Թուրքիայում Օջալանի հետ համերաշխության հանրահավաքները վերածվել են անկարգությունների16 փետրվարի 2015 - 16:36 AMT PanARMENIAN.Net - Թուրքիայի հարավ-արևելյան քաղաքներից հազարավոր քրդեր են դուրս եկել ցույցերի, որոնք վերաճել են անկարգությունների և ոստիկանության հետ բախումների, հայտնում է Ca-News.org-ը Reuters-ին հղումով: Քրդերի ելույթները պայմանավորված են Քրդստանի աշխատավորական կուսակցության առաջնորդ Աբդուլլահ Օջալանի ձերբակալության 16-ամյա տարելիցով: Հանրահավաքի մասնակիցները պահանջել են ազատ արձակել իրենց առաջնորդին: Աբդուլլահ Օջալանը քրդերի ազատության ու իրավունքների համար պայքարող մարտիկ և հերոս է համարվում շուրջ 15 մլն քրդերի համար, նշում է գործակալությունը: Օջալանը ցմահ բանտարկություն է կրում, սակայն այս պահին մասնակցում է թուրքական կառավարության հետ բանակցություններին քրդական հարցի խաղաղ կարգավորման և ՔԱԿ զինաթափման շուրջ: Ըստ որոշ տվյալների, ակնկալվում է, որ Օջալանը կհորդորի կողմնակիցներին վայր դնել զենքը ընթացիկ մարտին: Այն մասին, որ խաղաղ գործընթացը մոտ է գագաթնակետին, անցած շաբաթ հայտարարել էր Թուրքիայի վարչապետ Ահմեդ Դավութօղլուն: Սակայն, Օջալանի կողմնակիցները չեն ցանկանում հաշտվել այն բանի հետ, որ իրենց առաջնորդը կալանքի տակ է գտնվում և պահանջում են անհապաղ ազատ արձակել նրան: Բախումների արդյունքում կան վիրավորներ, իսկ ցուցարարների ագրեսիվ գործողություններին թուրքական ոստիկանությունը պատասխանել է արցունքաբեր գազով ու զանգվածային ձերբակալություններով: Նախորդ տարվա հունվարի Թուրքիայում արգելված Քրդական աշխատավորական կուսակցության (ՔԱԿ) առաջնորդ Աբդուլլահ Օջալանը նամակ էր հղել հայերին, որը հրապարակվեց «Ակոս» թերթում: Իմրալի կղզում գտնվող բանտից Օջալանը գրում էր, որ երբեք չի ատել հայերին և Քրդական աշխատավորական կուսակցությունը պայքարում է ոչ միայն հանուն քրդերի իրավունքների, այլ նաև տարածաշրջանի բոլոր ժողովրդների, այդ թվում հայերի: Օջալանը նշել էր, որ «ХХ դարի սկզբին հնուց ի վեր Միջագետքում ու Անատոլիայում ապրող հայերը սարսափելի Ցեղասպանության ենթարկվեցին, սակայն կարողացան վերապրել: Ես անկեղծորեն ուզում եմ հարգել Հրանտ Դինքի հիշատակը, Ցեղասպանության զոհերի հիշատակը ու հարգանքի տուրք մատուցել հայ ժողովրդին: Հրանտ Դինքը սպանվեց թուրքական իշխանությունների ներկայացուցիչների կողմից, ես հուսով եմ, որ այդ սպանությունն անհետևանք չի մնա»,- գրել է Օջալանը: Աբդուլլահ Օջալանը քուրդ քաղաքական ու ռազմական գործիչ է, Քրդական աշխատավորական կուսակցության առաջնորդը: 1999 թվականից ի վեր նա ցմահ ազատազրկում է կրում Իմրալի կղզում: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Մախսուդյան․ Փաշինյանը երաշխիք է տվել` ոսկեպարցիների ուզածով է լինելու Մախսուդյանը Վերին Ոսկեպարի մասին հարց է ուղղել, Փաշինյանն ասել է, որ փորձելու են անկլավների հետ փոխանակել |