Թուրքիայի մեջլիսի հայազգի պատգամավորը Ադանայի քաղաքապետի դեմ է դուրս եկել31 հուլիսի 2015 - 15:56 AMT PanARMENIAN.Net - Թուրքիայի գլխավոր ընդդիմադիր «Ժողովրդահանրապետական» կուսակցությունից (CHP-ԺՀԿ) ընտրված պատգամավոր, մասնագիտությամբ իրավաբան հայազգի Սելինա Դողանը արդարադատության նախարարին ուղղված գրավոր հարցադրում է ներկայացրել: Նա պահանջել է հետաքննություն սկսել Ադանայի ազգայնական քաղաքապետ Հուսեյն Սյոզլուի դեմ Twitter-ում հայ պատգամավորներին վիրավորող գրառում կատարելու համար: «Որևէ ժողովրդի կամ մարդկանց խմբի այլ ժողովրդից կամ մարդկանց խմբից բարձր դասելը հանցագործություն է: Որևէ պետություն չի կարող և չպետք է դիտորդի կարգավիճակում մնա, երբ իր քաղաքացիների մի հատվածը մյուս հատվածին ճնշում կամ նվաստացնում է», - ասել է նա՝ հիշեցնելով, որ Թուրքիայի քրեական օրենսգրքի 216 հոդվածով «ժողովրդին ատելության և թշնամության դրդելը» հանցագործություն է, գրում է Ermenihaber.am-ը: Դողանն ընդգծել է, որ չնայած օրենսդրությանը, Թուրքիայում գրեթե ամեն օր ազգային ու կրոնական փոքրամասնությունների դեմ ատելություն պարունակող ստորացուցիչ արտահայտություններ են կիրառվում: Թուրքիայի «Ազգայնական շարժում կուսակցության» (ԱՇԿ-MHP) անդամ, Ադանայի քաղաքապետ Հուսեյն Սյոզլուն Twitter-ի էջում Մեջլիս անցած 3 հայ պատգամավորին վիրավորող գրառում էր կատարել՝ վերջիններիս կապելով Թուրքիայի հասարակաց տների ցանցի նախկին սեփականատեր հայազգի Մաթիլդա Մանուկյանի անվան հետ: Հուլիսին Թուրքիայում հայերի, միասեռականների և չինացիների հասցեին (Ույղուրական հարցի ֆոնին լարվել են թուրք-չինական հարաբերությունները) ատելություն պարունակող հայտարարություններ են հնչել։ «Գաղափարի օջախներ» անվանումով ուլտրա-ազգայնական, նեո-ֆաշիստական (հայտնի է նաև իբրև «Գորշ գայլեր») թուրքական կազմակերպության առաջնորդը սպառնալիքներ էր հղել Կարսի հայերի հասցեին այն բանից հետո, երբ կոմպոզիտոր, երաժիշտ Տիգրան Համասյանը համերգներ է ունեցել Անիում, Աղթամարում: «Հիմա մենք ի՞նչ պիտի անենք: Պիտի՞ հայերի որս սկսենք Կարսի փողոցներում»,- ասել է Ադըգյուզելը: Նա մեղադրել է թուրք լրագրողներին ու գործիչներին, ովքեր աջակցում են հայերի գործունեությանը Թուրքիայում: Ավելին՝ նա հայերին է մեղադրել «1915-ի իրադարձությունների համար», կոչ արել «չփորձել թուրքերի համբերությունը» և խոստացել միջոցներ ձեռնարկել, եթե «նման բաները կրկնվեն»: Թուրքիայում հունիսի 7-ին անցկացված ընտրությունների արդյունքում 65 տարվա ընդմիջումից հետո խորհրդարանում միանգամից երեք հայազգի պատգամավոր է ընտրվել՝ Իշխող ԱԶ կուսակցությունից լրագրող Մարգար Եսայանը, ԺԴԿ-ից` Գարո Փայլանը, ԺՀԿ-ից՝ Սելինա Դողանը, որը դարձել է առաջին հայազգի կին պատգամավորը թուրքական խորհրդարանում: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |