 ԶԼՄ-ներ. Հիլարի Քլինթոնն ապրիլին կհայտարարի նախագահական ընտրություններին մասնակցելու մասին 2 մարտի 2015 - 11:55 AMT PanARMENIAN.Net - ԱՄՆ նախկին պետքարտուղար և նախկին առաջին տիկին Հիլարի Քլինթոնն ապրիլին պատրաստվում է հայտարարել 2016-ի նախագահական ընտրություններին մասնակցելու մասին, հայտնում է Wall Street Journal-ը նրա նախընտրական արշավի հովանավորների վրա հղումով: Ինչպես գրում է պարբերականը, Քլինթոնը Դեմոկրատական կուսակցության հովանավորներին հայտնել է, որ նախագահական քարոզարշավը կսկսվի նախատեսվածից շուտ: Ուստի, նա կկարողանա իր նախընտրական հիմնադրամի համար գումարների հավաքագրման գործընթացն ավելի շուտ սկսել: Ըստ աղբյուրների, նախընտրական արշավի հիմնադրամը կկազմի մոտ մեկ մլրդ դոլար: Նախկին առաջին տիկինը պաշտոնապես դեռ չի հայտարարել նախագահի պաշտոնում առաջադրվելու մասին, սակայն 2014-ի սեպտեմբերին ակնարկել էր հնարավոր մասնակցությունը: 2008-ին Քլինթոնն արդեն մասնակցել է նախագահական ընտրություններին, նա Բարաք Օբամայի հիմնական մրցակիցն էր կուսակցության ներսում: Նշենք, որ Հիլարի Քլինթոնը ԱՄՆ գործող փոխնախագահ Ջո Բայդենի հետ համարվում է Դեմոկրատական կուսակցության ամենահավանական նախագահի թեկնածուն։ Նախագահության հնարավոր թեկնածուների թվում է նաև միլիարդատեր Դոնալդ Տրամպը: ԱՄՆ նախագահ Բարաք Օբաման ըստ Սահմանադրության այլևս իրավունք չունի առաջադրելու իր թեկնածությունը, հայտնում է Լենտա. ռու-ն: 2014-ի նոյեմբերին Բարաք Օբաման հայտարարեց, որ նախկին պետքարտուղար Հիլարի Քլինթոնը, որը համարվում է Դեմոկրատական կուսակցության գլխավոր թեկնածուներից մեկը 2016-ի նախագահական ընտրություններում, կարող է հիանալի նախագահ դառնալ: «Եթե նա որոշի մասնակցել նախագահական ընտրություններին, նա կարող է մրցունակ թեկնածու լինել, կարծում եմ, նա հիանալի նախագահ կլինի»,-հայտարարել է նա ABC News-ին տված հարցազրույցում: Ընդ որում նա նշել է, որ իր դրական կարծիքը Քլինթոնի մասին պետք չէ ընկալել որպես նախկին պետքարտուղարի առաջադրման 100-տոկոսանոց երաշխիք: Նա նշեց, որ դեմոկրատներն ունեն նաև այլ հավանական թեկնածուներ, սակայն անուններ չնշեց: Օբաման բարձր գնահատեց Քլինթոնի աշխատանքը պետապարատում՝ անվանելով նրան ականավոր պետքարտուղար և իսկական ընկեր:   Ուշագրավ Այցն աշխատանքային է Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ   Ամենաընթերցվողը բաժնում |  Վերջին լուրեր Բաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց  Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսածՍիմոնյանը՝ ԵՄ համաժողովում․ Մտահոգիչ է, որ ՌԴ բազմաթիվ պաշտոնյաներ համարձակվում են թելադրել Հայաստանի շահերը Նա խոսել է Հայաստանի դեմ ՌԴ և Ադրբեջանի հիբրիդային հարձակման մասին՝ կապված ապրիլի 5-ի Բրյուսելի հանդիպման հետՀՑԹ տնօրեն. Մոտ 200,000 հայ երեխա ու երիտասարդ կին Հայոց ցեղասպանության տարիներին բռնի ձուլվել է Նա ընդգծվել է, որ ցեղասպանությունը միայն սպանությունների մասին չէԱԽ քարտուղար. ՌԴ խաղաղապահներն ուղևորվել են Գորիսի և Սիսիանի ժամանակավոր տեղակայման վայրեր` կազմակերպելու դրանց փակումը Նրանք Գորիսում և Սիսիանում էին Լաչինի միջանցքի բնականոն գործունեությունն ապահովելու նպատակադրմամբ |
