Սենատոր Սանդերսն ապրիլի 30-ին կհայտարարի, որ պայքարելու է ԱՄՆ նախագահի պաշտոնի համար29 ապրիլի 2015 - 15:03 AMT PanARMENIAN.Net - ԱՄՆ Վերմոնտ նահանգից անկախ սենատոր Բերնարդ Սանդերսը ապրիլի 30-ին կհայտարարի 2016-ին կայանալիք նախագահական ընտրություններին որպես Դեմոկրատական կուսակցության թեկնածու մասնակցելու մտադրության մասին: Այդ մասին ապրիլի 29-ին հայտարարել է ամերիկյան VPR ռադիոկայանը: Ըստ աղբյուրների, այդ օրը 73-ամյա Սանդերսը հայտարարություն կտարածի իր թեկնածությունն առաջադրելու մասին: Մի քանի շաբաթից նա նախընտրական արշավ կսկսի Վերմոնտում, հայտնում է ՏԱՍՍ գործակալությունը: Սենատորը դեռևս պաշտոնապես չի մեկնաբանել այդ լուրը: Սանդերսը հայտնի է իր ձախակողմյան հայացքներով ու նախկինում իրեն սոցիալիստ է անվանել: Ըստ VPR-ի տվյալների, «նրա գլխավոր ուղերձն այն է, որ միջին դասակարգն ԱՄՆ-ում վերջին երկու տասնամյակում լուրջ կորուստներ է կրել, իսկ հարուստ կորպորացիաները բարգավաճել են»: Սենատորը նաև կողմ է քաղաքական գործընթացների վրա խոշոր ամերիկյան ընկերությունների ազդեցության սահմանափակմանը: Դեմոկրատական կուսակցությունից որպես նախագահի թեկնածու առաջադրվելու համար Սանդերսը պայքարելու է ԱՄՆ նախկին պետքարտուղար Հիլարի Քլինթոնի հետ: Նա նախագահական իր հավակնությունների մասին հայտարարեց դեռևս ապրիլին: Ինչպես նշում են տեղի մեկնաբանները, այդ պայքարում սենատորի շանսերն այնքան էլ մեծ չեն: Քլինթոնը զգալիորեն գերազանցում է Սանդերսին իր ազդեցությամբ: Քլինթոնը տեսանյութ է հրապարակել, որտեղ հայտարարել է, որ մտադիր է լինել շարքային ամերիկացիների շահերի ջատագովը: 2008 թ. Հիլարի Քլինթոնը տանուլ տվեց Բարաք Օբամային որպես նախագահության թեկնածու Դեմոկրատական կուսակցությունից: Այժմ, ըստ քաղաքագետների գնահատականների, դեմոկրատների շարքերում նա լուրջ մրցակիցներ չունի, հայտնում է BBC-ի ռուսական ծառայությունը: Օբաման ասել է, որ սատարում է Քլինթոնի առաջադրմանը` նա ունի հստակ տեսլական, թե ինչ է ցանկանում անել Միացյալ Նահանգների համար: Հանրապետական կուսակցությունից ընտություններին մասնակցելու մտադրությունների մասին ավելի վաղ հայտարարել են սենատորներ Թեդ Կրուզը, Ռենդ Փոլն ու Մարկո Ռուբիոն: Քաղաքագետները հավանական են համարում, որ առաջիկայում նրանց կմիանան նաև Ֆլորիդա նահանգի նահանգապետ Ջեբ Բուշը (նախկին նախագահ Ջորջ Բուշ կրտսերի եղբայրը) և Նյու Ջերսիի նահանգապետ Քրիս Քրիսթին: ԱՄՆ նախագահ Բարաք Օբաման ըստ Սահմանադրության այլևս իրավունք չունի առաջադրելու իր թեկնածությունը: Photo. cnsnews com Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |