Midem երաժշտական փառատոնը Կաննում. Հայաստանը պատվավոր հյուրն է 5 հունիսի 2015 - 17:51 AMT PanARMENIAN.Net - Կաննում այսօր՝ հունիսի 5-ին, մեկնարկել է Midem երաժշտական փառատոնը: Չորս օր շարունակ` մինչև ամսի 8-ը, Ֆրանսիայի հարավում գտնվող այդ քաղաքը ողողված կլինի հայկական երաժշտությամբ: Հայաստանն այս տարի փառատոնին մասնակցում է պատվավոր երկրի կարգավիճակով: Այդ առթիվ Կաննի հայտնի Փառատոնների պալատում հրավիրված մամուլի ասուլիսի ընթացքում Հայաստանի մշակույթի նախարար Հասմիկ Պողոսյանը խոսել է փառատոնին Հայաստանի մասնակցության մասին և ներկայացրել ծրագրի մանրամասները: «Մեզ համար կարևոր էր լինել այս փառատոնի պատվավոր հյուրը 2015 թվականին: Կարծում եմ՝ բոլորը գիտեք, որ այս տարին խորհրդանշական է Հայաստանի համար՝ Հայոց ցեղասպանության 100-րդ տարելիցն է: Սա հնարավորություն է ևս մեկ անգամ հիշելու մեր ողբերգությունը և պահանջելու անցած դարի առաջին ցեղասպանության ճանաչումը և դատապարտումը»,- նշել է նա՝ հավելելով, որ Հայաստանի համար սկզբունքային է ներկայանալ այստեղ և առհասարակ աշխարհին ոչ թե զոհի, այլ ցեղասպանությունը վերապրած և վերածնված, ուժեղ, տաղանդավոր և ստեղծագործող հայի կերպարով:
Midem-ն առաջատար միջազգային գործարար իրադարձություն է նվիրված երաժշտության էկոհամակարգին: Այն անցկացվում է 1967-ից Կաննում: Փառատոնին մասնակցում են աշխարհի հեղինակավոր ձայնագրման ընկերությունները, հայտնի երգիչներ, խմբեր, պրոդյուսերական կենտրոններ և երաժշտական հրատարակչություններ: Սա այն վայրն է, որտեղ երաժշտություն ստեղծողները, առաջատար տեխնոլոգիաները, բրենդները և տաղանդները հավաքվում են մարդկանց և երաժշտության միջև հարաբերությունները հարստացնելու, լսարանի ներգրավվածությունը վերափոխելու և նոր բիզնես կապեր ստեղծելու համար: Փառատոնին Հայաստանի մասնակցության գաղափարն է՝ ցույց տալ հանդիսատեսին և մասնագետներին, թե ինչպիսի գանձեր ունի մեր երկիրըմ իր հերթին նշել է ծրագիրն իրականացնող «Պրոարտ» ընկերության տնօրեն Ռուբեն Տոնիկյանը՝ ներկայացնելով նաև ծրագրի համար ընտրված հայեցակարգը:
Հայաստանն այս հեղինակավոր փառատոնին ներկայանում է «Երաժշտության հայկական էլեմենտները» հայեցակարգով: Որպես փառատոնի խորհրդանիշ է ընտրվել և մշակվել նուռը, որը պատկերված է չորս տարբեր գույնով և խորհրդանշում է ոգեշնչման չորս հիմնական տարր՝ հողը, օդը, ջուրը և կրակը: Քաղաքը, որն այս օրերին բազմաթիվ զբոսաշրջիկներ է ընդունում, զարդարված է հայկական գույներով, փողոցները «Հայաստան-Պատվավոր երկիր» խորհրդանշող դրոշներով, քաղաքային վահանակներն ամենուր ազդարարում են հայկական միջոցառումների ու ծրագրերի մասին, Կաննի հայտնի Palais de Festival-ի ճակատային վահանակն ամբողջությամբ նվիրված է Հայաստանին: «Այս տարին մեզ համար հատուկ տարի է՝ Ցեղասպանության 100 տարին է: Մենք որոշակի խորհուրդներ հստակ ձևակերպեցինք այս տարվա համար: Դրանք չորսն էին՝ հիշողություն, երախտագիտություն, միջազգային պայքար և վերածնունդ: Կարծում եմ՝ մեր մասնակցությունը Midem-ի այս հարթակում վերջին գաղափարախոսության ներքո է»,- նշել է Հասմիկ Պողոսյանը:
Նախարարի խոսքով, Հայաստանը ցուցադրում է իր երաժշտական մշակույթը, որը պահպանվեց և վերստեղծվեց ցեղասպանությունից հետո՝ «դրանով էլ քայլում ենք դեպի ապագա»: Հայաստանի պետական երիտասարդական նվագախմբի գեղարվեստական ղեկավար Սերգեյ Սմբատյանն իր հերթին նշել է. «Ապրում ենք երկրում, որտեղ զգում ենք պետության աջակցությունը: Մենք ունենք Հայաստանի պետական երիտասարդական նվագախումբ: Դա նշանակում է որ ունենք երիտասարդ երաժիշտներ, և մեր պետությունն աջակցում է նրանց»: Չորս օրվա ընթացքում ինչպես բացօթյա բեմահարթակներում, այնպես էլ համերգային դահլիճներում, կհնչեն հայկական դասական, հոգևոր, ջազ, ռոք, էթնո-ջազ կատարումներ և այլն: Կկազմակերպվեն դասախոսություններ հայկական մշակույթի, ժողովրդական գործիքների, Կոմիտասի, ինչպես նաև Հայաստանով ոգեշնչված աշխարհահռչակ կոմպոզիտորների` Հայաստանին նվիրված ստեղծագործությունների թեմաներով: Կաննի հանրահայտ «Կարլտոն» հյուրանոցում կայանալիք բացման երեկոյին հանդես կգան «Կատուներ» ջազ-խումբը, «Ակուստիկ գույներ» քառյակը և «Միքայել Ոսկանյան և ընկերներ» էթնո-ջազային համույթը, «Դորիանս» ռոք խումբը, «Ամբասադոր» ավանդական երաժշտության համույթը:
Հունիսի 6-ին Կաննի Ավետարանական եկեղեցում համերգ կտա «Հովեր» պետական կամերային երգչախումբը: Հունիսի 7-ին «Դեբյուսի» համերգասրահում կկայանա դասական երաժշտության համերգ Հայաստանի պետական երիտասարդական նվագախմբի և հայտնի թավջութակահար Նարեկ Հախնազարյանի մասնակցությամբ: Փառատոնը հարգանքի իր տուրքը կմատուցի նաև հայ մեծ երգահան ու մանկավարժ Կոմիտասին՝ ի հիշատակ Վարդապետի մահվան 80-ամյակին: «Կարլտոն» հյուրանոցում կբացվի յուրօրինակ ցուցահանդես, որտեղ կներկայացվի Տիգրան Ձիթողցյանի երկու մեծամասշտաբ, նոր գեղանկարները, ինչպես նաև դիզայներ Վահան Խաչատրյանի հեղինակած հնագույն հայկական մոտիվներով հագուստները: Փառատոնի ընթացքում կներկայացվեն նաև հայ ազգային խոհանոցն ու խմիչքները: Դրան մասնակցելու նպատակով աշխատանքային այցով Կանն է մեկնել նախագահ Սերժ Սարգսյանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |