Եվրախորհրդարան. Ցեղասպանության ճանաչումը պետք է նախապայման դառնա Թուրքիայի համար ԵՄ անդամագրվելու հարցում

PanARMENIAN.Net - Եվրոպական խորհրդարանի արտաքին հարաբերությունների կոմիտեն (AFET) երեկ ձայների մեծամասնությամբ ընդունել է հոլանդացի խորհրդարանական Կամիել Ուրլինգսի կողմից նախապատրաստած Թուրքիայի վերաբերյալ զեկույցը եւ 343 ուղղումները, հայտնում է Եվրոպայի Հայկական ֆեդերացիան: Անկարայի կողմից Հայոց ցեղասպանության ճանաչման հարցի քննարկման ժամանակ հիմնական քաղաքական խմբավորումների խորհրդարանականները երկու նմանատիպ ուղղում եւս ընդունեցին, որոնք նորից կոչ են անում Թուրքիայի կողմից Հայոց ցեղասպանության ճանաչումը դիտարկել որպես նախապայման ԵՄ անդամագրվելու համար: Բացի այդ, Կոմիտեն դատապարտել է «Թալիաթ-Փաշա» կոմիտեի կողմից ռասիզմի եւ անհանդուրժողականության արտահայտումը, ինչը խստորեն խախտում է եվրոպական սկզբունքները, ինչպես նաեւ Հայոց ցեղասպանության հերքմանը ուղղված հանրահավքաների կազմակերպումը Լիոնում եւ Բեռլինում: Կոմիտեն նաեւ փոխզիջումային ուղղում է ընդունել, որն արտահայտում է մի շարք առջարկություններ, ինչիպիսիք են թուրքական պահոցների բացումը եւ Հայաստանի եւ Թուրքիայի հաշտությունը: Բացի այդ, AFET-ը կոչ է արել Թուրքիային Հայաստանի հետ բարի հարեւանական հարաբերություններ հաստատել եւ հանել հայկական սահմանների շրջափակումը: Եվրոպայի Հայկական ֆեդերացիան ափսոսում է, որ «փոխզիջումային» կոչվող ուղղումը իրականում հանդիսանում է մի շարք խորհրդարանականների դիրքորոշման արտահայտումը, ովքեր դեռ սատարում են Անկարային Հայոց ցեղասպանության հերքման եւ դրանից բխող քաղաքական հետեւանքների խուսափման հարցում, հայտարարել է Եվրոպայի Հայկական ֆեդերացիայի նախագահ Հիլդա Չոբոյանը: