«Իսլամական պետության» գրոհայինները մոտ մեկ տարում 2000 խաղաղ բնակչի են սպանել Սիրիայում28 ապրիլի 2015 - 16:12 AMT PanARMENIAN.Net - «Իսլամական պետության» գրոհայինները 2014-ի հունիսից ի վեր 2 154 մարդ են սպանել Սիրիայի տարածքում, ապրիլի 28-ին հայտնել են արաբական ԶԼՄ-ները Սիրիայում Մարդու իրավունքների դիտորդական խորհրդի վրա հղումով, գրում է Ինտերֆաքս.ռու-ն: Ըստ տվյալների, մարդկանց գլխատել են, քարկոծել ու գնդակահարել են: «Մենք շարունակում ենք հորդորել ՄԱԿ Անվտանգության խորհրդին շտապ միջոցներ ձեռնարկել դադարեցնելու համար Սիրիայի ժողովրդի զավակների սպանությունները` չնայած նրան, որ համաշխարհային հանրությունը խուլ է և չի լսում սիրիացիների ցավագին ճիչերը», ասվում է Խորհրդի հայտարարության մեջ: Մինչդեռ ԻՊ գրոհայինները շարունակում են գործել նաև այլ պետությունների տարածքում: Այդպես «Իսլամական պետություն» ահաբեկչական խմբավորման գրոհայինները 5 լիբիացի հեռուստալրագրողի են սպանել երկրի արևելյան մասում: Հեռուստալրագրողներն անհետացել էին օգոստոսին, երբ հեռացել էին Տոբրուկա քաղաքից, Բենգազիում խորհրդարանական ընտրություններից հետո: Լիբիայի արևելյան մասում բանակի հրամանատար Ֆարաջ ալ Բարասին հայտարաել է, որ ԻՊ գրոհայինները պատասխանատու են լրագրողների սպանության համար, որոնց մարմինները հայտնաբերվել են Բայդա քաղաքից դուրս: «Այսօր Կանաչ լեռների անտառներում հայտնաբերվել է կտրած կոկորդներով 5 դի»,-ասել է Բարասին: Ընդ որում, հստակ հայտնի չէ, թե երբ են լրագրողները սպանվել: Լրագրողները` 4 լիբիացի և 1 եգիպտացի, աշխատել են Barqa TV հեռուստաալիքում: «Իսլամական պետություն» խմբավորումը, որը մինչև վերջերս կոչվում էր «Իրաքի և Լևանտի իսլամական պետություն» (ISIS), իրաքյան սունիների ապստամբ խմբերի գլխամասային կազմակերպությունն է, որը ստեղծվել է 2006 թ. հոկտեմբերի 15-ին: Խմբավորումը իշխանության հավակնություններ ունի 18 իրաքյան գավառներից 8-ում, որտեղի բնակչությունը հիմնականում սունիներ են: Կազմակերպության ստեղծմանը մասնակցել է «Ալ Քայիդան» և նրա հետ կապված «Շուրա մոջահեդների խորհուրդը»: Գլխավոր նպատական է օկուպանտների և նրանց դաշնակիցների արտաքսումը և իսլամական շարիաթական պետության ստեղծումը Իրաքի սունիների գավառներում: 2010 թվականի մարտին ավիահարվածի արդյունքում ոչնչացվեցին խմբավորման երկու առաջնորդները՝ Աբու Օմար ալ Բաղդադին և եգիպտացի Աբու Այուբ ալ Մասրին: Նոր առաջնորդ դարձավ մարոկացի Ան Նասեր Լիդինիլ Աբու Սուլեյմանը: 2014-ի ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: ԻՊ ահաբեկչական խմբավորումը «խալիֆատ» հռչակեց Սիրիայի ու Իրաքի գրավյալ տարածքներում 2014-ի ամռանը: ԱՄՆ-ն մի շարք դաշնակից երկրների հետ սեպտեմբերի 23-ին ավիահարվածներ սկսեց հասցնել ԻՊ դիրքերին Սիրիայում, իսկ Իրաքում նման գործողություններն արդեն օգոստոսից էին սկսվել: . Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | ԵԱՏՄ–ում ռոումինգի գնագոյացման կանոնները կընդունվեն մինչև 2024-ի վերջ Դեռևս մնում են բաց հարցեր Լոնդոնի հետ քննարկվել են Երևանի նոր գլխավոր հատակագծի մշակման հարցեր Քննարկումն ընթացել է Լոնդոնի քաղաքային պլանավորման OUTCOMIST ընկերության հիմնադիր-տնօրեն Քրիս Չոայի հետ Նախարար․ Աշակերտների թիվը դասարաններում կկրճատվի Միջին դպրոցում աշակերտների թիվն առավելագույնը կլինի 25, իսկ ավագ դպրոցում՝ 20 Եվրախորհրդի անվտանգության հարցերով կոմիտեի անդամները կայցելեն ՀՀ Նրանք կլինեն նաև Ադրբեջանում և Վրաստանում |