ՆԱՏՕ-ի ռազմանավերը մտել են Սև ծով 5 մարտի 2015 - 12:24 AMT PanARMENIAN.Net - Սև ծով է մտել ՆԱՏՕ-ի 6 ռազմանավ, որոնք զորավարժություններ կանցկացնեն Բուլղարիայի, Ռումինայի և Թուրքիայի ՌԾՈւ հետ, հայտնում է ՆԱՏՕ-ի մամուլի ծառայությունը: Նավերը ՆԱՏՕ-ի երկրորդ ծովային հետևակի խմբից են, որի կազմում կան վեց երկրների ռազմանավեր՝ Vicksburg (ԱՄՆ), Fredericton (Կանադա), Turgutreis (Թուրքիա), Spessart (Գերմանիա), Aliseo (Իտալիա), Regina Maria (Ռումինիա): Զորավարժությունների ընթացքում շեշտը դրվելու է օդային հարվածներից և սուզանավերի տորպեդային գրոհներից պաշտպանվելու ունակությունները վարժեցնելու վրա: «Զորավարժությունները մեր դաշնակիցների հետ Սև ծովում նպաստում են ՆԱՏՕ-ի պատրաստականությանը ցանկացած առաքելության դեպքում, որը կարող է պահանջվել հավաքական պաշտպանության շրջանակում պարտավորությունները կատարելիս»,-հայտարարել է արշավային խմբի հրամանատար, ծովակալ Վիլյամսոնը, հայտնում է «Կորեսպոնդենտ.Net»-ը: Փետրվարի 8-ին Սև ծով էր մուտք գործել ԱՄՆ հրթիռային USS Cole (DDG-67) ռազմանավը: 2014-ի նոյեմբերի 21-30-ին Իզմիրի ծովածոցում անցկացվեց Նուսրեթ-2014 (Nusret-2014) զորավարժությունը: Զորավարժությանը մասնակցեցին Թուրքիայի և ՆԱՏՕ անդամ այլ երկրների ռազմածովային ուժերն ու օդուժը, առափնյա անվտանգության նավերն ու ուղղաթիռները: Իբրև դիտորդ՝ զորավարժությանը մասնակցեցին նաև Ադրբեջանի ԶՈւ ներկայացուցիչներ: ԱՄՆ բանակի ռազմական տեխնիկան և Մեծ Բրիտանիայի ԶՈւ զինծառայողները մասնակցել են փետրվարի 24-ին Ռուսաստանին սահմանակից էստոնական Նարվա քաղաքում անցկացված ռազմական շքերթին, որը կազմակերպվել էր Էստոնիայի անկախության օրվա կապակցությամբ: Այս խորհրդանշական քայլի նպատակն է ցույց տալ երկու կողմերի հարաբերությունների հնարավոր լարման հետևանքները: Շքերթի անցկացման վայրը՝ Նարվա քաղաքը, ևս խիստ խորհրդանշական է, քանի որ այն, սահմանակից լինելով Ռուսաստանին, նաև ՆԱՏՕ-ի ու Ռուսաստանի հավանական առճակատման կիզակետերից մեկը կարող է լինել: Մերձբալթյան պետություններ Լատվիան, Լիտվան և Էստոնիան, որոնք մինչ Խորհրդային Միության փլուզումը միութենական 15 պետություններից էին, ՆԱՏՕ-ին են անդամակցել 2004-ին: Photo: NATO Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |