Gallup. Հարցվածների 46%-ը կարծում է՝ սահմանադրական բարեփոխումներն անհրաժեշտ են24 հուլիսի 2015 - 14:26 AMT PanARMENIAN.Net - Gallup International Association միջազգային կազմակերպության հայաստանյան գրասենյակը մայիսին 1105 քաղաքացու շրջանում հարցում է անցկացրել ՀՀ-ում սահմանադրական բարեփոխումների մասին: Արդյունքների համաձայն, հայաստանցիների 46%-ն անհրաժեշտ է համարում ՀՀ Սահմանադրությունում փոփոխությունները: Հարցվածների 38%-ը դրանք համարում է ոչ անհրաժեշտ, 16%-ն էլ չի կողմնորոշվել: Այդ մասին հուլիսի 24-ին լրագրողներին հայտնել է գրասենյակի ղեկավար նախագահ Արամ Նավասարդյանը: «Ժողովրդավարություն՝ իրավունքի միջոցով» եվրոպական հանձնաժողովի (Վենետիկի հանձնաժողովի) փորձագետների հետ քննարկումների արդյունքում ՀՀ-ում Սահմանադրական բարեփոխումների մասնագիտական հանձնաժողովը հուլիսի 10-ի, 13-ի, 14-ի և 15-ի հերթական նիստերի ընթացքում լրամշակել է ՀՀ սահմանադրության 1-7-րդ գլուխը: Սահմանադրության նշված գլուխների 52-էջանոց նախագծի նախնական տարբերակը հրապարակվել է հանրային քննարկումների համար՝ տեղադրվելով ՀՀ արդարադատության նախարարության պաշտոնական կայքում: Սահմանադրության 1-7-րդ գլուխը վերաբերվում է սահմանադրական կարգի հիմունքներին, մարդու և քաղաքացու հիմնական իրավունքներին և ազատություններին, հանրապետության նախագահին, ազգային ժողովին, կառավարությանը, դատական իշխանությանը և տեղական ինքնակառավարմանը: Հարցին, թե տեղյակ են արդյոք՝ ներկայիս Սահմանադրությամբ Հայաստանում կառավարման ի՞նչ ձև է գործում, հարցվածների 27%-ը պատասխանել է «ոչ», 73%-ն ասել է, որ տեղյակ է, ընդ որում, հարցին, թե ինչպիսի կառավարման ձև է գործում, տեղյակ քաղաքացիների 40%-ը պատասխանել է՝ կիսանախագահական, 11%–ը պատասխանել է՝ խորհրդարանական, իսկ 49%-ը՝ նախագահական, գրում է Tert.am-ը: Սահմանադրական փոփոխությունները ենթադրում են անցում նախագահականից խորհրդարանական կառավարման: Հարցին, թե տեղյակ են սահմանական բարեփոխումների նախաձեռնությանը, հարցման մասնակիցների 45%-ը պատասխանել է «այո», 51%-ը՝ «ոչ», 5%-ը դժվարացել է պատասխանել: Հարցին, թե կցանկանան մասնակցել բարեփոխումների քննարկումներին՝ 27% դրական պատասխան է տվել է։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ Օվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ին Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն |