«Թանգարանների գիշերը» Ռուբեն Սևակի թանգարանում կցուցադրվի «Սրբոց Նահատակաց» սրբապատկերը11 մայիսի 2015 - 17:47 AMT PanARMENIAN.Net - «Թանգարանների գիշեր» ծրագրի շրջանակում Ռուբեն Սևակի թանգարանում ցուցադրության է ներկայացվելու Հայոց ցեղասպանության նահատակների Սրբադասման առթիվ ստեղծված «Սրբոց Նահատակաց» սրբապատկերը, որի հեղինակն է Տիգրան Բարխանաջյան: Այս մասին նշված է «Թանգարանների գիշերը Մայր Աթոռ Սբ Էջմիածնում» ֆեյսբուքյան էջում: «Թանգարանների գիշեր-2015» ակցիան կանցկացվի մայիսի 16-ին: Հայաստանի բոլոր 110 թանգարանը միանալու են ակցիային, լինելու են անվճար և բաց մինչև կեսգիշեր: Մայր Աթոռում բաց կլինեն Սբ Էջմիածնի Մայր Տաճարի ավանդատուն-թանգարանը և Ռուբեն Սևակի թանգարանը: Ռուբեն Սևակի թանգարանում կլինի բանախոսություն «Պատմամշակութային արժեքների ժողովում Մայր Աթոռ Սուրբ Էջմիածնում Մեծ Եղեռնի օրերին» թեմայով (բանախոս` Մայր Աթոռի Թանգարանների և Արխիվի տնօրեն Տ. Ասողիկ քահանա Կարապետյան), այնուհետև՝ «Շողակաթ» հեռուստաընկերության պատրաստած "Մայր Աթոռի արխիվները վկայում են..." ֆիլմի դիտում Ռուբեն Սևակի թանգարանում: Բացի այդ ժամը 18:30-ին սպասվում է երգեհոնային համերգ Մայր Տաճարում (երգեհոնահար` Թերեզա Ոսկանյան): Ապրիլի 23-ին՝ Հայոց ցեղասպանության 100-րդ տարելիցի նախօրեին, Մայր Աթոռ Սուրբ Էջմիածնում՝ բաց խորանի մոտ, տեղի ունեցավ Հայոց ցեղասպանության նահատակների սրբադասման կարգը: Արարողությունը Գարեգին Բ Ամենայն Հայոց Կաթողիկոսի և Մեծի Տանն Կիլիկիո Արամ Ա Կաթողիկոսի նախագահությամբ էր, մասնակցում էին Հայոց ցեղասպանության 100-րդ տարելիցի առթիվ Հայաստան ժամանած քրիստոնեական եկեղեցիների հովվապետեր ու պաշտոնական պատվիրակություններ: Արարողության ընթացքում կատարվել է հատուկ ընտրված նոր շարականը, օծվել են սրբապատկերները, կատարվել է մասունքների առջև խոնարհման կարգը: Արարողության ավարտին հայտարարավել է լռության րոպե և աշխարհի եկեղեցիներում հնչել է 100 զանգ` հիշեցնելով արդարության և ճշմարտության մասին: Որպես ամենամյա եկեղեցական հիշատակության տոնացուցային օր է սահմանվել ապրիլի 24-ը և այսուհետ հոգեհանգստյան կարգի փոխարեն Հայոց ցեղասպանության զոհերի հիշատակի կարգ է մատուցվելու: Եկեղեցին Ցեղասապանության նահատակների սրբադասմամբ չի նշում 1,5 միլիոն զոհերի թիվը, ոչ էլ տալիս է անհատների անուններ. հռչակում է նրանց հավաքական նահատակությունը, ովքեր ընկել են հանուն հավատքի և հայրենիքի: Հայ առաքելական եկեղեցին վերջին անգամ սրբադասման կարգ կատարել էր 400 տարի առաջ: Հղումներ թեմայով. Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Լավրով․ ՀՀ–ին բոլորից ձեռնատու է ԵվրԱզԷՍ–ը, հաշված է Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունի CFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականին Ռուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվեն ՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնում |