«Ոչ թալանին». Քաղաքացիները երթով ու ցույցով բողոքեցին էլէներգիայի սակագնի բարձրացման դեմ27 մայիսի 2015 - 23:51 AMT PanARMENIAN.Net - Մայիսի 27-ին Երևանի Ազատության հրապարակում էլէներգիայի սակագնի հնարավոր բարձրացման դեմ բազմահազար ցույց էր: Բողոքի ակցիան կազմակերպվել էր «Ոչ թալանին» նախաձեռնությունը, դրան միացել էին նաև ընդդիմադիր քաղաքական ուժերի ու նախաձեռնությունների անդամները և «Նաիրիտ» գործարանի աշխատակիցները: Ցույցը վարող նախաձեռնության ակտիվիստները պահանջեցին Հանրային ծառայությունները կարգավորող հանձնաժողովից չբավարարել ՀԷՑ-ի՝ էլեկտրաէներգիայի սակագնի բարձրացման հայցը և գործուն քայլեր ձեռնարկել սակագինը հօգուտ նվազման վերանայելու ուղղությամբ: Ելույթ ունեցողները հատկապես շեշտում էին, որ սպառողները ստիպված են լինելու վճարել վատ մենեջմենթի հետևանքների ու Հայաստանի էլեկտրական ցանցերի վարձակալած ճոխ մեքենաների ու բնակարանների համար: Ազատության հրապարակում կարճատև հավաք անցկացնելուց հետո մի քանի հազար մարդ երթով շարժվեց Երևանի կենտրոնական փողոցներով: Մասնակիցներն անցան Սայաթ-Նովա, Աբովյան, Ամիրյան փողոցներով և Մաշտոցի պողոտայով: Հասնելով Հանրապետության հրապարակ՝ երթը մի պահ ընդհատվեց, երբ մի քանի տասնյակ մարդիկ փորձեցին նստացույց կազմակերպել հրապարակի կենտրոնում: Կարճ ժամանակ անց, սակայն, երթը շարունակվեց առանց որևէ լուրջ խոչընդոտների ու միջադեպերի:
Նույն օրը բողոքի ակցիաներ անցկացվեցին նաև Հայաստանի այլ մարզերում: Էլեկտրաէներգիայի սակագների բարձրացման դեմ հաջորդ ցույցը կայանալու է հունիսի 19-ին: Հիշեցնենք, որ «Հայաստանի էլեկտրական ցանցերն» ու էներգետիկայի ոլորտի մի շարք այլ ընկերություններ դիմել են Հանրային ծառայությունները կարգավորող հանձնաժողով՝ էլէներգիայի սակագինը վերանայելու հայտով: Ըստ այդմ, առաջարկվում է 1 կՎտժ սակագինն ավելացնել մոտ 17 դրամով: Ներկայիս գործող 41,85 դրամ ցերեկային ու 31,85 դրամ գիշերային սակագինն առաջարկվում է թանկացնել մինչև համապատասխանաբար 58.93 դրամի և 48.93 դրամ: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին |