվել է 24, 5մլն տոննա նավթ, Բաքու-Սուպսա նավթամուղով՝ 3 .855 մլն տոննա , Բաքու-Նովոռոսիյսկ նավթամուղով՝ 933,3 հազար տոննա, երկաթուղով դեպի վրացական նավահանգիստներ՝ 855,5 հազար տոննա նավթ: Ըստ կոմիտեի տվյալների, հաշվետու շրջանում արտահանման ենթակա հայտարարագրված նավթի ծավալը կազմել է 22,219մլն տոննա, որի հանրագումարը 17,578 մլրդ դոլար է: Ըստ կոմիտեի, հունվար-նոյեմբերին նավթամթերքի արտահանումն Ադրբեջանից կազմել 1,884 մլն տոննա, որի գումարը $1, 266 մլրդ դոլար է: Նշենք, որ 2013-ի հունվար-նոյեմբերին Ադրբեջանն արտահանել է 18,587 մլրդ դոլարի նավթ, 2011-ին ՝ 22,9 մլրդ դոլարի: Սակայն Ադրբեջանի բյուջե են գնում նաև նավթի վաճառքից ստացվող արտահանման տուրքերը: Ինչպես հայտարարել էր ադրբեջանցի պատգամավոր Վահիդ Ահմեդովը, նավթի յուրաքանչյուր էժանացումը 10 դոլարով նվազեցնում է Ադրբեջանի պետբյուջեի եկամուտները 256 մլն մանաթով (մոտ 200 մլն դոլար): Նա նշել է, որ նույնիսկ նավթի այս գնանկման պայմաններում երկրի բյուջեն «ընդամենը» 2 մլրդ մանաթ է կորցնում (մոտ 1,57 մլրդ դոլար): 2009-ից սկսած նավթի արդյունահանումն Ադրբեջանի գլխավոր հանքավայրում չի համապատասխանում ակնկալվող ծավալներին, որոնք նախատեսվում էին «դարի պայմանագիրը» (Ազերի-Չիրագ-Գյունեշվլի հանքավայրի գործարկում ու Բաքու-Թբիլիսի-Ջեյհան նավթամուղի կառուցում) ստորագրելիս: 2009-ին նախատեսված 46,8 մլն տոննայի փոխարեն արդյունահանվել է 40,3մլն տոննա, 2010-ին՝ 40,6 մլն տոննա 42,1 մլն տոննայի փոխարեն, 2011-ին 36 մլն տոննա նախատեսված 40,2 մլն տոննայի փոխարեն: 2012 թ. անկումը հաջողվեց կայունացնել, սակայն 2013-2014 թթ. անկման միտումը շարունակվեց՝ բացասաբար ազդելով Ադրբեջանում նավթի արդյունահանման վրա ընդհանուր առմամբ: 2012-ին նավթի արդյունահանումը Ադրբեջանում նվազել է 5,3 տոկոսով՝ մինչև 42, 9 մլն տոննա, 2013-ին նոր հորատանցքերի գործարկման շնորհիվ արդյունահանումը հաջողվեց հասցնել 43,48 մլն տոննայի: 2014-ի հունվար-սեպտեմբերին Ադրբեջանում արդյունահանվել է 32,1 մլն տոննա նավթ նախորդ տարվա նույն ժամանակահատվածի 38,8 մլն տոննայի դիմաց: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |