New York Post. Թայմս Սքուերում բազմահազարանոց ակցիայով հայերն ԱՄՆ-ից պահանջել են ճանաչել Ցեղասպանությունը 27 ապրիլի 2015 - 12:24 AMT PanARMENIAN.Net - Հազարավոր մարդիկ ապրիլի 26-ին հավաքվել են աշխարհի ամենահայտնի հրապարակներից մեկում` Նյու Յորքի Թայմս Սքուերում՝ ոգեկոչելու Հայոց ցեղասպանության 1.5 մլն զոհերի հիշատակը: Բազմահազարանոց ակցիայի մասնակիցները ԱՄՆ-ի կառավարությունից պահանջել են Առաջին աշխարհամարտի տարիներին տեղի ունեցած դեպքերը ճանաչել որպես ցեղասպանություն, New York Post-ին հղումով գրում է Tert.am-ը: Ավելի վաղ Նյու Յորքի հայկական կազմակերպությունները կոչ էին արել մասնակցել ապրիլի 26-ին քաղաքի գլխավոր հրապարակում կայանալիք ցույցին, որը նվիրված է 1915-ի Հայոց ցեղասպանության 100-րդ տարելիցին: Ինչպես յուրաքանչյուր տարի, այս տարի նույնպես, ցույցի նպատակն է պահանջել ԱՄՆ կառավարությունից ճանաչել պատմական ողբերգության փաստը և ցույց տալ Թուրքիայի կառավարությանը, որ նրանք չեն կարող ժխտել իրողությունը։ Ցույցի կազմակերպիչները կոչ են անում համախմբվել այդ օրը, և խոստանում են, որ դա լինելու է նախկինում երբևէ կազմակերպված ցույցերից ամենամեծը: Հայոց ցեղասպանության 99-րդ տարելիցի ոգեկոչման միջոցառումների համատեքստում 2014-ի ապրիլի 27-ին Նյու Յորքի Թայմս Սքուեր հրապարակում կայացել է հայ համայնքի կողմից կազմակերպվող ամենամյա հիշատակ-բողոքի ակցիան, որի այդ տարվա խորագիրն էր «Թուրքիան մեղավոր է Ցեղասպանության համար. Հերքելը անհերքելի հանցագործություն է»: Բազմամարդ միջոցառմանը մասնակցել են ԱՄՆ կոնգրեսականներ, Նյու Յորքի նահանգային օրենսդիր մարմնի և քաղաքային խորհրդի ներկայացուցիչներ, բարձրաստիճան հոգևորականներ, բազմաթիվ հասարակական ու մշակութային գործիչներ, տեղական մամուլի ներկայացուցիչներ: Հավաքը կազմակերպվել է Հայոց ցեղասպանության 100-րդ տարելիցին նվիրված միջոցառումները համակարգող ամերիկյան հանձնաժողովի ջանքերով: Իսկ «Ցեղասպանություն» եզրի օգտագործումը դարձել է միջազգային կարգի բանավեճի պատճառ, գրել է պարբերականն ու հավելել. «Թեև Հռոմի պապ Ֆրանցիսկոսն ու մեծ թվով պատմաբաններ տեղի ունեցածը համարում են ցեղասպանություն, այնուհանդերձ Թուրքիան չի ճանաչում դա»: Նյու Յորքի քաղաքապետ Բիլ դե Բլազիոն ապրիլի 24-ին Հայոց ցեղասպանության 100-ամյա տարելիցի կապակցությամբ հայտարարություն էր արել։ «Այսօր մենք հիշում ենք Մեծ եղեռնը և հարգում այն զոհերի հիշատակը, ովքեր նահատակվել են 100 տարի առաջ ցեղասպանության ժամանակ, որը 20-րդ դարի ամենասարսափելի ոճրագործություններից է։ Այդ ժամանակ ավելի քան 1 մլն հայ ենթարկվել է բռնության, սպանվել և տեղահանվել»,- ասել է քաղաքապետը։ Նրա խոսքով՝ Նյու Յորքում և ամբողջ աշխարհում սփռված հայերի համար այդ պատմական ցավն ավելի է խորանում, քանի որ Թուրքիան հրաժարվում է ճանաչել Ցեղասպանությունը։ Ըստ նրա՝ Հռոմի պապ Ֆրանցիսկոսը Հայոց ցեղասպանության զոհերի հիշատակին նվիրված պատարագի ժամանակ խոսել է այդ մասին, և դա արժի կրկնել այս ցավալի տարելիցի օրը, նշել է քաղաքապետը. «Թուրքիայի նոր համարձակ սերունդը, որը դեմ է գնում նրանց, ովքեր ժխտում են այդ ողբերգությունը, հուսադրող է վաղուց հասունացած արդարության համար»:   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Սյուժե Վերջին լուրեր Ալիև․ Մոսկվան ու Բաքուն ևս մեկ մեծ նախագիծ են սկսում Հյուսիս-Հարավի շրջանակում  Նա նշել է, որ Ադրբեջանի տարածքում կա երկաթգիծ, որը կապում է ադրբեջանա-ռուսական սահմանը Ադրբեջանի և Իրանի սահմանի հետՆոյեմբերյանի ղեկավար կազմը հայտարարել է՝ չի աջակցում սահմանազատման գործընթացին Նշվում է, որ նրանք աջակցում ենք խաղաղության հաստատմանը, սակայն այս գործընթացը փաստացի ՀՀ կողմից միակողմանի զիջում էՆոյեմբերյանում իրավիճակը լարված է, ճանապարհ են փակել․ Բագրատ սրբազանը կոչ է արել ինքնագործունեությամբ չզբաղվել Սրբազանը ակտիվ քաղաքացիներին կոչ է արել 4–5–հոգանոց խորհուրդ կազմելՓաշինյան․ Մենք գնում ենք Ադրբեջանի գնած սպառազինության 15-20%-ը Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը |
