Իրանը թույլ չի տա ԱՄՆ տեսուչներին այցելել իր միջուկային օբյեկտներ31 հուլիսի 2015 - 16:04 AMT PanARMENIAN.Net - Իրանը մտադիր չէ թույլ տալ, որ ԱՄՆ և Կանադայի տեսուչներն այցելեն իր միջուկային օբյեկտները միջազգային ստուգումների ժամանակ, հայտարարել է երկրի ԱԳ փոխնախարար Աբբաս Արաքչին: «ԱՄՆ և Կանադայի տեսուչները չեն կարող Իրան մեկնել: Համաձայնագրում ասվում է, որ տեսուչները պետք է լինեն այն երկրներից, որոնց հետ Իրանը դիվանագիտական հարաբերություններ ունի»,-ասել է նա, ելույթ ունենալով ազգային հեռուստատեսությամբ, հայտնում է BBC-ին: Փոխնախարարը հավելել է, որ ՄԱԳԱՏԷ-ի տեսուչները չեն ստանա գաղտնի և ռազմական փաստաթղթերը: Մինչդեռ, Վաշինգոտնը հայտարարում է, որ համաշխարհային հանրությունը չի կարող իրական գործիքներ ստանալ Իրանի միջուկային ծրագրի ստուգման համար` առանց այս հարցի շուրջ լիարժեք համաձայնության: «Իրական աշխարհում միայն 2 տարբերակ կա: Կամ համաձայնագիրը երաշխավորում է, որ Իրանի միջուկային ծրագիրը հսկողության տակ է, կամ, եթե չլինի համաձայնագիր, չեն լինի նաև ստուգումներ»,-հայտարարել է ԱՄՆ պետքարտուղար Ջոն Քերին` ելույթ ունենալով ԱՄՆ Կոնգրեսի ներկայացուցիչների պալատի արտաքին հարաբերությունների կոմիտեում անցած լսումների ժամանակ, հայտնում է ՌԻԱ Նովոստի գործակալությունը: Նա ասել է, որ համաձայնագրի շրջանակում հնարավոր կլինի հսկողություն սահմանել ամեն օր շուրջօրյա ռեժիմով, ինչը չի եղել նախորդ համաձայնությունների դեպքում: Իրանն ու միջազգային միջնորդների «վեցյակը» համաձայնության հասան Իրանի միջուկային ծրագրի շուրջ բանակցություններում: Եվրամիությունը կչեղարկի Իրանի դեմ գործող տնտեսական և ֆինանսական պատժամիջոցները, միաժամանակ Թեհրանը կստանձնի իր պարտավորությունների կատարումը, որոնք համաձայնեցվել են «վեցյակի» հետ, ՄԱԳԱՏԷ-ի հավանությամբ, ասվում է բանակցությունների արդյունքում ընդունված համաձայնագրի նախագծում: «Եվրամիությունը կկասեցնի բոլոր այն դրույթները, որոնք սահմանափակումներ են ենթադրում Իրանի դեմ, ներառյալ ֆինանսական և տնտեսական պատժամիջոցները, կապված Իրանի միջուկային ծրագրի հետ: Իրանն իր հերթին պարտավորվում է ձեռնամուխ լինել բոլոր պայմանավորվածությունների կատարմանը միջուկային հարցի վերաբերյալ»,-ասվում է փաստաթղթում: Հանվում է նաև ԵՄ օդանավակայաններում Իրանի բեռնատար ինքնաթիռների վայրէջքի արգելքը: Թեհրանն ու «վեցյակը» պայմանավորվել են նաև հանել ԵՄ համար գործող «նավթի, գազի, բենզինի և նավթաքիմիայի» արտահանման բոլոր սահմանափակումները, ինչպես նաև «ածխաջրածինների արդյունահանման համար նախատեսված սարքավորումների» արտահանման մասին: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտում Գիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից |