Գյումրիում «Թումո» է բացվել. Կենտրոնում մինչև 1000 ուսանող կսովորի25 մայիսի 2015 - 18:19 AMT PanARMENIAN.Net - Գյումրիում այսօր՝ մայիսի 25-ին, «Թումո» ստեղծարար տեխնոլոգիաների կենտրոն է բացվել: Արարողությանը ներկա է եղել նաև նախագահ Սերժ Սարգսյանը, որն էլ կենտրոնի ստեղծման նախաձեռնողն էր, իսկ իրագործել է գաղափարը «Շանթ» հեռուստաընկերությունը: Կենտրոնը գործունեության սկզբնական շրջանում կտեղակայվի Գյումրիի տեխնոլոգիական կենտրոնի տարածքում, իսկ հետագայում նախատեսվում է այն տեղափոխել հարևանությամբ գտնվող Գյումրիի թատրոնի (նախկին ժողովրդական տան) շենք, որը պետք է հիմնանորոգվի և ամրացվի: Կենտրոնում դեռևս 60 աշխատատեղ կբացվի, տարածքը կհյուրընկալի 500-ից 1000 ուսանողի: 2014-ի հոկտեմբերի 7 ին «Շանթ» հեռուստաընկերությունը ծննդյան 20 ամյակի առթիվ կենտրոն հիմնելու համար համազգային հեռուստամարաթոն էր նախաձեռնել: Արդյունքում հանգանակվեց 300.000 ԱՄՆ դոլար, բայց նվիրատվությունները շարունակվեցին: «Թումո» ստեղծարար տեխնոլոգիաների կենտրոնն արտադպրոցական ուսումնական միջավայր է, որտեղ 12-18 տարեկան պատանիներն ուսանում են սեփական հանձնառությամբ: Առաջին Թումո կենտրոնը («Թումո Երևանը») ստեղծվել է Սեմ և Սիլվա Սիմոնյանների նախաձեռնությամբ՝ Սիմոնյան կրթական հիմնադրամի կողմից և իր դռներն է բացել աշակերտների առջև 2011-ի օգոստոսի 14-ին: Կենտրոնական բանկի «Գիտելիք հանուն զարգացման» ծրագրի շնորհիվ 2013-ի փետրվարից «Թումոն» գործում է նաև Դիլիջանում (մոտ 300 ուսանող ունի): Ներկայում Ստեփանակերտում ևս ակտիվ շինաշխատանքներ են տարվում տեղի «Թումո» կենտրոնի ստեղծման ուղղությամբ: Շինարարությունը պլանավորվում է ավարտին հասցնել 2015-ի սեպտեմբերին, կենտրոնը կունենա 1000 ուսանող: «Թումո Ստեփանակերտը» Սիմոնյան կրթական հիմնադրամի և ՀԲԸՄ համատեղ նախագիծն է: Կենտրոնի բացումից հետո Գյումրիից և հարակից համայնքներից հազարավոր պատանիներ հնարավորություն կունենան հմտություններ ձեռք բերելայնպիսի հեռանկարային ոլորտներում, ինչպիսիք են անիմացիան, տեսախաղերի ստեղծումը, կայքերի մշակումը, ֆիլմարտադրությունը, եռաչափ մոդելավորումը, գրաֆիկ դիզայնը, ռոբոտաշինությունը, լուսանկարչությունն ու թվային երաժշտությունը: Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Մատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ» Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է Փայլան. Ապրում ենք այնպիսի Թուրքիայում, ինչպիսին կլիներ Գերմանիան, եթե այնտեղ լինեին Հիտլերի անունով փողոցներ ու դպրոցներ Նա նաև հարգանքի տուրք է մատուցել այն եզակի պաշտոնյաներին, որոնք չեն կատարել ցեղասպանության վերաբերյալ որոշումը |