Ազնավուրը Լիբանանում երգել է Բաթրունի միջազգային փառատոնի բացմանը 3 օգոստոսի 2015 - 18:59 AMT PanARMENIAN.Net - Լիբանանում անցկացվող Բաթրունի միջազգային փառատոնը բացվել է աշխարհահռչակ ֆրանսահայ շանսոնյե Շառլ Ազնավուրի երգերով: Համերգը սկսվելուց առաջ Ազնավուրը նախազգուշացրել է հանդիսատեսին «իր վատացող տեսողության և լսողության ու գոյություն չունեցող հիշողության մասին»: Այնուհետև նա նստել է և սկսել երգել, գրում է The Daily Star-ի թղթակիցը Լիբանանում: Աշխարհահռչակ ֆրանսահայ շանսոնյեի վերջին համերգը Լիբանանում տեղի էր ունեցել 2012-ին՝ Ջունիեի փառատոնին: Ըստ պարբերականի, շանսոնյեն զարմանալի կարիերա է ունեցել, և երաժշտական աշխարհի վրա նրա ազդեցությունը նաև զգալի հետք է թողնում երաժշտությունից դուրս գտնվող աշխարհի վրա: «Նրա ձայնը զարմանալիորեն չի փոխվում, և նրան լսել կենդանի կատարելիս, անգամ՝ երգերը գրվելուց 50 տարի անց, հզոր փորձառություն է: Այն, թե ինչպես է Ազնավուրն օգտագործում երաժշտությունը, նպաստել է մարդկանց շրջանում իր նկատմամբ մեծ սիրուն», - մեջբերում է Tert.am-ը: Շառլ Ազնավուրն օգոստոսի 29-ին համերգ կտա Բելգիայում՝ Grand Casino Knokke-ում, որը նախատեսված է 450 հանդիսատեսի համար:90-ամյա երգիչն արդեն հայտարարել է, որ մտադիր է երգել մինչև 100-ամյակը: Ազնավուրը նշանավոր ֆրանսահայ շանսոնյե, երգիչ, երգահան, կինոդերասան և հասարակական գործիչ է: Մանուկ հասակում նա տարվել է թատրոնով, իսկ 1940-ականներին Պիեռ Ռոշի հետ հանդես եկել կաբարեում։ Առաջին երգը՝ «Ես հարբած եմ» (1944), Ժորժ Ուլմյերի կատարմամբ, արժանացել է «Տարվա ձայնապնակ» մրցանակին, սակայն Ազնավուր-կատարողին հանդիսատեսը երկար ժամանակ չի ընդունել։ Համաշխարհային հռչակ է ստացել 1956-ին՝ Փարիզի «Օլիմպիա» դահլիճում հաջող ելույթից հետո։ Մոտ հազար երգի հեղինակ է (մի մասը՝ երգահան Ժորժ Կառվարենցի հեղինակցությամբ), այդ թվում՝ բազմաթիվ միջազգային հիթերի՝ «Մաման», «Բոհեմը», «Դեռ երեկ», «Երիտասարդություն», «Պետք է գիտնալ», «Նա», «Երկու կիթառ», «Ինչպես ասում են», «Հավերժական սեր», «Ավե Մարիա» և այլն։ Ցայսօր վաճառվել է Ազնավուրի շուրջ հարյուր միլիոն ձայնապնակ։ Ամերիկյան «Թայմ» հանդեսի հարցման համաձայն Ազնավուրը ճանաչվել է «Դարի արվեստագետ»։ Արժանացել է Հայաստանի և Ֆրանսիայի բարձրագույն պետական պարգևներին, «Պատվո սեզարի» (1997)։ 1988-ի սպիտակյան ավերիչ երկրաշարժից անմիջապես հետո հիմնադրել է «Ազնավուրը՝ Հայաստանին» բարեգործական հիմնադրամը։ Հայաստանի մշտական դեսպանն է ՅՈւՆԵՍԿՕ-ում։ 1964-ին, 1996-ին ու 2006-ին համերգներ է տվել Հայաստանում։ Գյումրիում կանգնեցված է Ազնավուրի արձանը, նրա անունով է կոչվում «Մոսկվա» կինոթատրոնի դիմացի հրապարակը: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Օվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ին Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը |