Սկսվում են Վրաստանում ՆԱՏՕ-ի ուսումնական կենտրոնի բացման շուրջ խորհրդակցությունները30 հունվարի 2015 - 15:01 AMT PanARMENIAN.Net - Հյուսիսատլանտյան դաշինքը մոտակա ժամանակահատվածում ակտիվ խորհրդակցություններ է սկսելու Վրաստանում ուսումնական միավորված կենտրոն բացելու շուրջ։ Այս մասին Թբիլիսիում հայտարարել է ՆԱՏՕ-ի գլխավոր քարտուղարի տեղակալ Ալեքսանդր Վերշբոուն, հայտնում է Panоrama.am-ը «Նովոստի Գրուզիա» գործակալության վրա հղումով: «Քննարկել ենք խորհրդականների հիմնական խմբի ձևավորման ընթացքը։ Նրանք մի քանի ամսից կհավաքվեն և կաշխատեն ուսումնական միացյալ կենտրոնի ստեղծման դետալների շուրջ», - Վրաստանի պաշտպանության նախարար Մինդիա Ջանելիձեի հետ համատեղ ասուլիսի ժամանակ հայտարարել է Վերշբոուն։ Վերջինս հավելել է, թե ուսումնական կենտրոնում վերապատրաստում են անցնելու ոչ միայն վրացի զինծառայողներ։ «Առաջին հերթին, պետք է հստակեցվի ոչ միայն կենտրոնի տեղակայման վայրը, այլև դրա առաջադրանքները, առաքելությունն ու նպատակները` ինչպես այն դարձնել առավել արդյունավետ, քանի որ այնտեղ վերապատրաստվելու են ոչ միայն վրացի զինծառայողներ, այլև դաշինքին անդամ պետությունների զինված ուժերի ներկայացուցիչներ», - ասել է Վերշբոուն արդեն Վրաստանի վարչապետ Իրակլի Գարիբաշվիլիի հետ համատեղ ճեպազրույցում: Մոսկվան հայտարարեց, որ ՆԱՏՕ-ի շահերից բխող ռազմական ենթակառուցվածքի տեղակայումը Վրաստանում սպառնալիք կստեղծի կայունությանն Անդրկովկասում: Ալասանիայի հայտարարության նախօրեին ՌԴ ԱԳՆ-ն հաղորդագրություն տարածեց Վրաստանի, Ռուաստանի, Աբխազիայի և Հարավային Օսեթիայի միջև ժնևյան բանակցությունների ընթացքի վերաբերյալ՝ մեկնաբանելով նաև ուսումնական կենտրոնի ստեղծման հնարավորությունը: ՆԱՏՕ-ի ուսումնական կենտրոնը կարող է բացվել Վազիանիում Վրաստանի ՊՆ բրիգադի տարածքում: Վրաստանում նաև գործում է ՆԱՏՕ-ի չափանիշներին համապատասխանող լեռնային հրաձիգների ռազմակայանը Սաչխերեում: Վրաստանում ուսումնական կենտրոնի բացումը, որտեղ կնախապատրաստվեն դաշինքի զինծառայողները, նախատեսվում է ՆԱՏՕ-Վրաստան գործակցության փաթեթով, որն ընդունվել է 2014-ի սեպտեմբերին Ուելսում կայացած դաշինքի գագաթնաժողովում: Վերշբոուն ժամանել է Թբիլիսի երկօրյա այցով: Այցի հիմնական նպատակն է Վրաստան-ՆԱՏՕ փաթեթի իրականացման դիտարկումը: Վերշբոուն արդեն հանդիպել է խորհրդարանի նախագահ Դավիթ Ուսուպաշվիլիի, եվրաինտեգրման պետնախարար Դավիթ Բաքրաձեի, ՊՆ ղեկավար Մինդի Ջանելիձեի և Վրաստանի կառավարության ղեկավարի հետ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա |