ՀՀ-ում սկսվել են ռուսական ռազմաբազայի ՀՕՊ ստորաբաժանումների զորավարժությունները 1 ապրիլի 2015 - 16:44 AMT PanARMENIAN.Net - Հայաստանում սկսվել են ռուսական ռազմաբազայի հակաօդային պաշտպանության զորքերի ստորաբաժանումների զորավարժությունները: Զինվորականները դաշտային վարժանքներ են սկսել ծովի մակարդակից ավելի քան 1.500 մ բարձրության վրա: «Դաշտային վարժանքների ժամանակ կանցկացվեն մարզումներ պայմանական հակառակորդի միայնակ և խմբակային օդային թիրախների հարձակումները հետ մղելու վերաբերյալ, որոնց ընթացքում զինծառայողները կլուծեն ավելի քան 100 տակտիկական խնդիր՝ առանց մարտական կրակոցների՝ օգտագործելով ակտիվ ձայնային խոչընդոտներ, ինչպես նաև հակալոկացիոն հրթիռներ»,- Газета-ին հղով գրում է Tert.am-ը: Հարավային ռազմական շրջանի մամուլի ծառայությունից փոխանցում են, որ զորավարժություններին մասնակցում է մոտ 300 զինծառայող։ Մարտի 18-ին ՀՀ–ում մեկնարկել էին Հարավային ռազմական օկրուգի ռուսական ռազմակայանի հրետանային ստորաբաժանումների դաշտային զորավարժությունների շրջանակում համազարկային կրակի ռեակտիվ համակարգերի հաշվարկների վարժանքները։ Մեկ շաբաթ տևող վարժանքների ընթացքում մոտ 50 զինծառայող մշակել է «Գրադ» ռազմական մեքենաներից կրակելու հմտությունները։ Գործնական վարժանքներն անցկացվել են բարձր լեռնային պայմաններում` ծովի մակերևույթից ավելի քան 2 հազար մետր բարձրության վրա, ինչը վարժանքների անցկացման բնորոշ առանձնահատկությունն է քամու և մթնոլորտային ճնշման կտրուկ փոփոխության պատճառով և ազդում է գնդակի թռիչքի բալիստիկ առանձնահատկությունների վրա։ Վարժանքների կեսը գիշերային ժամերին էր, ուսումնական օրը տևել է 10 ժամ։ Մարտական հաշվարկների կողմից ավելի հստակ թիրախ բռնելու համար օգտագործվել են անօդաչու թռչող սարքերի ստորաբաժանման հնարավորությունները, որոնք փոխանցում են թիրախների կոորդինատները «Նշանառու 2» ժամանակակից համալիրի օգտագործմամբ։ Վարժանքների ընթացքում օգտագործվել է մոտ 500 միավոր 120 միլիմետրանոց ռեակտիվ գնդակներ։   Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները   Ամենաընթերցվողը բաժնում |  Վերջին լուրեր PROFAL ընկերությունն անակնկալ է մատուցել իր 30,000-րդ հաճախորդին  Էդգար Ավետիսյանը նշել է՝ ընկերության հաջողությունների հիմքում նաև հաճախորդներն ենԵրևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսըՏաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակըՀամազեկուցող․ ԵԽԽՎ վերադառնալու համար Բաքուն պետք է մի շարք պահանջներ կատարի Ադրբեջանը նաև պետք է իր պարտավորությունները կատարի մարդու իրավունքների ոլորտում |
