Ոստիկանները ցուցարարների մեջ իրավիճակը լարելու մասին տեղեկություն ունեն. Շարժումը «կանցնի վճռական քայլերի» 4 հուլիսի 2015 - 17:33 AMT PanARMENIAN.Net - ՀՀ ոստիկանությունը հստակ տեղեկություներ ունի, որ Բաղրամյան պողոտայում Էլեկտրաէներգիայի սակագնի բարձրացման դեմ ցույցի մասնակիցներից որոշ անձինք որոշել են լարել իրավիճակը, ինքնաբուխ հավաքը վերածել կառավարելի, որոշակի շահերի հետապնդող հավաքի։ Այս մասին հուլիսի 4-ին հայտարերել է ոստիկանության հանրային կապերի վարչության ղեկավար Աշոտ Ահարոնյանը, հաղորդում է «Ազատություն» ռադիոկայանը: «Հստակ տեղեկատվություն ունենք, որ որոշ անձինք, ովքեր իրենց համարում են կազմակերպիչներ, որոշում են կայացրել վրաններ տեղադրել, սադրանքներ կազմակերպել, սրել իրավիճակը, փակել փողոցները։ Ձեռնպահ եմ մնում անուններ տալուց, շատ կարճ ժամանակ անց ինքներդ կլսեք, մի քանի անձինք առաջարկելու են բարիկադները մոտեցնել ոստիկանությանը, իրենց դուր չի գալիս, որ ոստիկանությունը պասիվ է իրականացնում ծառայությունը, քանի որ դա կբերի նրան, որ շարժումը կմարի: Հրահրելու են մարդկանց կոնֆլիկտներ ստեղծել», - ասել է Ահարոնյանը: Միաժամանակ վարչության ղեկավարը հայտնել է, որ ոստիկանները ուժ կկիրառեն «միայն անկառավարելի իրավիճակում»։ Նա ցուցարարներին հորդորել է ուշադիր լինել, զգոն, թույլ չտալ այդ մարդկանց ակտիվիստներին օգտագործել ի շահ իրենց, գրում է Panorama.am-ը: Ահարոնյանի հայտատարությունից հետո, էլեկտրաէներգիայի սակագնի բարձրացման դեմ պայքարող շարժման հանրային կապերի պատասխանատու Դավիթ Սանասարյանը լրագրողներին հայտարարել է, որ որոշել են «անցնել վճռական քայլերի»: Կոնկրետ մարտավարությունը կներկայացվի այսօր` հուլիսի 4-ին, ժամը 21:00-ին: «Ունենք բազմավեկտոր պլաններ, սկսելու ենք պլան Ա-ից: Ժամը 21:00-ին լինելու են ելույթներ, ներկայացնելու ենք ծրագրերը և ժողովրդի հավանությունը ստանալուց հետո անցնելու ենք վճռական քայլերի: Կարևոր փուլ ենք սկսում այսօր», - ասել է Սանասարյանը՝ հրաժարվելով մանրամասներ ներկայացնել: Ի դեպ՝ նա նշել է, որ քայլերը խաղաղ են լինելու: Ավելի վաղ ցուցարարներին էր մոտեցել Երևանի փոխոստիկանապետ Վալերի Օսիպյանը՝ առաջարկելով տարածքից հանել որպես բարիկադ ծառայող աղբամանները և դրանք փոխարինել ոստիկանական ուղեփակոցներով։ Հուլիսի 3-ին ՀՀ ոստիկանությունը Բաղրամյան պողոտայից, որտեղ արդեն 13-րդ օրն է, ինչ քաղաքացիները շարունակում են էլեկտրաէներգիայի սակագնի բարձրացման դեմ բողոքի շուրջօրյա ակցիաները, բերման է ենթարկել 23-ամյա Միքայել Դոբրովոլսկուն: Զննությամբ նրա մոտից հայտնաբերվել է կռփազենք` կաստետ: Ոստիկանության տարածած հաղորդագրության համաձայն, Դոբրովոլսկին հայտարարել է, թե ինքը հանրահավաքի մասնակից է, ակտիվիստ, և կռփազենքն էլ գտել է փողոցում: Կռփազենքն առգրավվել է, Դոբրովոլսկին ստորագրությամբ բաց է թողնվել: Կարդացեք նաև՝ #ElectricYerevan. Ցուցարարներից մեկի մոտ կռփազենք է հայտնաբերվել Հղումներ թեմայով. #ElectricYerevan «Հայաստանի էլէկտրական ցանցեր» ընկերությունը դիմել էր Հանրային ծառայությունները կարգավորող հանձնաժողով՝ ՀՀ-ում էլէներգիայի սակագինը 17 դրամով բարձրացնելու հայտով: Հունիսի 17-ի նիստում ՀԾԿՀ-ն մասնակի բավարարեց հայտը՝ որոշելով օգոստոսի 1-ից սակագինը բարձրացնել 6,93 դրամով, ինչը բողոքի մեծ ալիք բարձրացրեց հասարակության շրջանում: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |