Լավրովը կոչ է արել չքաղաքականացնել Գյումրիի ողբերգությունը. Դա անթույլատրելի է21 հունվարի 2015 - 15:18 AMT PanARMENIAN.Net - Ռուս-հայկական դաշնակցային ու ռազմավարական գործընկերության հարաբերությունները չեն տուժի Գյումրիի ողբերգությունը քաղաքականացնելու փորձերից: Այդ մասին հայտարարել է ՌԴ ԱԳ նախարար Սերգեյ Լավրովը 2014-ի արդյունքների ամփոփմանը նվիրված մամուլի ասուլիսում: «Մենք տեսնում ենք այդ իրավիճակը քաղաքականացնելու փորձեր,- ասել է նա: -Դրանք չեն բխում Հայաստանի, կամ ՌԴ ղեկավարությունից: Քիչ չեն այդ ողբերգությունն օգտագործելու ցանկացողները՝ ինչ-ինչ աշխարհաքաղաքական առավելությունների հասնելու միտումով»: «Դա զազրելի է, անթույլատրելի է, պատշաճ չէ հպարտ հայ ժողովրդին, որը, գիտեմ՝ երբեք չի գնա նման սադրանքների: Վստահ եմ, որ հայ-ռուսական հարաբերությունները՝ դաշնակիցների և ռազմավարական գործընկերների, չեն տուժի»,- ասել է նա: ՌԴ ԱԳ նախարարը ցավակցություն է հայտնել Ավետիսյանների ընտանիքի մահվան կապակցությամբ: «Մենք սգում ենք Հայաստանի հետ և ամեն ինչ կանենք, որպեսզի հանցագործությունն անպատիժ չմնա, որպեսզի մեղավորն ամենախիստ պատիժը կրի: Մենք ամեն ինչ կանենք, որ նման բան չկրկնվի»,- ասել է նա, հայտնում է ՏԱՍՍ-ը: Լավրովը հաստատել է, որ դատավարությունը Հայաստանում է անցնելու, որ այն համատեղ և առավելագույնս բաց է լինելու: «Վստահ եմ, որ դատարանն արագ կկայացնի օբյեկտիվ ու համարժեք դատավճիռը՝ համարժեք այդ սարսափելի հանցագործությանը»,- ասել է նախարարը: Հունվարի 12-ին Գյումրիում հայտնաբերել էին Ավետիսյանների ընտանիքի 6 անդամի դիերը՝ Ավետիսյան Սերյոժա Կարապետի, Ավետիսյան Հասմիկ Ռաֆիկի, Ավետիսյան Աիդա Սերյոժայի, Ավետիսյան Արմեն Սերյոժայի, Ավետիսյան Արաքսյա Անդրանիկի, Ավետիսյան Հասմիկ Արմենի (2 տ.): Ավելի ուշ հայ-թուրքական սահմանը հատելու ժամանակ հայտնաբերված կասկածյալ՝ 102-րդ ռուսական ռազմակայանի ժամկետային զինծառայող, Վալերի Պերմյակովին մեղադրանք էր առաջադրվել, ապա նա ընդունել էր իր կատարած հանցանքը։ Ընտանիքի մյուս երեխան՝ 2014-ին ծնված Սերյոժա Ավետիսյանը, ծանր մարմնական վնասվածքներով տեղափոխվել էր հիվանդանոց, որտեղ վիրահատվել էր: Հունվարի 19-ին երեխան մահացել էր: Հունվարի 21-ին Գյումրիում հուղարկավորել են 6 ամսական Սերյոժա Ավետիսյանին: Մինչ այդ նախօրեին ՀՀ քննչական կոմիտեի նախագահ Աղվան Հովսեփյանը և ՌԴ քննչական կոմիտեի նախագահ Ալեքսանդր Բաստրիկինը համաձայնագիր ենստորագրելդեպքի առթիվ հարուցված քրգործի քննության ընթացքում գործակցության արդյունավետությունն ապահովելու նպատակով համակարգող շտաբ ստեղծելու մասին: Քննչական կոմիտեի մամուլի ծառայությունից տեղեկացնում են, որ երկու կառույցի նախագահները կարևորել են կատարված սպանության լիարժեք բացահայտումը, բոլոր հանգամանքների բազմակողմանի, լրիվ, օբյեկտիվ հետազոտումը և պայմանավորվել իրականացնել համատեղ ու փոխհամագործակցված գործողություններ: Քննության ընթացքում համատեղ գործողությունների իրականացումը կկազմակերպի համաձայնագրով ստեղծված շտաբը: Դրա կազմում 10 անձ է` ՀՀ և ՌԴ քննչական կոմիտեների ներկայացուցիչներ, քրեագետներ: Քրեական գործի քննությունը և բոլոր դատավարական գործողությունները կիրականացվեն միջազգային իրավունքի նորմերին համապատասխան, ինչպես նաև՝ «ՀՀ և ՌԴ միջև ՀՀ տարածքում ռուսական ռազմական բազայի գտնվելու հետ կապված գործերով իրավասության և փոխադարձ իրավական օգնության հարցերի մասին» համաձայնագրով սահմանված սկզբունքների համաձայն: Հանդիպմանը ՌԴ քննչական կոմիտեի նախագահ Բաստրիկինը հավաստիացրել է, որ Պերմյակովի նկատմամբ քրգործի քննությունը, նախաքննությունը և հետագայում դատավարությունը կկայանա Հայաստանի տարածքում: Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարեց, որ Պերմյակովին դատելու է ռուսական դատարանը ՌԴ օրենքով: Ընթերցեք նաև. ՌԴ նախագահի խոսնակ. Պերմյակովին դատելու է ռուսական դատարանը ՌԴ օրենքով Հղումներ թեմայով. Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |