Լևոն Հայրապետյանի գործով նախաքննությունն ավարտվել է25 մայիսի 2015 - 10:42 AMT PanARMENIAN.Net - Դադարեցվել է հայտնի ձեռնարկատեր և բարերար Լևոն Հայրապետյանի գործով նախնական քննությունը: «Այսօր (մայիսի 24-ին) Հայրապետյանին հայտնեցին, որ Իզմեստևի հանդեպ խարդախության մասին ՌԴ ՔՕ 159-րդ հոդվածի 4-րդ մասով (առանձնակի խոշոր չափերի խարդախություն) քրեական գործով նախաքննությունն ավարտված է»,-ասել է գործարարի փաստաբար Ռուբեն Մարգարյանը, հայտնում է ՌԻԱ Նովոստի գործակալությունը: Ըստ փաստաբանի, քննությունը միայն դատապարտված սենատորի մոր ցուցմունքն ունի, թե մեղավորության ինչ այլ ապացույցներ կան, պաշտպանությունը կիմանա, ծանոթանալով քրեական գործին: «Այս գործը եզակի է նրանով, որ, հավանաբար, ՌԴ պատմության մեջ առաջին անգամ քննությունը հայտնի բարերարի այսքան ակտիվ ու արագ քրեական հետապնդում է իրականացնում` ելնելով մի շարք սպանությունների համար ցմահ ազատազրկման դատապարտված տուժողի շահերից»,-ասել է Մարգարյանը: Լևոն Հայրապետյանը մեղադրվում է 2009 թվականին «Սիստեմա» ընկերությանն Ուրալ Ռահիմովի կողմից «Բաշնեֆտ»-ի վաճառքին ներգրավվածության համար: Մասշտաբային արբիտրաժային գործընթացի հետևանքով «Բաշնեֆտ»-ը վերադարձվել է պետությանը: Հետաքննության տվյալներով` Հայրապետյանը խաբեությամբ յուրացրել է Իզմեստևին պատկանող 700 000 դոլարը: Մինչդեռ այսօր` մայիսի 25-ին Մոսկվայի քաղաքային դատարանը կստուգի Լևոն Հայրապետյանին տնային կալանքի տակ պահելու օրինականությունը: Քննիչի միջնորդագրի համաձայն՝ Հայրապետյանի տնային կալանքի ժամկետը հաստատված է մինչև հուլիսի 28-ը, սակայն փաստաբանները բողոքարկել են այդ որոշումը: Այդ ընթացքում նախատեսվում է մի շարք փաստաթղթեր առգրավել, ինչպես նաև մի շարք քննչական գործողություններ անցկացնել, սակայն հատկապես ինչ գործողությունների մասին է խոսքը, գերատեսչությունը չէր հստակեցրել: Դատախազը քննության պահանջը հիմնավորված է համարել և հավանություն տվել: Պաշտպանությունը նշել է, որ վերջին 4 ամսում ոչ մի քննչական գործողություն Հայրապետյանի մասնակցությամբ չի անցկացվել, հետևաբար, հարկ չկա նրան տնային կալանքի տակ պահել: Ավելի վաղ հայտնի դարձավ, որ ձեռներեց և բարերար Լևոն Հայրապետյանի գործը, որը մեղադրվում է «Բաշնեֆտի» բաժնետոմսերի յուրացմանը մեղսակից լինելու մեջ, առանձին վարույթ է ընդունվել հետաքննության մոտալուտ ավարտի կապակցությամբ: Այս մասին ապրիլի 13-ին հայտնել է դատախազության ներկայացուցիչը Մոսկվայի Բասմանի շրջանի դատարանում, որը դիտարկում է Հայրապետյանի տնային կալանքի ժամկետը երկարացնելու հարցը: «Հայրապետյանի գործն առանձին վարույթով կքննվի հետաքննության մոտալուտ ավարտի կապակցությամբ»,-ասել է դատախազը: Իր հերթին պաշտպանությունը հայտարարել է Հայրապետյանին ներկայացված մեղադրանքների մեղմացման մասին, քանի որ գործն առանձին վարույթ է ընդունվել իսկ քննության փաստարկներն ապացուցված չեն: Ըստ փաստաբանի, Հայրապետյանին մեղադրում են յուրացման մեջ, այն դեպքում, երբ մինչ այդ դրանից բացի նրան մեղադրում էին նաև «ապօրինի ստացած միջոցներն օրինականացնելու մեջ»: Նախորդ տարվա հուլիսի 24-ին գործարար Լևոն Հայրապետյանին, որին կասկածում են հափշտակումների և «Բաշնեֆտի» բաժնետոմսերի ապօրինի օրինականացման մեջ, ՌԴ Քննչական կոմիտեն մեղադրանք ներկայացվեց ՌԴ ՔՕ 160 (յուրացում և վատնում) ու 174 (փողերի լվացում) հոդվածների հատկանիշներով: Ըստ իրավապահ մարմիններին մոտ աղբյուրի, յուրացումն այս գործում միջնորդական պարգևավճարն է, որը Հայրապետյանը ստացել է «ԱՖԿ Սիստեմա»-ին բաշկիրյան նավթային բաժնեմասերի վաճառքի գործարքից: Գումարը կարող է կազմել մոտ 50 մլն դոլար: Որպես հիմնական կասկածյալ անցնում է Բաշկիրիայի նախկին նախագահի որդին՝ Ուրալ Ռահիմովը: Հայրապետյանն այդ գործում համարվում է նրա գլխավոր հանցակիցը: Հայրապետյանի միջնորդության մասին ցուցմունք է տվել ցմահ բանտարկության դատապարտված Բաշկիրիայից ընտրված նախկին սենատոր Իգոր Իզմեստևը, որը հայտարարել է, թե լսել է Ուրալ Ռահիմովից Բաշկիրիայի վառելիքաէներգետիկ համալիրի կառույցները «ԱՖԿ Սիստեմա»-ի սեփականատեր Վլադիմիր Եվտուշենկովին վաճառելու ցանկության մասին: Ըստ նրա, նաև քննարկվել է որպես միջնորդ պարոն Հայրապետյանին ներգրավելու հնարավորությունը: Այս հայտարարության հիման վրա էլ ձերբակալվել է Հայրապետյանը, առավել ևս, որ քննությանը հայտնի է դարձել 50 մլն դոլարի մասին, որն իբր Հայրապետյանը ստացել է որպես միջնորդ: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |