 2015-ին Իրանը մտադիր է տնտեսական կապեր հաստատել ԵՏՄ հետ 27 հունվարի 2015 - 14:19 AMT PanARMENIAN.Net - 2015-ին աշխատանք կիրագործվի, որը թույլ կտա Իրանին որոշակի տնտեսական կապեր հաստատել ԵՏՄ հետ, հայտարարել է Մոսկվայում Իրանի դեսպան Մեհդի Սանաին: «Մենք աշխատում ենք այդ ուղղությամբ, Իրանը մտադիր է օգտագործել այդ հնարավորությունը Ռուսաստան և այլ երկրներ արտահանման համար: Հնարավոր է, հարկ կլինի ստորագրել ինչ-որ պայմանագիր կամ փոխըմբռնման մասին հուշագիր»,-ասել է դիվանագետը: Նա հավելել է, որ հարկավոր է լուծել բարձ մաքսատուրքերի խնդիրը իրանական ապրանքների համար, քանի որ այժմ Իրանն իր ապրանքներն անմիջապես Ռուսաստան է ուղարկում, ոչ թե այլ հանրապետությունների միջոցով, որոնք մաքսային արտոնություններ ունեն: Սակայն իրանական կողմի համար դա լավագույն տարբերակը չէ, քանի որ գործարարները խնդրում են իշխանություններին նպաստել սակագների նվազմանը, օրինակ բերելով Ռուսաստանի հարաբերությունները Հայաստանի, Ադրբեջանի, Ղազախստանի հետ, հայտնում է Gudok.ru-ն: Նախօրեին Իսրայելի ԱԳՆ ղեկավար Ավիգդոր Լիբերմանը հայտարարեց, որ Իսրայելը ԵՏՄ հետ առևտրի ազատ գոտի է մտադիր ստեղծել: «Բանակցում ենք առևտրի ազատ գոտու ստեղծման շուրջ, ոչ թե Եվրասիական միությանը միանալու: Առևտրի ազատ գոտու մասին նման պայմանագիր ունենք նաև Եվրամիության հետ, հենց այդպիսի պայմանագիր ենք մտադիր կնքել նաև ԵՏՄ հետ»,- ասել է նա հունվարի 26-ին Մոսկվայում կայացած մամուլի ասուլիսում: ՌԴ ԱԳ նախարար Սերգեյ Լավրովն իր հերթին նշել է Իսրայելի հետաքրքրությունը նման գոտու ստեղծման հարցում: «Եթե պայմանավորվենք Իսրայելի հետ, նման գոտի կարող է ստեղծվել»,- ասել է նա: Դեկտեմբերի վերջին Ռուսաստանի ԱԳՆ-ն հայտարարել էր, որ մոտ 40 երկիր ու միավորում հետաքրքրված և շահագրգիռ են ԵՏՄ հետ առևտրի ազատ գոտու պայմանագիր կնքելու հարցում: Դեկտեմբերի վերջին Ռուսաստանի ԱԳՆ-ն հայտարարել էր, որ մոտ 40 երկիր ու միավորում հետաքրքրված և շահագրգիռ են ԵՏՄ հետ առևտրի ազատ գոտու պայմանագիր կնքելու հարցում: Ավելի ուշ Ղազախստանի էկոնոմիկայի փոխնախարար Տիմուր Ժակսիլակովը հայտարարեց, որ բանակցություններ են ընթանում այդ հարցի շուրջ Նոր Զելանդիայի, Թուրքիայի, Հնդկաստանի, Եգիպտոսի հետ, հետաքրքրություն են դրսևորում նաև Լատինական Ամերիկայի շուրջ 10 երկրներ, ինչպես նաև Հունաստանը, Վիետնամը, Թունիսն ու այլ երկրներ: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի տարի Հայատանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտենրի իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄճ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև աօրանքների տեղափոխման առանձնահատկությունները օտար պետությունների տարածքով:Հայաստանը կստանա ԵՏՄ մաքսային մուտքերի 1,13 տոկոսը: 2015-ին ԵՏՄ-ին կարող է միանալ նաև Ղրղզստանը: Հղումներ թեմայով.   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Կկրճատվի հիվանդությունների ցանկը, որով զորակոչի ենթակաները ոչ պիտանի են ճանաչվում  Գիշերամիզությունը, թեթև մտավոր հետամնացությունը, կիստաները այլև բանակից ազատվելու հիմք չեն լինիՌԴ–ում կոմերցիոն կազմակերպություններն այլևս չեն կարողանա ռուսաց լեզվի քննություն անցկացնել միգրանտների համար Նոր պահանջը կգործի մայիսի 1–իցՄարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նաՎարչապետ․ Տավուշի համայնքներից մարդիկ կներգրավվեն սահմանազատման աշխատանքային խմբում Փաշինյանի խոսքով` այժմ մեր լարվածությունն ավելի շատ Կիրանց և Բերքաբեր համայնքների հետ է կապված |
