Անտեսելով Դամասկոսի զգուշացումները` Թուրքիան օգնում է վարժեցնել Սիրիայի «չափավոր» ընդդիմությանը27 մայիսի 2015 - 11:59 AMT PanARMENIAN.Net - Թուրքիայում մեկնարկել է Սիրիայի չափավոր ընդդիմության ռազմական վարժանքի ծրագիրը: Այդ մասին հայտարարել է ԱԳ նախարար Մևլութ Չավուշօղլուն Հյուսիսային Կիպրոս այցելության ժամանակ: «Թուրքական և ամերիկյան անձնակազմը, որը ուսուցանելու է նրանց, ստանձնել է իր պարտավորությունները: Կարելի է ասել, որ ծրագիրը սկսվել է փոքր խմբերի վարժանքից: Ենթակառուցվածքները պատրաստ են, բոլոր անհրաժեշտ սարքերը տեղադրված են»,-մեջբերել է նախարարի խոսքը NTV հեռուստաալիքը: ԱԳՆ ղեկավարը հավելել է, որ ծրագրի իրագործմամբ «միասին զբաղվում են Թուրքիան և ԱՄՆ-ն»: Չավուշօղլուն նշել է նաև, որ ուսուցման ավարտին հարց կառաջանա. «ուր են այդ մարդիկ վերադառնալու և ինչ աջակցություն է պետք է նրանց ցուցաբերել»: «Հարկավոր է, որպեսզի տարածաշրջանը, ուր նրանք վերադառնալու են, անվտանգ լինի: Դրա հետ կապված բոլոր հարցերն այժմ քննարկում են թուրքական և ամերիկյան կողմերը տեխնիկական մասնագետների և զինվորականների հետ, վերջնական որոշումը համատեղ է կայացվելու»,-ասել է նա, հայտնում է ՏԱՍՍ-ը: «Վարժեցրու և ապահովիր» անվանումը ստացած ծրագիրը ենթադրում է Սիրիայի ազատ բանակի անձնակազմի մարզում: 2015-ին նախատեսվում է վարժեցնել մոտ 2 000 սիրիացի ընդդիմադիրի: Ծրագիրը նաև ենթադրում է Սաուդյան Արաբիայի և Քաթարի մասնակցությունը, որոնք ընդհանուր առմամբ մոտ 15 հազար ընդդիմադիրի կվարժեցնեն: Սկզբում նախատեսվում էր, որ վարժանքները սկսվելու են մարտին Թուրքիայում: Մինչդեռ, Սիրիայի ԱԳ փոխնախարար Ֆեյսալ Միքդադը հայտարարեց, որ Սիրիայի ղեկավարությունը երրորդ պետությունների ցանկացած աջակցություն զինյալներին կգնահատի որպես ագրեսիա: «Ցանկացած պետություն, որը մտադիր է սատարել զինյալ ահաբեկչական խմբավորումներին, Սիրիայի դեմ ագրեսոր կհամարվի»,-ասել է նա ի պատասխան Թուրքիայի ԱԳ նախարարի հայտարարության, հայտնել է «Ալ Մայադին» հեռուստաալիքը: Ավելի վաղ Թուրքիայի ԱԳ նախարար Մևլութ Չավուշօղլուն հայտարարեց, որ Անկարան ու Վաշինգտոնը պայմանավորվել են օդից աջակցել Սիրիայի այսպես կոչված չափավոր ընդդիմությանը, պատրաստելով նրան ԻՊ դեմ պայքարին: Ինչպես հայտարարեց սիրիացի նախարաը, Անկարայի նման հայտարարությունները հաստատում են, որ Թուրքիան մտադիր է «անմիջական ֆինանսական և ռազմական աջակցություն ցուցաբերել Սիրիայում մարտնչող ահաբեկչական խմբավորումներին, ինչը ավելի շատ խաղաղ բնակիչների մահվան պատճառ կդառնա: Փետրվարին հայտնի դարձավ, որ Թուրքիայի և ԱՄՆ միջև պայմանավորվածությունների շրջանակում Վաշինգտոնը 500 մլն դոլար կհատկացնի ընդդիմադիր զինյալների պատրաստման ու սպառազինման համար: Մարտին Սիրիայի արտաքին ընդդիմության պաշտոնական ներկայացուցիչները, որոնց կենտրոնակայանը գտնվում է Թուրքիայում, հայտարարեցին «ժամանակավոր ռազմավարական դաշինքների» մասին Անկարայի պատրաստած գրոհայինների և «Ջեբհաթ ան Նուսրա» խմբավորման միջև, որոնք շարունակում են քաղաքներ ու կարևոր օբյեկտներ գրավել Սիրիայի Իդլիբ գավառում: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |