Աղբյուր. Apple Music-ի բաժանորդների թիվն արդեն գերազանցել է 10 մլն-ը

28 հուլիսի 2015 - 13:54 AMT

PanARMENIAN.Net - Apple Music հոսքային երաժշտական ծառայությունը հասանելի դարձավ 2015-ի հունիսի 30-ին: Անցած շաբաթ ԱՄՆ Դաշնային առևտրային հանձնաժողովը վարույթ է սկսել հարթակի վերաբերյալ: Գերատեսչությունը կստուգի, չի վնասում արդյոք ամերիկյան կորպորացիան մյուս երաժշտական ծառայություններին` 30% միջնորդավճար գանձելով App Store ֆիրմային խանութի միջոցով բաժանորդագրության համար վճարման ժամանակ և ստիպելով մրցակիցներին երաժշտության 30-օրյա մատչելիության արժեքն ավելացնել $10 մինչև $13:

Չնայած պոտենցիալ դժվարություններին` ընկերությունը հայտարարում է նոր հարթակի մեծ հաջողության մասին: Առաջին հերթին, Apple Music-ի շնորհիվ iOS 8.4 օպերացիոն համակարգը տարածման ռեկորդային տեմպեր է գրանցում: Երկրորդը, ընկերության ղեկավար Թիմ Քուկը հիշատակել է «միլիոնավոր» բաժանորդների մասին: Ըստ HITS Daily Double պարբերականի, թիվն ավելի կոնկրետ է` ծառայությունն արդեն հաղթահարել է 10 մլն օգտատերի շեմը:

Apple Music-ում ամսական 10 դոլար բաժանորդավարձով (կամ 15 դոլար վեց անձից բաղկացած ընտանիքի համար) օգտատերերը կկարողանան երաժշտություն լսել կատալոգից հարցում անելով, ինչպես նաև կկարողանան շփվել արտիստների հետ Connect հարթակում: Ծառայության օգտատերերին նաև 24 ժամ հասանելի կլինի Beats 1 առցանց ռադիոկայանը` Նյու Յորքից, Լոս Անջելեսից ու Լոնդոնից դիջեյների մասնակցությամբ:

Ծառայության կատալոգը ներառում է մոտ 30 մլն կոմպոզիցիա: Բացի այդ, Apple Music-ի շրջանակում օգտատերը կարող է երաժշտություն լսել սեփական iTunes գրադարանից: Ծառայությունում հասանելի է նորույթներով կամ օգտատերի ճաշակով կազմված երաժշտության «ցանկը»: Ծառայությունն ինտեգրված է նաև Siri ձայնային որոնման հետ, օրինակ, օգտատերը կարող է խնդրել Apple Music-ին վերարտադրել նախորդ ամռան կոմպոզիցիաները կամ 1994 թ. դեկտեմբերին չարթերը գլխավորած երգը:

Apple TV և Android-ում Apple Music-ը կհայտնվի 2015-ի աշնանը: Մյուս հարթակների համար ծառայությունը կգործարկվի 2015-ի հունիսի 30-ին:

Apple Inc. ամերիկյան կորպորացիայի գլխավոր գրասենյակը գտնվում է Կալիֆորնիայի նահանգի Կուպերտինո քաղաքում, Apple-ը նախագծում և մշակում է սպառողական էլեկտրոնիկա, համակարգչային ծրագրային ապահովում։ Էփլի լավագույն հայտնի արտադրանքներ են Mac գիծի համակարգիչները, iPod նվագարկչի, iPhone սմարթֆոնը, iPad պլանշետները:

Apple-ն աշխարհի երկրորդ խոշորագույն տեղեկատվական տեխնոլոգիական ընկերությունն է, և աշխարհի երկրորդ խոշորագույն բջջային հեռախոս արտադրողը Սամսունգից հետո: 2014-ին ապրաքանիշը ճանաչվել է աշխարհի ամենաթանկ բրենդը ($153.3 միլիարդ արժողությամբ):

Հղումներ թեմայով.

HITS Daily Double: APPLE MUSIC OVER 10 MILLION