Հարավային Օսեթիան փակել է սահմանը Վրաստանի հետ. Ապակայունացման վտանգ կա26 մայիսի 2015 - 11:19 AMT PanARMENIAN.Net - Հարավային Օսեթիայի Պետական անվտանգության կոմիտեն հայտնել է մայիսի 25-ից Վրաստանի հետ սահմանը փակելու մասին: Մայիսի 25-ից մինչև «իրավիճակի կարգավորումը» նման միջոց կիրառելու որոշումը հանրապետության իշխանությունները կայացրել են սահմանամերձ գոտում իրավիճակն ապակայունացնելու նախապատրաստվող փորձերի մասին առկա տվյալների հիման վրա: Մայիսի 26-ին Հարավային Օսեթիան նշում է Անկախության օրը: Հարավային Օսեթիայի Պետական անվտանգության կոմիտեում պարզաբանել են, որ Վրաստանի նախկին նախագահ Միխայիլ Սահակաշվիլիի կողմնակիցները մտադիր են զանգվածային անկարգություններ հրահրել երկրում: Կոմիտեում չեն բացառում, որ կարող են սադրանքներ լինել սահմանին և դրա հետ կապված Վրաստանի բնակիչների զանգվածային մուտք հարավօսական հանրապետության տարածք, հայտնում է «Պրավդա.ռու»-ն: Հարավային Օսեթիայի բնակիչները կարող են հատել Վրաստանի հետ պետական սահմանը հատուկ անցակետերով հատուկ փաստաթղթի առկայության դեպքում: Մինչդեռ ընթացիկ տարվա փետրվարին ՆԱՏՕ-ի գլխավոր քարտուղար Յենս Ստոլտենբերգը Բրյուսելում ելույթ ունենալով լրագրողների առջև, անդրադարձել է ՌԴ կողմից Աբխազիայի և Հարավային Օսեթիայի ճանաչման թեմային` պահանջելով չեղյալ համարել նրանց անկախության ճանաչումն ու դուրս բերել զորքերը երկու հանրապետությունների տարածքից, քանի որ «դա Վրաստանի տարածնք է»: Ավելի վաղ ՌԴ կառավարության փոխնախագահ Ալեքսանդր Խլոպոնինը հայտարարեց, որ Ռուսաստանն ընկալում է Աբխազիան բացառապես որպես անկախ պետություն և հարևան և ոչ ոք մտադիր չէ դա վերանայել: Օգնություն ցուցաբերելով Աբխազիային` Մոսկվան որևէ քաղաքական շահ չի հետապնդում: Ավելի վաղ հայտնի դարձավ, որ Հյուսիսատլանտյան դաշինքը մոտակա ժամանակահատվածում ակտիվ խորհրդակցություններ է սկսելու Վրաստանում ուսումնական միավորված կենտրոն բացելու շուրջ։ Այս մասին Թբիլիսիում հայտարարել է ՆԱՏՕ-ի գլխավոր քարտուղարի տեղակալ Ալեքսանդր Վերշբոուն: «Առաջին հերթին, պետք է հստակեցվի ոչ միայն կենտրոնի տեղակայման վայրը, այլև դրա առաջադրանքները, առաքելությունն ու նպատակները` ինչպես այն դարձնել առավել արդյունավետ, քանի որ այնտեղ վերապատրաստվելու են ոչ միայն վրացի զինծառայողներ, այլև դաշինքին անդամ պետությունների զինված ուժերի ներկայացուցիչներ», - ասել է Վերշբոուն: Մոսկվան հայտարարեց, որ ՆԱՏՕ-ի շահերից բխող ռազմական ենթակառուցվածքի տեղակայումը Վրաստանում սպառնալիք կստեղծի կայունությանն Անդրկովկասում: Ալասանիայի հայտարարության նախօրեին ՌԴ ԱԳՆ-ն հաղորդագրություն տարածեց Վրաստանի, Ռուաստանի, Աբխազիայի և Հարավային Օսեթիայի միջև ժնևյան բանակցությունների ընթացքի վերաբերյալ՝ մեկնաբանելով նաև ուսումնական կենտրոնի ստեղծման հնարավորությունը: ՆԱՏՕ-ի ուսումնական կենտրոնը կարող է բացվել Վազիանիում Վրաստանի ՊՆ բրիգադի տարածքում: Վրաստանում նաև գործում է ՆԱՏՕ-ի չափանիշներին համապատասխանող լեռնային հրաձիգների ռազմակայանը Սաչխերեում: Վրաստանում ուսումնական կենտրոնի բացումը, որտեղ կնախապատրաստվեն դաշինքի զինծառայողները, նախատեսվում է ՆԱՏՕ-Վրաստան գործակցության փաթեթով, որն ընդունվել է 2014-ի սեպտեմբերին Ուելսում կայացած դաշինքի գագաթնաժողովում: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել Փաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նա Գուտերեշը կոչ է արել Ադրբեջանին և ՀՀ–ին լուծել բոլոր հարցերը հարաբերությունների կարգավորման համար Գլխավոր քարտուղարն ուշադիր հետևել է Հայաստանի և Ադրբեջանի միջև հարաբերությունների կարգավորման գործընթացին |