ՌԴ-ում Էբոլայի վիրուսի կասկածանքով 40 մարդ է հետազոտվել17 հունվարի 2015 - 11:05 AMT PanARMENIAN.Net - Ռուսաստանում Էբոլայի տենդի կասկածանքով 40 մարդ է հետազոտվել: Բոլոր դեպքերում ախտորոշումը չի հաստատվել, հայտարարել է «Ռոսպոտրեբնադզորի» ղեկավար Աննա Պոպովան, հայտնում է Lenta.ru-ն «Ինտերֆաքսին» հղումով: Առողջպահության համամաշխարհային կազմակերպության տվյալներով՝ 2014-ի վերջում վարակվածների թիվն անցում էր 5000-ը: Էբոլայից արդեն մահացել է 2.600 մարդ: Վիրուսի դեմ պայքարում պահանջվում է $1 մլրդ: Վիրուսի դեմ դեղամիջոց դեռևս չի հայտնաբերվել: ԱՀԿ-ն խոստանում է այն ստեղծել մինչև 2015-ը: 2014-ի սեպտեմբերին ՄԱԿ Անվտանգության խորհրդի բոլոր 15 անդամները կողմ են քվեարկել բանա ձևին, որով Էբոլայի վարակն աշխարհի խաղաղության ու անվտանգության համար սպառնալիք ճանաչվեց: «Դիտարկման ամբողջ ընթացքում ինֆեկցիոն հիվանդությունների ախտանիշներով հոսպիտալացվել և Էբոլայի տենդի կասկածանքով հետազոտվել է մոտ 40 մարդ: Բոլոր արդյունքները բացասական են եղել: Բոլոր անհրաժեշտ միջոցառումներն անցկացվել են»,- ասել է ՌԴ գլխավոր սանիտարական բժիշկը: Երկրում ստուգվում են բոլոր ուղևորները, որոնք ժամանում են այն երկրներից, որտեղ Էբոլայի բռնկում է արձանագրվել: Ընդհանուր առմամբ դիտարկման ընթացքում ՌԴ 52 սուբյեկտի տարածք է ժամանել նման մոտ 4,5 հազար անձ: Էբոլայի տենդի համաճարակը բռնկվեց Արևմտյան Աֆրիկայում, առաջին դեպքերը գրանցվեցին 2014-ի փետրվարին Գվինեայում: Վարակը շուտով դուրս եկավ երկրի տարածքից ու տարածվեց նաև Լիբերիայում, Սիեռա Լեոնեում, Նիգերիայում, Սենեգալում, ԱՄՆ-ում, Իսպանիայում ու Մալիում: Ըստ հունվարի 7-ի տվյալների, վիրուսով վարակված է մոտ 20,7 հազար մարդ, 8,2 հազարը մահացել է: Էբոլայի հեմորագիկ տենդը համանուն վիրուսով վարակման արդյունքում առաջացող հիվանդություն է, որի պատ-առով մահացության մակարդակը հասնում է 90 տոկոսի: Էբոլայի վիրուսի կրողը շիմպանզեն, պրիմատներն են, ինչպես նաև որոշ խոշոր եղջերավորներ: Տենդի ինկուբացիոն շրջանը 2-21 օր է: Հիվանդությունն ընթանում է ուժեղ գլխացավով, ընդհանուր հոգնածությամբ, լուծով, երիկամների ու լյարդի գործառույթների խախտմամբ, մկաններում և որովայնի հատվածում, ինչպես նաև թոքերի ցավերով և ուժեղ հազով: Սովորաբար մահը վրա է հասնում երկրորդ շաբաթում արյունահոսությունից և շոկից: Էբոլայի վիրուսը փոխանցվում է վարակակիր մարդու արյան, արտաթորանքի, այլ հեղուկների ու օրգանների հետ անմիջական շփման արդյունքում: Առաջին անգամ հիվանդությունն ախտորոշվել է 1976-ին՝ Աֆրիկայում՝ Սուդանում և Զաիրի (այժմ Կոնգոյի Ժողովրդավարական Հանրապետություն) հարակից շրջաններում: Սուդանում հիվանդացել էր 284 մարդ, որոնցից 151-ը մահացել էին: Զաիրում հիվանդացել էր 318 մարդ, մահացել՝ 280-ը: Վիրուսն ախտորոշվել էր Զաիրի Էբոլա գետի շրջակայքում, որն էլ անուն տվեց վիրուսին: Մի քանի անգամ բռնկումներ եղան Կոնգոյում և Ուգանդայում: Օրինակ, 2012-ի հուլիսին Ուգանդայում 14 մարդ էր մահացել: Photo: Getty Images Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա |