 Մերկելն աշխարհի ամենաազդեցիկ կինն է ըստ Forbes-ի. Արդեն 9-րդ անգամ 27 մայիսի 2015 - 15:03 AMT PanARMENIAN.Net - Գերմանիայի կանցլեր Անգելա Մերկելը պահպանել է առաջատարի դիրքը աշխարհի ամենաազդեցիկ 100 կանանց վարկանիշում, որը կազմում է ամերիկյան Forbes հանդեսը: Միևնույն ժամանակ Forbes-ը նշում է, որ ԳԴՀ-ն կարող է կորցնել առաջին տեղը վարկանիշում ԱՄՆ-ում նախագահական ընտրություններից հետո: Նախկին պետքարտուղար Հիլարի Քլինթոնը ԱՄՆ նախագահի պաշտոնում առաջադրվելուց հետո զբաղեցնում է վարկանիշի երկրորդ հորիզոնականը նախկին 6-րդի փոխարեն: Երրորդ տեղում է, ինչպես և 2014-ին, Մելինդա Գեյթսը` աշխարհի ամենահարուստ միլիարդատեր Բիլլ Գեյթսի (կարողությունը` $79,2 մլրդ) կինը, նա Բիլլ և Մելինդա Գեյթս բարեգործական հիմնադրամի համահիմնադիրն է: Առաջին տասնյակում են նաև ԱՄՆ Դաշնային պահուստային համակարգի ղեկավար Ջանեթ Յելլենը, General Motors-ի գլխավոր տնօրեն Մերի Բարան, Արժույթի միջազգային հիմնադրամի նախագահ Քրիստին Լագարդը, Բրազիլիայի նախագահ Դիլմա Ռուսեֆը, Facebook-ի օպերացիոն տնօրեն Շերիլ Սվիդբերգը (նա 1741-րդն է միլիարդատերերի վարկանիշում` կարողությունը 1 մլրդ դոլար), YouTube-ի գլխավոր տնօրեն Սյուզեն Վոյժիտսկին և ԱՄՆ առաջին տիկին Միշել Օբաման: Վարկանիշում Ռուսաստանի միակ ներկայացուցիչը Ռուսաստանի բանկի նախագահ Էլվիրա Նաբիուլլինան է: Նա առաջին անգամ ընդգրկվեց վարկանիշում 2014-ին, զբաղեցնելով 72-րդ տեղը: Այս անգամ նա 71-րդն է: Վարկանիշում ընդգրկված կանանցից ամենաապահովվածը հեռուստահաղորդավար Օպրա Ուինֆրին է (թիվ 12): Նրա կարողությունն ըստ Forbes-ի գնահատվում է 3 մլրդ դոլար: Վարկանիշի ամենաերիտասարդ մասնակիցը Թեյլոր Սվիֆթն է: 25-ամյա երգչուհին 64-րդ հորիզոնականում է: Ընդհանուր առմամբ աշխարհի ամենաազդեցիկ 100 կանանց վարկանիշում կա երկրի 8 ղեկավար, այդ թվում Մեծ Բրիտանիայի թագուհի Եղիսաբեթ Երկրորդը (թիվ 41): Նրանք միասին վերցրած կառավարում են երկրներ, որոնց ընդհանուր ՀՆԱ-ն կազմում է 9,1 տրլն դոլար` 600 մլն բնակչությամբ: 24 մասնակից ընկերություններ է ղեկավարում, որոնց համախառն եկամուտը կազմում է տարեկան մոտ 1 տրլն դոլար: Իր սեփական բիզնեսն ունի 18 կին, ներառյալ ամենաերիտասարդ միլիարդատեր Էլիզաբեթ Հոլմսին (նա 72-րդն է ամենաազդեցիկ կանանց ցանկում, և 360-րդը միլիարդատերերի ցուցակում, կարողությունը` 4.5 մլրդ դոլար):  Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների  Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակըՏոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումներըԿիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը»Փաշինյանը ԵԱՀԿ ՄԽ Ֆրանսիայի համանախագահի հետ քննարկել է տարածաշրջանային հարցեր Քննարկվել են Հայաստան-Ֆրանսիա համագործակցության հետևողական զարգացմանը վերաբերող օրակարգային հարցեր |
