 22 26.05.15 - Ռուդոլֆ Խառատյան. «Զույգ արեգակներ» բալետային ներկայացման գլխավոր փորձը                         «Զույգ արեգակներ». Ռուդոլֆ Խառատյանի բալետային ներկայացումը՝ նվիրված Ցեղասպանության 100-րդ տարելիցին  27 մայիսի 2015 - 17:56 AMTPanARMENIAN.Net - Մայիսի 27-ին Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա «Զույգ արեգակներ» 2 գործողությամբ նոր բալետային ներկայացման համաշխարհային պրեմիերան: Այն բեմադրվում է Հայոց ցեղասպանության 100-րդ տարելիցի միջոցառումների շրջանակում, սցենարի հեղինակն էլ ՀՀ Ժողովրդական արտիստ Ռուդոլֆ Խառատյանն է: Բալետային ներկայացումն ամփոփելու է 4-21-րդ դարերի հայ կոմպոզիտորների ստեղծագործությունները: Թատրոնի տեղեկատվության և հասարակայնության հետ կապերի բաժնի հաղորդմամբ՝ «Զույգ արեգակներ»-ի նպատակն է մեկ ամբողջության մեջ մատուցել այն համամարդկային արժեքները, որոնցով հայերը մասնակցել են համաշխարհային արվեստի հարստացման գործին: Հայ կատարողներից բացի նախագծին աջակցող «Բալետ - 2021» զարգացման հիմնադրամը 8-ամսյա ժամկետով արտիստների է հրավիրել, որոնցից 2-ը Ճապոնիայից են, 3-ը՝ Ֆրանսիայից, ԱՄՆ-ից, 1-ական ՝Հունաստանից, Իսրայելից և Գերմանիայից: «Զույգ Արեգակներ»-ի առաջին չորս ներկայացման գլխավոր դերերում հանդես կգան Վաշինգտոնի և Շտուտգարդի բալետային թատրոնների առաջատար մենապարողները: Ռուդոլֆ Խառատյանի խոսքով՝ երաժշտություն է ընտրել՝ Մաշտոցի շարականներ, Խաչատրյան, Բաբաջանյան, Ալան Հովհաննես, Աշոտ Արիյան, Տերտերյան, Նարեկացու տաղեր, որ ընկալելի է ցանկացած ազգի ներկայացուցչի համար, վերցրել է «Մատյան ողբերգության» տարբեր հատվածներ: «Նարեկացին իր այս ստեղծագործությամբ կարողացել է դուրս գալ ազգայինից, ներկայացնել համամարդկային արժեքներ, գաղափարներ, մտքեր: Ներկայացրել եմ նաև Թորոս Ռոսլինին, Արշիլ Գորկուն: Ձևավորումն իրենից ներկայացնելու է տիեզերական միջավայր, որտեղ ներկայացված է խորան: Դա Հայաստանն է, որում հայտնվում է Նարեկացին Քրիստոսին, զարթոնք և արև խորհրդանշող իր աքլորով: Կլինեն նաև այլ խորհրդանշաններ՝ վերցված Աղթամարի եկեղեցու զարդաքանդակներից: Բալետը, որպես ձև, ֆորմա, ամենակարճ ճանապարհն է դեպի բացահայտումը: Եթե խոսքը պետք է թարգմանվի, բալետը ոգու շարժում է»,- ասել է Խառատյանը, գրում է Panorama.am-ը: «Զույգ Արեգակներ»-ի առաջին չորս ներկայացումը տեղի կունենան մայիսի 27-ին, 31-ին, հունիսի 9-ին և 10-ին:  Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի  Նա հավելել է, որ վարչապետն ականջալուր է եղել ոսկեպարցիներինՌուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտումԳիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է |
