The Christian Science Monitor. Օբաման ընտրել է ՆԱՏՕ-ի գործընկերոջ և 3 մլն բնակչությամբ երկրի միջև

The Christian Science Monitor. Օբաման ընտրել է ՆԱՏՕ-ի գործընկերոջ և 3 մլն բնակչությամբ երկրի միջև

PanARMENIAN.Net - The Christian Science Monitor-ը հրապարակել է լրագրող Լինդա Ֆելդմանի հոդվածը, որում հեղինակը վերլուծում է Օբամայի անկարողությունը հայերի զանգվածային սպանությունները «ցեղասպանություն» անվանելու հարցում, սակայն միաժամանակ նշում է, որ որոշ ազդանշանների համաձայն ԱՄՆ նախագահը փաստացի ցեղասպանություն է համարում հայերի կոտորածը, գրում է ArmenianGenocide100.org-ը:

«2008 թվականին որպես նախագահի թեկնածու, Բարաք Օբաման խոստացել էր, ընտրվելու դեպքում, թուրքերի ձեռքով 1915-ին սկսված հայերի զանգվածային սպանություններին անդրադառնալ որպես ցեղասպանության: Սակայն 100-րդ տարելիցին նախագահ Օբաման կրկին խոսափել է այդ բառից: Ապրիլի 23-ի երեկոյան իր հայտարարության մեջ նա անդրադարձավ ցեղասպանությանը որպես «20-րդ դարի առաջին զանգվածային ոճրագործություն», գրել է պարբերականն ու մեջբերել հատված Օբամայի ուղերձից. «Սկսած 1915 թվականից՝ Օսմանյան կայսրության հայերին տեղահանում, կոտորում և աքսորում էին: Պատմական հայրենիքում ջնջվել էր նրանց մշակույթն ու ժառանգությունը: Սոսկալի բռնության պայմաններում զոհվել էր 1.5 մլն հայ»:

Օբամայի զսպվածության պատճառը Թուրքիան է և նրա խաղացած դերը որպես ՆԱՏՕ-ի և Մերձավոր Արևելքի հիմնական դաշնակից: 3 մլն բնակչությամբ կովկասյան երկիր Հայաստանը աշխարհաքաղաքական նշանակալի դեր չի խաղում, համեմատել է պարբերականը և նշել, որ Թուրքիան կտրականապես դեպ է այդ սպանություններին «ցեղասպանություն» կոչելուն՝ խոստանալով մշատական դիվանագիտական վնաս բոլոր այն պետություններին, որոնք կվարվեն հակառակ կերպ: Թուրքական կառավարությունն ընդունում է, որ պատերազմի ժամանակ քրիստոնյա հայեր են մահացել, սակայն հավելում է, որ սպանվել են նաև շատ մահմեդական թուրքեր:

Իր հայտարարության մեջ Օբաման, թվում էր՝ ազդանշան է տալիս, որ հայկական սպանդն իրականում որպես ցեղասպանություն է դիտարկում՝ առանց այդ բառը կիրառելու, նկատում է պարբերականը և հիմնավորում՝ մեջբերելով ԱՄՆ նախագահի խոսքից. «Ես բազմիցս արտահայտել եմ սեփական կարծիքը 1915-ին տեղի ունեցածի վերաբերյալ, և իմ տեսակետը չի փոխվել»:

Օբաման նաև ողջունել է «Ֆրանցիսկոս Պապի, թուրք և հայ պատմաբանների և բազում այն մարդկանց դիտարկումների արտահայտությունները, որոնք փորձում են լույս սփռել պատմության այս մութ էջերին», - գրում է The Christian Science Monitor-ը և հավելում, որ բազմաթիվ երկրներ, այդ թվում՝ Ֆրասիան, Ավստրիան և Ռուսաստանը, այդ ոճրագործությունը «ցեղասպանություն» են անվանում:

Պարբերականն անդրադարձել է ամերիկահայ համայնքի արձագանքին նշելով, որ այն արդեն արտահայտել էր իր դժգոհությունը նախագահի հայտարարության կապակցությամբ մեջբերելով հատված ԱՄՆ-ում Հայոց ցեղասպանության 100-րդ տարելիցը համակարգող հանձնախումբի հայտարարությունից և ընդգծելով, որ այն հովանի է ավելի քան 20 ամերիկահայ խմբի «Մենք խորապես հիասթափված ենք, որ նախագահ Օբաման որոշել էր դրժել իր խոստումը և առանձնացել էր համաշխարհային հանրությունից Հայոց ցեղասպանության այս 100-րդ տարելիցին ճշմարտության մասին խոսելիս»: Հանձնախումբը մեղադրել է նաև նախագահին՝ մեկ անգամ ևս «քաղաքական նպատակահարմարությունը նախընտրելու համար:

Օբամայի դիրքորոշումը ավելի քան նշանակալի է՝ հաշվի առնելով, որ ՄԱԿ-ում ԱՄՆ արտակարգ ու լիազոր դեսպան Սամանթա Փաուերը հեղինակ է Ցեղասպանության մասին աշխատության: 2003-ին նա արժանացել է Պուլիցտերյան մրցանակի իր «Խնդիրը՝ դժոխքից. Ամերիկան և ցեղասպանության դարը» գրքի համար»:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---