Հայկական ընկերություններին հասանելի կդառնա 200 մլրդ դոլարը գերազանցող ՌԴ պետգնումների շուկան30 հունվարի 2015 - 10:55 AMT PanARMENIAN.Net - Առաջիկայում` մի քանի օրից, Ռուսաստանի կառավարությունը որոշում կընդունի, որի համաձայն հայկական ընկերություններին հասանելի կդառնա ՌԴ պետգնումների շուկան: Այդ մասին «Եվրասիական հետազոտությունների ինստիտուտ» հիմնադրամի հայկական բաժանմունքում տեղի ունեցած «Երիտասարդությունը ԵՏՄ-ում. Իրական ընտրությունը, ակնկալիքներն ու հնարավոր հեռանկարները» կլոր սեղանի ժամանակ հայտարարել է «Ինտեգրում և զարգացում» հասարակական կազմակերպության ղեկավար Արամ Սաֆարյանը: Նա նշել է, որ ՌԴ պետգնումների շուկայի ծավալը 2012-ին կազմել է մոտ 200 մլրդ դոլար: Ըստ նրա, հաշվի առնելով հայկական ընկերությանների պահպանման ցածր ծախսերը, նրանք կարող են միանգամայն մրցունակ լինել այդ ոլորտում: Դա նաև կարող է նպաստել նոր ընկերությունների բացմանը Հայաստանում: Արամ Սաֆարյանը նշել է նաև, որ Հայաստանը, լինելով ԵՏՄ անդամ, կարող է լուրջ ներդրումների ակնկալիքներ ունենալ ռազմարդյունաբերության համալիրի և գյուղմթերքների վերամշակման ոլորտներում: ՀՀ կառավարությունն իր հերթին նույնպես պետք է նպաստի այդ ոլորտների զարգացմանն ու նոր ներուժ որոնի այնտեղ: Ինչ վերաբերում է շարքային քաղաքացիների իրազեկմանը եվրասիական ինտեգրման ընթացքի ու ակնկալիքների մասին, ապա Սաֆարյանը նշել է, որ ԵՏՄ անդամակցության օրից արդեն 27 օր է անցել, սակայն «պետական մարմիններից դեռ ոչ մի կոնկրետ տեղեկատվություն չենք ստացել, որն անհրաժեշտ է քաղաքացիներին»: Սաֆարյանը հատուկ շեշտել է ԵՏՄ տարբերությունը Մաքսային միությունից՝ ապրանքների, կապիտալի և ծառայությունների ազատ տեղաշարժին գումարվեց նաև աշխատուժի ազատ տեղաշարժը: «Դա մեզ ի՞նչ է տալիս: 2012-ի դրությամբ Հայաստանից սեզոնային արտագնա աշխատանքի էր մեկնում տարեկան մոտ 225 հազար մարդ, որոնք Հայաստան էին փոխանցում 1,5-1,8 մլրդ դոլար: ԵՏՄ-ին անդամակցելով՝ Հայաստանի քաղաքացիները կկարողանան Միության երկրներում աշխատել առանց սահմանափակումների, միայն աշխատանքային պայմանագրի հիման վրա, ինչպես նաև օգտվել այն բոլոր սոցիալական բարիքներից, որոնցից օգտվում են այդ երկրների քաղաքացիները: Դրանք են՝ բուժծառայությունը, երեխաներին մանկապարտեզ կամ դպրոց ուղարկելու հնարավորությունը, կենսաթոշակային մուծումները և այլն»,-ասել է նա: Իսկ այն երկրների համար, որոնք ԵՏՄ-ին չեն անդամակցում, բայց որտեղից մեծ է արտագնա աշխատանքի ՌԴ մեկնողների թիվը, տարբերությունը կկազմի մոտ 10 մլրդ դոլար: Արամ Սաֆարյանը նշեց նաև, որ փորձագիտական հանրությունն առաջարկում է Հայաստանի վարչապետին կից ստեղծել եվրասիական ինտեգրման գիտափորձնական խորհուրդ, որը լրջորեն կօգնի կառավարությանը լուծել 3 կարևորագույն խնդիր. 1. Համակարգել, վերլուծել ու ներկայացնել եվրասիական ինտեգրման մասին տեղեկատվությունը 2. Լուսաբանել և բացատրել քաղաքացիներին ինտեգրման նոր հնարավորությունները 3. Ստեղծել համագործակցության միջազգային, եվրասիական հարթակ Նա նաև կարևորել է ԵՏՄ երկրների միջև զուգահեռ շփումների հաստատման անհրաժեշտությունը: Իր հերթին «Եվրասիական հետազոտությունների ինստիտուտ» հիմնադրամի հայկական բաժանմունքի տնօրեն Պավել Ավագյանը նշեց, որ Հայաստանի երիտասարդությունը չգիտի, թե ինչով են ապրում Ռուսաստանի, Ղազախստանի, Բելառուսի երիտասարդները: «Շփումը շատ կարևոր է լիարժեք ինտեգրման համար, քանի որ հենց ներկայիս երիտասարդությունն է շարունակելու իրականացնել այսօրվա գաղափարներն ու նպատակները, ինչն անհնար է ԵՏՄ մյուս երկրների մասին անիրազեկ լինելու դեպքում»,-ասել է նա: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի տարի Հայատանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտենրի իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄճ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև աօրանքների տեղափոխման առանձնահատկությունները օտար պետությունների տարածքով:Հայաստանը կստանա ԵՏՄ մաքսային մուտքերի 1,13 տոկոսը: ԵՏՄ կենտրոնակայանը լինելու է Մոսկվայում, ֆինանսական կանոնակարգողը՝ Ալմաթիում, իսկ ԵՏՆ դատարանը՝ Մինսկում: Բելառուսը նաև իրավունք է ստացել նախագահելու միությունում 2015 թ.: Ընթացիկ տարում միությանը կարող է միանալ նաև Ղրղզստանը: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակը |