Անկարայի քաղաքապետը դատի է տվել իրեն հայ անվանած հայ լրագրողին25 մարտի 2015 - 12:14 AMT PanARMENIAN.Net - Անկարայի քաղաքապետ Մելիհ Գյոքչեքը դատի է տվել հայ լրագրող Հայկո Բաղդատին և 10 հազար լիրայի չափով բարոյական փոխհատուցում է պահանջում Тwitter-ում իրեն հայ անվանելու համար: Գյոքչեքի փաստաբաններ Ֆաթիհ Աթալայն ու Չաղրը Ալքանը դիմել են Անկարայի դատախազություն՝ բողոք ներկայացնելով, որ Բաղդատը Twıtter-ի իր միկրբլոգում գրել է. «Մելիհ Գյոքչեքը հայ է», թուրքական «Ենի Շաֆաք»-ին հղումով գրում է Tert.am-ը: Բաղդատը նաև գրել է, որ մայրաքաղաքը, փաստացի, հայի են հանձնել, ինչը ևս տեղ է գտել բողոքում։ Նշվում է, որ հայ լրագրողը հայտնի անձ է, ինչի պատճառով էլ նրա գրառումը շատ մարդ է տեսել։ «Գյոքչեքը երկիրն ու ազգը սիրող, Թուրքիայի հայրենասեր քաղաքացի է, և Բաղդատն էլ դա գիտի։ Սակայն նման գրառում կատարելով՝ նա քաղաքացիներին ուղղորդել և մեր պաշտպանյալի վերաբերյալ հանրային կարծիք ձևավորել է փորձում։ Քաղաքապետի ձեռքբերումներն ու Անկարայի մեծ փոփոխությունները տանել չկարողացող Բաղդատը մեր պաշտպանյալի դեմ տարբեր հարթակներով հարձակում է սկսում»,- նշված է բողոքի դիմումում։ Փաստաբանները հավելել են, որ նման արտահայտություններով Բաղդատը վիրավորել է նաև Գյոքչեքին ընտրած բոլոր անկարացիներին։ 2014-ի հունիսի 8-ին դեռ Թուրքիայի վարչապետ, նախագահի թեկնածու Ռեջեփ Էրդողանը NTV հեռուստաընկերության եթերում ասել էր, թե իր քաղաքական գործունեության ընթացքում լրատվամիջոցներն իրեն ինչպես ասես, որ չեն անվանել. «Ինձ վրացի են անվանել, և նույնիսկ ամենավատը՝ հայ, բայց ես թուրք եմ»: Հղումներ թեմայով. Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Օվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ին Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը |