 ԵՄ-ն ու Հայաստանը կարող են փաստաթուղթ ստորագրել, բայց ինչպիսին այն կլինի, դեռ հայտնի չէ 4 փետրվարի 2015 - 17:45 AMT PanARMENIAN.Net - Եվրամիության և «Արևելյան գործընկերության» անդամ երկրների մասնակցությամբ Ռիգայում կայանալիք գագաթնաժողովում կարող է փաստաթուղթ ստորագրվել ԵՄ ու Հայաստանի միջև, սակայն ինչպիսին այն կլինի և ինչ է ենթադրելու, դեռ հայտնի չէ: Ինչպես ասել է Հայաստանում Ֆրանսիայի դեսպան Ժան Ֆրանսուա Շարպանտիեն, Հայաստանի և Եվրամիության համագործակցության հետագա հեռանկարներն այն հարցն է, որի վրա շատ են աշխատել ԵՄ ներկայացուցչությունները Երևանում և Բրյուսելում, ինչպես նաև Հայաստանում հավատարմագրված եվրոպացի դեսպանները, և փորձագետները: «Կարող է հայտարարություն ստորագրվել, կամ ինչ-որ այլ փաստաթուղթ, որը հստակություն կմտցնի կողմերի հարաբերությունների հարցում, կսահմանի, թե ինչի են ձգտում Հայաստանն ու ԵՄ-ն, ինչ տիպի գործակցության: Դա կարող է լինել հայտարարություն, որտեղ կնշվի հետագա գործակցությունը շարունակելու մասին կողմերի պատրաստակամությունը»,-հայտարարել է նա: Դեսպանը հավելել է, որ կգերադասեր զգուշավոր լինել ժամկետների հարցում և չի կարող դատել այն մասին, թե արդյոք գագաթնաժողովի ընթացքում որևէ համաձայնագրի նախագիծ կներկայացվի: «Բանակցություններ սկսելու համար Եվրահանձնաժողովին համապատասխան մանդատ է հարկավոր, ԵՄ բոլոր անդամ երկրների համաձայնությունը: Այսինքն տեխնիկապես դրա համար ժամանակ է հարկավոր: Ուստի ես կգերադասեի զգուշավոր լինել ժամկետների հարցում»,-ասել է դեսպանը, հայտնում է Evrazesnews.ru-ն: Ավելի վաղ ԵՄ ընդլայնման ու հարևանության քաղաքականության գծով հանձնակատար Յոհաննես Հանը նույնպես հայտարարեց, որ Եվրամիությունն ու Հայաստանը կարող են ասոցացման մասին համաձայնագիրը ստորագրել առանց առևտրի ազատ գոտու մասին բաղադրիչի: Ըստ Հանի, ԵՄ-ն պետք է օգտագործի նախկինում արդեն համաձայնեցված փաստաթուղթը: Նա նշել է նաև, որ հարկ կլինի որոշ շտկումներ կատարել, սակայն, հուսով է, որ նրա քաղաքական բաղադրիչը կպահպանվի: Սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում ԵվրաԱզԷՍ-ի ձևավորմանը մասնակցելու իր ցանկության մասին: Հայաստանի այս որոշումը քննադատության ենթարկվեց եվրոպական կառույցների ու փորձագիտական շրջանակների կողմից, որոնք հայտարարեցին, որ Հայաստանը գործնականում խզեց բանակցությունները Եվրոպայի հետ, ինչն անհնար է դարձնում ԵՄ հետ Ասոցացման համաձայնագրի նախաստորագրումը Վիլնյուսում՝ ԵՄ և Արևելյան գործընկերության ղեկավարների գագաթաժողովում: 2015-ի հունվարի 2-ից Հայաստանը դարձավ ԵՏՄ լիիրավ անդամ:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Սյուժե Վերջին լուրեր Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել  Նա նաև խոսել է հայկական կողմի հետ կանոնավոր շփումների մասինՊատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նաԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ |
