Սիրիայում հակամարտության ընթացքում մոտ 1 մլն մարդ է վիրավորվել20 դեկտեմբերի 2014 - 11:20 AMT PanARMENIAN.Net - Մեկ միլիոն մարդ է վիրավորվել սիրիական հակամարտության ընթացքում, ուրբաթ օրը հայտարարել է Առողջության համաշխարհային կազմակերպության ներկայացուցիչ Էլիզաբեթ Հոֆֆը: «Դա կարելի է տեսնել, ճամփորդելով երկրում: Կարելի է տեսնել մեծ քանակությամբ հաշմանդամների, դա մեծ խնդիր է»,- ասել է նա լրագրողներին, գրում է Ինտերֆաքսը: Նա նաև անդրադարձել է սիրիացիների շրջանում հիվանդությունների արագ տարածմանը և խնդիրներին առողջապահութնան ոլորտում: Ըստ ԱՀԿ ներկայացուցչի, կտրուկ աճել է տիֆով և հեպատիտով հիվանդների թիվը, քանի որ այժմ պատվաստվում է բնակչության ընդամենը 52 տոկոսը, մինչդեռ ռազմական գործողություններից առաջ պատվաստմանը ենթակա էր բնակչության 90 տոկոսը: ԱՀԿ-ն բուժօգնություն է տրամադրում Սիրիային հակամարտության մեկնարկից ի վեր, սակայն կազմակերպությունը ստիպված է համաձայնեցնել բոլոր առաքումները Դամասկոսի հետ: «Խնդիրներ կան կապված առաքումների կանոնակարգման հետ: Նրանց հավանությունը մշտական չէ»,-նշել է Հոֆֆը: Ավելի վաղ համաշխարհային կազմակերպության գլխավոր քարտուղարի տեղակալ Վալերի Ամոսը հայտարարել է, որ Սիրիայում հակամարտության զոհերի թիվը հասնում է 200 հազարի: Դեռ փետրվարին զոհվածների քանակը գնահատվում էր 200 հազար: Քաղաքացիական պատերազմը Սիրիայում շարունակվում է արդեն 3 տարուց ավելի: Իրար դեմ են կռվում կառավարական բանակը, չափավոր ապստամբները, իսլամիստական խմբավորումը, այդ թվում «Ալ Քայիդայի» հետ կապված «Ան Նուսրան» և ծայրահեղական «Իսլամական պետությունը»: Այս ընթացքում մոտ 200 հազար մարդ է զոհվել: ՄԱԿ տվյալներով, Սիրիայում և Իրաքում մոտ 13,6 միլիոն մարդ դարձել է փախստական և ներքին տեղահանված անձ, որից ևս 7,2 մլն Սիրիայի ներքին տեղահանված անձիք են, 3,3 մլն՝ փախստականներն այդ երկրից: Մոտ 12 հազար սիրիահայեր հաստատվել են Հայաստանում: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |