Երուսաղեմում մոտ 2000 տարվա վաղեմության ջրատար են պեղել

Երուսաղեմում մոտ 2000 տարվա վաղեմության ջրատար են պեղել

PanARMENIAN.Net - Երուսաղեմում շինարարական աշխատանքների ժամանակ հայտնաբերվել է ավելի քան 2000 տարի առաջ կառուցված ջրատարի հատված, որը նախատեսված է եղել քաղաքը ջրով ապահովելու համար:

Այսպես կոչված Ներքին ջրանցույցը հայտնաբերվել է Արևելյան Երուսաղեմի արաբական Ումմ Տուբա թաղամասում պեղումների ժամանակ: Նրա շինարարությունը սկսվել է դեռ Հասմոնյանների արքայատոհմի ժամանակ, որոնք թագավորել են Հրեաստանում մ.թ.ա 152-37 թթ.:

Ջրանցույցի (ակվեդուկ) երկարությունը մոտ 21 կմ է: Ջուրը ստացվել է Էն Էյթամ աղբյուրից, որը գտնվում էր որպես Սողոմոնի ավազաններ հայտնի ջրի ռեզերվուարի մոտ: Սկզբում ջուրը հոսել է բաց ջրատարով: Ավելի ուշ, երբ Երուսաղեմը Օսմանյան կայսրության տիրապետության տակ էր, խողովակն արդեն փակվեց:

Ջրանցույցից դադարել են օգտվել մոտ 100 տարի առաջ` մինչ այդ այն 2000 տարի շարունակ եղել է Երուսաղեմի ջրի գլխավոր շտեմարանը: XX դարի սկզբում այն փոխարինվեց նոր ջրմուղ համակարգով:

Ջրանցույցը (ակվեդուկ լատ.՝ Aquae ductus), կամուրջ-ջրատար է կամ հեղհեղատի, ձորի, գետի, ճանապարհի վրայով ջրատար անցկացնելու համար կամրջի կամ ուղանցի տեսքով կառույց։ Ջրանցույցները կառուցում են բետոնից, երկաթբետոնից, փայտից, քարից և մետաղից։Ջրանցույցներ կառուցվել են դեռևս մ. թ. ա. 2-րդ հազարամյակում՝ Հին Արևելքի երկրներում, ինչպես նաև մ. թ. ա. 7-րդ դարում Հին Հունաստանում: Հիմնականում լավ պահպանվել են և գործում են առ այսօր Հին Հռոմի և հռոմեական շրջանների ջրանցույցները։Միջնադարյկան Հայաստանի կամուրջներից ջրանցույցի դեր է կատարել Ջրափի գյուղի կամուրջը:

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---