System of a Down-ում պատրաստ են միասին աշխատել նոր ալբոմի վրա 15 ապրիլի 2015 - 12:10 AMT PanARMENIAN.Net - Վերջին շրջանում շատ է խոսվում աշխարհահռչակ System of a Down ռոք խմբի նոր ալբոմի ու դրա թողարկման մասին: Մասնավորապես՝ խմբի բաս կիթառահար Շավո Օդաջյանը մի քանի առիթով նշել է, որ նոր ալբոմը կթողարկվի այս տարի և որ դրա մեջ ներառվելիք երգերն արդեն գրված են: Սակայն խմբի մենակատար Սերժ Թանկյանը Spin ամսագրին տված հարցազրույցում հակասել է գործընկերոջը` ասելով, որ «նոր ալբոմի վերաբերյալ դեռևս միայն խոսակցություններ կան»: «Նյութի առկայության դեպքում մենք պատրաստ ենք միասին աշխատել: Սակայն նոր ալբոմի թողարկման հարցում մենք հստակ ժամկետներ չենք որոշել»,- մեջբերում է երաժշտի խոսքը Metalinjection.net-ը, գրում է Tert.am-ը: Ներկայում խումբը շրջագայության մեջ է, որի շրջանակում փորձում է անտեղյակ մարդկանց պատմել 100 տարի առաջ տեղի ունեցած Հայոց ցեղասպանության մասին: «Արթնացրեք հոգիները» (Wake Up the Souls) խորագրով շրջագայությունը մեկնարկել է ապրիլի 6-ին Կալիֆորնիայում կայացած համերգով և կներառի համերգներ աշխարհի 14 բեմերում` ներառյալ Եվրոպան, Հարավային և Հյուսիսային Ամերիկաները, ինչպես նաև ապրիլի 23-ին` Հայոց ցեղասպանության 100-րդ տարելիցի նախորդ օրը, առաջին անգամ ելույթով Երևանում: Ապրիլի 10-ին SOAD-ը կլինի Լոնդոնում՝ Wembley Arena-ում, ապրիլի 13-ին՝ Քյոլնի՝ Lanxess Arena-ում, ապրիլի 14-Լիոնի՝ La Halle Tony Garnier-ում, ապրիլի 16-ին՝ Բրյուսելի Forest National-ում, ապրիլի 17-ին Ամստերդամ-ի Ziggo Dome-ում, ապրիլի 20-ին Մոսկվայի Olympisky-ում, ապրիլ 23-ին՝ Երևանի Հանրապետության հրապարակում: Հղումներ թեմայով.   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
