Աշխարհի միլիարդատերերի Forbes-ի ցուցակում 5 հայ կա

Աշխարհի միլիարդատերերի Forbes-ի ցուցակում 5 հայ կա

PanARMENIAN.Net - Ամերիկյան Forbes-ը մարտի 2-ին հրապարակել է աշխարհի ամենահարուստ միլիարդատերերի ամենամյա ցուցակը: Նրանք միասին ունեն 7.05 տրիլիոն դոլարի կարողություն, ինչը 600 միլիարդով ավելի է, քան նախորդ տարի: Առաջին տեղը ցանկում պահպանել է «Մայքրոսոֆթ» ընկերության նախկին ղեկավար Բիլ Գեյթսը, նրա կարողությունը գնահատվել է 79.2 միլիարդ դոլար:

Երկրորդ տեղւոմ, ինչպես և 2014-ին հեռահաղորդակցության ոլորտի մեքսիկացի մագնատ Կառլոս Սլիմն է, նրա կարողությունը գնահատվում է 77.1 միլիարդ դոլար: Երրորդ տեղում ներդրող Ուորեն Բաֆետն է` 72.7 միլիարդ դոլարով:

Inditex ընկերության (Zara, Massimo Dutti և այլ) հիմնական սեփականատեր Ամանսիո Օրտեգան երրորդից նահանջել է չորրորդ տեղը` 64.5 միլիարդ դոլար կարողությամբ: 54.3 միլիարդ դոլարով հնգյակը եզրափակում է «Օրակլ»-ի ղեկավար Լարի Էլիսոնը:

Ամենահարուստ մարդկանց ցանկում կա նաև հինգ հայ: Ամերիկահայ Քըրք Քըրքորյանը զբաղեցնում է 393-րդ հորիզոնականը, նա ունի 4.2 միլիարդ դոլար:

Ռուսաստանցի գործարար Սամվել Կարապետյանը 418-րդն է 4 միլիարդ դոլարով:

Դանիլ Խաչատուրովը 1190-րդն է 1.6 միլիարդով, Սերգեյ Գալիցկին (Հարությունյան) 162-րդ տեղում է 9.4 միլիարդով: Արգենտինահայ Էդուարդ Էռնեկյանը 1006-րդն է` 1.9 միլիարդ կարողությամբ:

Ամենից շատ միլիարդատերեր ունի ԱՄՆ-ն՝ 536, հաջորդում են Չինաստանը՝ 213, Գերմանիան՝ 103, Հնդկաստանը՝ 90: Վարկանիշի ամենաերիտասարդ անդամը 24-ամյա Էվան Շպիգելն է՝ Snapchat-ի համահիմնադիրը: Նա 1250-րդ տեղում է 1.5 մլրդ դոլարով: Իսկ ամենաավագը 99-ամյա Դևիդ Ռոքֆելլեր-ավագն է, որը զբաղեցնում է 603-րդ տեղը 3 մլրդ դոլար կարողությամբ:

Ռեկորդային է կին միլիարդատերերի քանակը, որը նախորդ տարվա համեմատ ավելացել է 15 տոկոսով՝ 197 172-ի դիմաց: Ինչպես նշում է Yahoo Finance-ը, նրանցից 29-ը այսպես կոչված «սելֆ-մեյդ» միլիարդատերեր են: Կանանց թվում վարկանիշի առաջատարն է Wal-Mart համասեփականատեր Քրիստին Ուոլթոնը:

Ընդհանուր առմամբ ցուցակում կա 1826 մարդ:

Այս տարի ցանկը համալրվել է 290 նոր անունով: Ըստ տարածաշրջանների «ամենահարուստը» Ասիայի և Խաղաղ օվկիանոսի տարածաշրջանն է՝ այստեղ 562 միլիարդատեր կա: Այս տարածաշրջանին հաջորդում են Միացյալ Նահանգները 536 միլիարդատերով և Եվրոպան 482 միլիարդատերով:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---