ՔԶԱԿ. Սիրիական բանակը գնդակոծել է խաղաղ բնակիչներին քլորով 8 հունվարի 2015 - 14:21 AMT PanARMENIAN.Net - ՄԱԿ Անվտանգության խորհուրդը քննարկել է երրորդ զեկույցը Սիրիայում թունավոր նյութերի կիրառման վերաբերյալ, որը ներկայացրել է Քիմիական զենքի արգելման կազմակերպությունը՝ ՔԶԱԿ-ը: Փաստաթղթից հայտնի է դառնում, որ 2014-ին Սիրիայի իշխանությունները երեք անգամ քլորի գազ են կիրառել խաղաղ բնակիչների դեմ, հայտնում է Ռոսբալտը: Չնայած, որ զեկույցի հեղինակները ուղղակիորեն պատասխանատու չեն համարում Բաշար Ասադին, սակայն ըստ նրանց հավաքած տեղեկությունների, գազով տակառները նետվել են ուղղաթիռներից, որոնցից իշխանությունների հակառակորդները չունեն: Այդ մասին հայտնել է 37 վկաներից 32-ը, որոնց հարցաքննել են զեկույցը պատրաստելիս: 26 մարդ ցույց է տվել, որ լսել է տակառների վայր ընկնելուն հատուկ բնորոշ սուլոցը, իսկ 29-ը զգացել է «գազի կուտակմանը բնորոշ հոտը»: ՄԱԿ-ում ԱՄՆ ներկայացուցիչ Սամանտա Փաուերը նշել է, որ հաշվետվությունը ներկայացրել է իշխող ռեժիմի կողմից թունավոր նյութերի օգտագործման առավել հստակ վկայությունները: Սիրիայի նախագահ Ասադին մեղադրում են խաղաղ քաղաքացիների դեմ հակամարտության 2,5 տարում քիմիական զենք մի քանի անգամ կիրառելու մեջ: Ամենախոշոր դեպքը տեղի է ունեցել օգոստոսի 21-ին Դամասկոսի արվարձանում: Սիրիայի իշխանությունները հերքում են այդ մեղադրանքները: Ասադը նախկինում հայտարարել էր, որ իր զորքերի հաջողությունների ֆոնի վրա քիմիական զենքի կիրառումն «անտրամաբանական» կլիներ ՄԱԿ ԱԽ-ն սեպտեմբերի 27-ին միաձայն հավանություն տվեց Սիրիայում քիմիական զենքի ոչնչացման վերաբերյալ բանաձևին: Բանաձևը բացառում է ուժի կիրառումը Սիրիայում և ընդհանրապես 7-րդ հոդվածի ցանկացած կիրառում: Բանաձևի տեքստն ընդունվեց Ռուսաստանի և ԱՄՆ ինտենսիվ բանակցությունների արդյունքում: Նրա հիմքում 2013թ. սեպտեմբերի սկզբին Ժնևում ընդունած համաձայնությունն է: ՄԱԿ մամուլի ծառայությունը հոկտեմբերի 6-ին հայտնել էր, որ սիրիացիները ոչնչացրել են քիմիական զենքի պաշարների մեծ մասը Քիմզենքի արգելման կազմակերպության փորձագետների ղեկավարությամբ: Դուրս է բերվել և ոչնչացվել մոտ 800 տոննա քիմիական նյութ, իսկ ՄԱԿ և ՔԶԱԿ համատեղ առաքելությունը ոչնչացնում է քիմզենքի արտադրության օբյեկտները երկրում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա |