Ապրիլի 6-ին մեկնարկում է System of a Down-ի՝ Ցեղասպանության 100-րդ տարելիցին նվիրված շրջագայությունը 3 ապրիլի 2015 - 14:52 AMT PanARMENIAN.Net - «Գրեմիի» մրցանակակիր հանրահայտ System of a Down խումբը բարձրանալու է աշխարհի բեմերը՝ բարձրացնելու 100 տարի առաջ մի ամբողջ էթնիկ խմբի ոչնչացման փորձերի մասին իրազեկվածությունը: System of a Down-ի բոլոր համերգներն ազդեցիկ հարթակ են միջազգային հանրության ուշադրությունը Հայոց ցեղասպանության հարցին շուրջ կենտրոնացնելու համար: Ապրիլի 6-ին խումբը մեկնարկելու է իր «Արթնացրեք հոգիները» (Wake Up the Souls) խորագրով շրջագայությունը: 2005 թվականին նրանց վերջին ալբոմի թողարկումից հետո երկրպագուների համար խմբի ելույթները նվեր են, LA Daily News պարբերականին հղումով գրում է ArmenianGenocide100.org-ը: «Մեր ընտանիքներն անցել են այդ ամենի միջով, այդ պատճառով ամերիկահայերիս համար կարևոր է ոչ միայն իրազեկություն տարածել, այլև արդարություն բերել այս գործին: Ցեղասպանությունն այսօր էլ է տեղի ունենում: Սա հիվանդություն է, որը շարունակվում է առ այսօր»,- ասել է խմբի հիմնադիր Սերժ Թանկյանը: Թանկյանն ու խմբի թմբկահար Ջոն Դոլմայանը խոսել են նաև հանրապետական կոնգրեսական Ադամ Շիֆի և այլոց հետ գործակցության մասին և հույս ունեն հասնել Օբամայի վարչակազմի ու թուրքական կառավարության կողմից Հայոց ցեղասպանության ճանաչմանը: Այժմ սա հատկապես արդիական է, քանի որ հայերը 1915 թվականի ապրիլի 24-ը նշում են որպես ոճրագործությունների մեկնարկ: Այդ օրը հայ ազգի մտավորականները ձերբակալվել, ապա թուրք զինվորների ձեռքով մահապատժի են ենթարկվել: Այդ ամենն արվում էր որպես տարածաշրջանի «թուրքացման» ծրագրի մի մաս: «Արթնացրեք հոգիները» (Wake Up the Souls) խորագրով շրջագայությունը կմեկնարկի ապրիլի 6-ին Կալիֆորնիայում կայանալիք համերգով և կներառի համերգներ աշխարհի 14 բեմերում` ներառյալ Եվրոպան, Հարավային և Հյուսիսային Ամերիկաները, ինչպես նաև ապրիլի 23-ին` Հայոց ցեղասպանության 100-րդ տարելիցի նախորդ օրը, առաջին անգամ ելույթով Երևանում: Ապրիլի 10-ին SOAD-ը կլինի Լոնդոնում՝ Wembley Arena-ում, ապրիլի 13-ին՝ Քյոլնի՝ Lanxess Arena-ում, ապրիլի 14-Լիոնի՝ La Halle Tony Garnier-ում, ապրիլի 16-ին՝ Բրյուսելի Forest National-ում, ապրիլի 17-ին Ամստերդամ-ի Ziggo Dome-ում, ապրիլի 20-ին Մոսկվայի Olympisky-ում, ապրիլ 23-ին՝ Երևանի Հանրապետության հրապարակում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում 4-6 աստիճանով կտաքանա՝ Երևանում +30 աստիճանից ավելի կլինի Երևանում՝ ապրիլի 24-28-ը սպասվում է առանց տեղումների եղանակ |