ՌԴ և Ադրբեջանի ռազմական գործակցությունը՝ պաշտպանության նախարարների հանդիպման օրակարգում

PanARMENIAN.Net - ՌԴ պաշտպանության նախարար, բանակի գեներալ Սերգեյ Շոյգուն և Ադրբեջանի պաշտպանության նախարար, գեներալ-գնդապետ Զաքիր Հասանովնօգոստոսի 1-ին քննարկել են երկու երկրների ռազմական գործակցությանն առնչվող հարցեր, հաղորդում է «ՌԻԱ Նովոստի»-ն:

ՌԴ պաշտպանության նախարարության տեղեկատվության համաձայն՝ հանդիպման ժամանակ կարծիքներ են փոխանակվել տարածաշրջանային անվտանգության արդի հարցերի շուրջ, ինչպես նաև քննարկվել են Ռուսաստանի և Ադրբեջանի միջև ռազմական գործակցության զարգացման հեռանկարները:

Հունիսի 3-ին ռազմատեխնիկական գործակցության ոլորտում սեփական աղբյուրների վրա հղումով ՏԱՍՍ-ը հայտնեց, որ Ռուսաստանը բանակցում է Հայաստանի հետ «Իսկանդեր-Մ» ռուսական մարտավարական հրթիռային համալիրի առաքման մասին, սակայն պայմանագիրը դեռ կնքված չէ: Նա նշել է, որ «նման պայմանագրերի մասին ամբողջ տեղեկատվությունը գաղտնի է»:Ըստ վերլուծաբանների, այդ քայլով Ռուսաստանը փորձում է ամրապնդել իր դիրքերը Հարավային Կովկասում: Հատկանշական է, որ ամերիկացի վերլուծաբաններն իրատեսական են համարում ՀՀ-ում «Իսկանդեր-Մ»-ի տեղակայումը:

Հունիսի 26-ին՝ ՀՀ նախագահ Սերժ Սարգսյանի և ՌԴ տրանսպորտի և կապի նախարար, հայ-ռուսական միջկառավարական հանձնաժողովի համանախագահ Մաքսիմ Սոկոլովի հանդիպումից հետո հայտնի դարձավ Ռուսաստանից վարկի տրամադրման մասին: Սերժ Սարգսյանի խոսքով՝ $200 մլն չափով արտոնյալ արտահանման վարկ տրամադրելը թույլ կտա զգալիորեն ընդլայնել Հայաստանի զինված ուժերի զինանոցի ժամանակակից սպառազինման տեսականին: