  Ուրուգվայի նախագահը Հայոց ցեղասպանության մասին. Անկարան պետք է ճանաչի կատարած ոճիրը 21 հունվարի 2015 - 15:58 AMT PanARMENIAN.Net - Ուրուգվայի նախագահ Խոսե Մուխիկան, որը հեռանում է նախագահի պաշտոնից, հայ համայնքի հետ հրաժեշտի հանդիպմանը խոստացել է աջակցել Հայոց ցեղասպանության 100-ամյակին նվիրված բոլոր միջոցառումներին: «Ես վստահ եմ, որ թուրքերը կնեղանան, բայց Հայոց ցեղասպանությունն իրողություն է, և, եթե կարող եմ ինչ-որ կերպ նպաստել ճանաչման գործին, ուրախությամբ կանեմ դա»,- հայտարարել է Մուխիկան: Մուխիկան նշել է նաև, որ Հայոց ցեղասպանության հարցում հնարավոր չէ արդարության հասնել, քանի որ հայ ժողովրդի կրած ցավն ու կորուստներն անհնար է հատուցել: «Կան պետական շահեր, որոնք խանգարում են այդ հարցին: Սակայն, նվազագույնն, ինչ այսօր պետք է անի Անկարան, ինքնաքննադատության քաջություն ունենա և ընդունի կատարած վայրագությունները»,-ասել է նա: 2014-ի դեկտեմբերին Ուրուգվայի նախագահ ընտրվեց Տաբարե Վասկեսը, որը ստանձնում է պաշտոնը 2015-ի մարտի 1-ին: Պաշտոնապես առաջինը Հայոց ցեղասպանությունն ընդունել և դատապարտել է Ուրուգվայը 1965թ.: Հայոց ցեղասպանությունը ճանաչել են նաև Ռուսաստանը, Ֆրանսիան, Լիտվան, Իտալիայի խորհրդարանի ստորին պալատը, ԱՄՆ նահանգների մեծ մասը, Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի Ազգային խորհուրդը, Կանադայի խորհրդարանի Համայնքների պալատը և Լեհաստանի սեյմը, ինչպես նաև Վատիկանը, Եվրախորհրդարանը և Եկեղեցիների համաշխարհային խորհուրդը:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու   Ամենաընթերցվողը բաժնում |  Սյուժե Վերջին լուրեր Աֆեյան․ Պետք է ավելին անենք, քան անցյալի ջարդերի ցավը սգալը՝ ժամանակն է քայլեր ձեռնարկել  Քայլեր ձեռնարկելու կոչն ընդգծում է վայրագությունների նմանությունները, որոնք տեղի են ունեցել 109 տարի առաջ և կրկնվում են այսօր.Արամ Ա–ն՝ Էրդողանին․ Քո պապերի կողմից կոտորվեցին մեր պապերը՝ մի փորձիր Սփյուռքը հակադրել Հայաստանին Նա նշել է, որ Ապրիլի 24-ը սոսկ նահատակների ոգեկոչումի օր չէ, այլ պահանջատիրական կամքը առավել ամրացնելու կոչ էՌուբեն Վարդանյանի որդին՝ CNN-ին․ Հացադուլից հետո հորս պահման պայմաններն ավելի են խստացվել Վարդանյանն ասել է, որ գտնվում է մեկուսացման խցումԱԳՆ․ 2020-23-ին ականատես եղանք հերթական էթնիկ զտման քաղաքականությանն ու դրա հետևանքներին Նշվում է, որ ՀՀ–ն շարունակում է ակտիվ ներգրավածությունը ցեղասպանության հանցագործության դեմ պայքարում |
