Երևանի կենդանաբանական այգում ներառական առաջին խաղահրապարակն է բացվել 9 հունիսի 2015 - 20:11 AMT PanARMENIAN.Net - 2013-ին մեկնարկեց Երևանի կենդանաբանական այգու վերակառուցման ծրագիրը, որով նախատեսվում էր արմատապես փոխել ինչպես այգու միջավայրը, այնպես էլ կենդանիների պահման և խնամքի պայմանները: Ծրագրի առաջին փուլի շրջանակում այգում մոտ 1 մլրդ դրամի շինարարական և դիզայներական աշխատանքներ իրականացվեցին և 2015-ի հունիսի 1-ին այն իր հերթական տարեշրջանը սկսեց: Ծրագրի մեկնարկին զուգահեռ տարբեր կառույցներ, այդ թվում՝ բնապահպանական ուղղվածության հասարակական կազմակերպություններ, առաջարկում էին մասնակցել ծրագրին: Մասնավորապես, Վայրի բնության և մշակութային արժեքների պահպանման հիմնադրամն առաջարկեց այգում նախատեսվող խաղահրապարակի կառուցման շրջանակում նաև ներառական խաղահրապարակ կառուցել: 2014-ի դեկտեմբերից հիմնադրամի նախաձեռնությամբ իրականացված հանրային դրամահավաք-արշավի արդյունքում հավաքագրվեցին թե՛ շարքային քաղաքացիների, թե՛ հիմնադրամի գործընկեր կառույցների կողմից կատարված ներդրումները: 2015-ի ապրիլի 9-ին բարեգործական երեկո կայացավ, որին մասնակցեցին մասնավոր և հասարակական կառույցների, դիվանագիտական կորպուսի, միջազգային կազմակերպությունների ներկայացուցիչներ: Կենդանի, անձայն աճուրդների և ազատ հանգանակությունների արդյունքում հավաքվեց մոտ տասը միլիոն դրամ, որը երեկոյի ավարտին կրկնապատկեց հիմնադրամի գլխավոր գործընկեր ՎիվաՍել-ՄՏՍ-ը: «Ներառական խաղահրապարակի ստեղծումը կարևոր է այն առումով, որ սահմանափակ կարողություններով երեխաներին թույլ է տալիս հավասարապես օգտվել խաղահրապարակի հնարավորություններից: Դա դրական ազդեցություն կունենա նրանց վրա թե՛ ֆիզիկական, թե՛ էմոցիոնալ տեսանկյունից՝ տալով հաղորդակցվելու և միմյանցից սովորելու, իրենց կարողությունները բացահայտելու և զարգացնելու, ինչպես նաև հոգեբանական խոչընդոտները հաղթահարելու հնարավորություն: Հաշվի առնելով այս ամենը` ՎիվաՍել-ՄՏՍ-ը չէր կարող անմասն մնալ այս նախաձեռնության իրագործմանը»,- նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը: Նախագծի իրականացմանն աջակցել են նաև Կոկա-Կոլա Հելլենիկ Բոթլինգ ընկերությունը, Էյչ-Էս-Բի-Սի Բանկ Հայաստանը, Հայաստանում ԵՄ պատվիրակության աշխատակազմը, Երուսաղեմի բիբլիական կենդանաբանական այգու աշխատակազմը, Հայ-բրիտանական գործընկերության պալատը, անհատներ և կազմակերպություններ: Խաղահրապարակի կառուցման ընթացքում օգտակար և անհրաժեշտ խորհրդատվական աջակցություն են ցուցաբերել «Ունիսոն», «Հույսի կամուրջ», «Հայ մայրեր», «Փրկություն» ՀԿ-ները, Մանկական զարգացման հիմնադրամը: Մասնագիտական, խորհրդատվական գնահատելի աջակցություն է ցուցաբերել նաև «Աուտիզմ» ազգային հիմնադրամը: Ծրագրի արդյունքում կառուցված խաղահրապարակը վստահաբար սոցիալական ինտեգրման մոդելային տարածք կդառնա՝ նման երեխաների նկատմամբ հանրային ընկալման որոշակի կարծրատիպերը փոխելու համար: Ներառական խաղահրապարակն առողջ զարգացման ինքնատիպ հարթակ կդառնա տարբեր կարողություններով երեխաների համար, որտեղ նրանք խաղի և կրթության հավասար հնարավորություններ կունենան: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Կայացել է «Բադալյան եղբայրներ» ընկերությունների խմբի մեջ մտնող ֆինանսական կազմակերպությունների տարեկան ժողովը Հայաստանում «Ֆասթ Բանկ» ՓԲԸ վարկային պորտֆելն ավելացել է60 տոկոսով Վարչապետը գերմանական Fichtner–ի պատվիրակության հետ քննարկել է վերականգնվող էներգետիկայի զարգացումը ՀՀ–ում Այցը Երևան տեղի է ունենում Մյունխենում կայացած հանդիպման արդյունքներով Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |